ತುಂಬೆ ಕಾಲೇಜ್ ಆಫ್ ಮ್ಯಾನೇಜ್ಮೆಂಟ್ ಆ್ಯಂಡ್ AI ಇನ್ ಹೆಲ್ತ್ಕೇರ್ ನಿಂದ ನೂತನ ಕೋರ್ಸ್ ಗಳ ಪ್ರಾರಂಭ
ಅಜ್ಮಾನ್: ಆರೋಗ್ಯ ರಕ್ಷಣಾ ಕ್ಷೇತ್ರವು ಕೃತಕ ಬುದ್ಧಿಮತ್ತೆ (AI), ಡೇಟಾ ವಿಶ್ಲೇಷಣೆ ಹಾಗೂ ಡಿಜಿಟಲ್ ಸಂಪರ್ಕಿತ ಆರೈಕೆ ವ್ಯವಸ್ಥೆಗಳ ಪ್ರಭಾವದಿಂದ ವೇಗವಾಗಿ ರೂಪಾಂತರಗೊಳ್ಳುತ್ತಿರುವ ಸಂದರ್ಭದಲ್ಲಿ, ಮುಂದಿನ ಪೀಳಿಗೆಯ ಆರೋಗ್ಯ ನಾಯಕರನ್ನು ರೂಪಿಸುವ ತುಂಬೆ ಕಾಲೇಜ್ ಆಫ್ ಮ್ಯಾನೇಜ್ಮೆಂಟ್ ಆಂಡ್ AI ಇನ್ ಹೆಲ್ತ್ಕೇರ್ ನಿಂದ ಹೊಸ ಪೀಳಿಗೆಯ ಶೈಕ್ಷಣಿಕ ಕೋರ್ಸ್ ಗಳನ್ನು ಆರಂಭಿಸಿದೆ. ಈ ಕಾಲೇಜು ಗಲ್ಫ್ ಮೆಡಿಕಲ್ ಯುನಿವರ್ಸಿಟಿಯಲ್ಲಿ ಕಾರ್ಯನಿರ್ವಹಿಸುತ್ತದೆ.
ಕ್ಲಿನಿಕಲ್ ಪರಿಣತಿ ಮಾತ್ರ ಸಾಕಾಗದ ಇಂದಿನ ಆರೋಗ್ಯ ವ್ಯವಸ್ಥೆಯಲ್ಲಿ, ವೈದ್ಯಕೀಯ ತಿಳುವಳಿಕೆಯನ್ನು ಕಾರ್ಯ ತಂತ್ರದ ಚಿಂತನೆ, ತಂತ್ರಜ್ಞಾನ ನಾಯಕತ್ವ ಮತ್ತು ಡೇಟಾ ಆಧಾರಿತ ನಿರ್ಧಾರಗಳೊಂದಿಗೆ ಸಂಯೋಜಿಸುವ ವೃತ್ತಿಪರರ ಅಗತ್ಯ ಹೆಚ್ಚಿದೆ. ಈ ಬದಲಾವಣೆಗೆ ಪ್ರತಿಕ್ರಿಯೆಯಾಗಿ ಕಾಲೇಜು ಕೃತಕ ಬುದ್ಧಿಮತ್ತೆ, ಆರೋಗ್ಯ ನಿರ್ವ ಹಣೆ, ಅರ್ಥಶಾಸ್ತ್ರ ಹಾಗೂ ವೈದ್ಯಕೀಯ ಒಳನೋಟವನ್ನು ಏಕೀಕೃತ ಶೈಕ್ಷಣಿಕ ಚೌಕಟ್ಟಿನಲ್ಲಿ ಒಗ್ಗೂಡಿಸಿದೆ.
ಕಾಲೇಜು ಸ್ಥಾಪಕರಾದ ಡಾ.ಮೊಯಿದೀನ್ ತುಂಬೆ ಅವರ ಆಧುನಿಕ ಆರೋಗ್ಯ ಶಿಕ್ಷಣದ ದೃಷ್ಟಿಕೋನವನ್ನು ಈ ಕೋರ್ಸ್ ಗಳು ಪ್ರತಿಬಿಂಬಿಸುತ್ತವೆ. ಜವಾಬ್ದಾರಿಯುತ AI ಅಳವಡಿಕೆ, ಡೇಟಾ-ಚಾಲಿತ ನಿರ್ಧಾರ ಪ್ರಕ್ರಿಯೆ ಹಾಗೂ ನೈತಿಕ ನಾಯಕತ್ವಕ್ಕೆ ವಿಶೇಷ ಒತ್ತು ನೀಡಲಾಗಿದೆ.
