ಮಸ್ಕತ್ | ಸೌತ್ ಕೆನರಾ ಮುಸ್ಲಿಂ ವೆಲ್ಫೇರ್ ಅಸೋಸಿಯೇಷನ್ನ ವಾರ್ಷಿಕ ಸಭೆ
ಮಸ್ಕತ್: 2026–2027ರ ಅವಧಿಯ ಸೌತ್ ಕೆನರಾ ಮುಸ್ಲಿಂ ವೆಲ್ಫೇರ್ ಅಸೋಸಿಯೇಷನ್ (SKMWA) ಇದರ ಅಧ್ಯಕ್ಷರಾಗಿ ಉಡುಪಿ ಮೂಲದ ಹಾಗೂ ಪ್ರಸ್ತುತ ಮಸ್ಕತ್ನ ಖಾಸಗಿ ಕಂಪೆನಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಮೀರ್ ಅಹ್ಮದ್ ಅವರು ಆಯ್ಕೆಯಾಗಿದ್ದಾರೆ.
ನಗರದ ಅಲ್ ರೀಫ್ ಹೋಟೆಲ್ ನಲ್ಲಿ ನಡೆದ ಸಂಘದ ವಾರ್ಷಿಕ ಸಭೆಯಲ್ಲಿ ಈ ಆಯ್ಕೆ ನಡೆಯಿತು. ಮುಖ್ಯ ಅತಿಥಿಗಳಾಗಿ ಆದಿಲ್ ಶೇಖ್, ಮೋನಬ್ಬ, ಶರೀಫ್ ಹಾಗೂ ಸಾಹೇಬ್ಝಾದಾ ಮೆಹಮೂದ್ ಅವರು ಭಾಗವಹಿಸಿದ್ದರು.
ಪದಾಧಿಕಾರಿಗಳು: ಉಪಾಧ್ಯಕ್ಷರಾಗಿ ಮೊಹಮ್ಮದ್ ಆರಿಫ್ (ಉಡುಪಿ) ಮತ್ತು ನಿಯಾಝ್ ಮೊಹಮ್ಮದ್ (ಮಂಗಳೂರು), ಪ್ರಧಾನ ಕಾರ್ಯದರ್ಶಿಯಾಗಿ ಜಸೀಮ್ ಬಾಷಾ (ಕುಂದಾಪುರ), ಜಂಟಿ ಕಾರ್ಯದರ್ಶಿಗಳಾಗಿ ರಿಝ್ವಾನ್ ಅಲಿ (ಉಡುಪಿ) ಮತ್ತು ಝಹೀರ್ ಹುಸೇನ್ (ಮೂಡುಬಿದ್ರಿ), ಖಜಾಂಚಿಯಾಗಿ ತಾಜುದ್ದೀನ್ ಶೇಖ್ (ತೋನ್ಸೆ), ಜೊತೆ ಖಜಾಂಚಿಯಾಗಿ ಇರ್ಫಾನ್ ಅಹ್ಮದ್ (ಉದ್ಯಾವರ), ಹಣಕಾಸು ಕಾರ್ಯದರ್ಶಿಯಾಗಿ ಮೊಹಮ್ಮದ್ ಆಸಿಫ್ ಗಫೂರ್ (ಕಾರ್ಕಳ), ಸಹ ಕಾರ್ಯದರ್ಶಿಯಾಗಿ ಮೊಹಮ್ಮದ್ ಅಕಿಫ್ ಗಫೂರ್ (ಕಾರ್ಕಳ) ಹಾಗೂ ಲೆಕ್ಕಪರಿಶೋಧಕರಾಗಿ ಅಶ್ರಫ್ ಅಲಿ (ಕಾಪು) ಆಯ್ಕೆಯಾಗಿದ್ದಾರೆ.
ಕೋರ್ ಸಮಿತಿ & ಸಂಯೋಜಕರು: ಕಾರ್ಯಕ್ರಮ ಸಂಯೋಜಕರಾಗಿ ಅನ್ಸಾರ್ ಕಾಟಿಪಳ್ಳ ಮತ್ತು ಆದಿಲ್ ಮೂಡಬಿದ್ರಿ, ಕ್ರೀಡಾ ಸಂಯೋಜಕರಾಗಿ ಅಶ್ಫಾಕ್ ಬಸ್ರೂರ್ ಹಾಗೂ ಮುನೀರ್ ಅಹ್ಮದ್ (ಸಾಸ್ತಾನ) ನೇಮಕಗೊಂಡಿದ್ದಾರೆ.
ಕಾರ್ಯಕ್ರಮವು ಮಾಸ್ಟರ್ ಝೈದ್ ಆಸಿಫ್ ಅವರ ಖಿರಾಅತ್ನೊಂದಿಗೆ ಆರಂಭವಾಯಿತು. 2025ನೇ ಸಾಲಿನ ವಾರ್ಷಿಕ ವರದಿಯನ್ನು ಸಮೀರ್ ಅಹ್ಮದ್ ಮಂಡಿಸಿ, ಹಣಕಾಸು ವರದಿಯನ್ನು ಮೊಹಮ್ಮದ್ ಆಸಿಫ್ ಗಫೂರ್ ಮಂಡಿಸಿದರು. ಲೆಕ್ಕಪರಿಶೋಧಕ ಅಶ್ರಫ್ ಅಲಿ ವರದಿಯನ್ನು ಪರಿಶೀಲಿಸಿದರು.
ಈ ಸಂದರ್ಭದಲ್ಲಿ ಮಾಜಿ ಅಧ್ಯಕ್ಷ ಅಝೀಮ್ ಅವರನ್ನು, ಸಂಘಕ್ಕೆ ಸಲ್ಲಿಸಿದ ಸೇವೆಯನ್ನು ಗುರುತಿಸಿ ಸೈಯದ್ ಮೊಹಿದ್ದೀನ್ ಸಾಹೇಬ್ ಸನ್ಮಾನಿಸಿದರು.
ಅಧ್ಯಕ್ಷೀಯ ಭಾಷಣದಲ್ಲಿ ಸಮೀರ್ ಅಹ್ಮದ್ ಸಂಘದ ಮುಂದಿನ ಕಾರ್ಯಕ್ರಮಗಳು ಮತ್ತು ಗುರಿಗಳನ್ನು ವಿವರಿಸಿದರು. ಬಳಿಕ ಜಸೀಮ್ ಬಾಷಾ ವಂದಿಸಿದರು.
ಕಾರ್ಯಕ್ರಮವನ್ನು ಸೈಯದ್ ಮೊಹಿದ್ದೀನ್ ಸಾಹೇಬ್ (ಸಾಸ್ತಾನ) ಮತ್ತು ಅನ್ಸಾರ್ ಕಾಟಿಪಳ್ಳ ಸಂಯೋಜಿಸಿದರು.