ಕಾಲೇಜಿನ ಡೀನ್ ಪ್ರೊ. ಅಮೀರ್ ಝೀದ್ ಅವರು, ಇಂದಿನ ಆರೋಗ್ಯ ನಾಯಕತ್ವಕ್ಕೆ ವಿಶ್ಲೇಷಣಾತ್ಮಕ ಚಿಂತನೆ, ಒಗ್ಗಿಕೊಳ್ಳುವಿಕೆ ಹಾಗೂ ವಿಸ್ತಾರಗೊಳ್ಳುತ್ತಿರುವ ಆರೋಗ್ಯ ವ್ಯವಸ್ಥೆಗಳ ಆಳವಾದ ತಿಳುವಳಿಕೆ ಅಗತ್ಯ ಎಂದು ಹೇಳಿದ್ದಾರೆ. ಅವಿಷ್ಕಾರಗಳ ಮೂಲಕ ವೈದ್ಯರ ಹೃದಯ ಮತ್ತು ಎಂಜಿನಿಯರ್ ಮನಸ್ಸು ಹೊಂದಿದ ಪದವೀಧರ ರನ್ನು ರೂಪಿಸುವುದು ನಮ್ಮ ಗುರಿ ಎಂದು ಅವರು ತಿಳಿಸಿದ್ದಾರೆ.
►ಪದವಿ ಹಾಗೂ ಸ್ನಾತಕೋತ್ತರ ಕೋರ್ಸುಗಳು
ವಿಶ್ವ ಆರೋಗ್ಯ ಕ್ಷೇತ್ರದ ಬೇಡಿಕೆಗಳಿಗೆ ಅನುಗುಣವಾಗಿ ಕಾಲೇಜು ಪದವಿ ಮತ್ತು ಸ್ನಾತಕೋತ್ತರ ಮಟ್ಟದಲ್ಲಿ ವೈವಿಧ್ಯಮಯ ಪಠ್ಯಕ್ರಮಗಳನ್ನು ನೀಡುತ್ತಿದೆ.
ಆರೋಗ್ಯ ರಕ್ಷಣೆಯಲ್ಲಿ ಬ್ಯಾಚುಲರ್ ಆಫ್ ಸೈನ್ಸ್ ಇನ್ ಅಪ್ಲೈಡ್ AI ಕೋರ್ಸ್ ಕೃತಕ ಬುದ್ಧಿಮತ್ತೆ, ಮಷೀನ್ ಲರ್ನಿಂಗ್ ಮತ್ತು ಆರೋಗ್ಯ ವಿಶ್ಲೇಷಣೆಯಲ್ಲಿ ಪರಿಣತಿ ಒದಗಿಸಿ, ಡಿಜಿಟಲ್ ಆರೋಗ್ಯ ಮತ್ತು ಆರೋಗ್ಯ ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ವೃತ್ತಿಜೀವನಕ್ಕೆ ಸಹಕಾರಿಯಾಗಲಿದೆ.
ದಿ ಬ್ಯಾಚುಲರ್ ಆಫ್ ಸೈನ್ಸ್ ಇನ್ ಹೆಲ್ತ್ಕೇರ್ ಮ್ಯಾನೇಜ್ಮೆಂಟ್ ಆ್ಯಂಡ್ ಇಕನಾಮಿಕ್ಸ್ ಕೋರ್ಸ್ ಹೆಲ್ತ್ಕೇರ್ ಲೀಡರ್ಶಿಪ್, ಗುಣಮಟ್ಟ ನಿರ್ವಹಣೆ, ಪಾಲಿಸಿ ಹಾಗೂ ಹಾಸ್ಪಿಟರ್ ಅಡ್ಮಿನಿಷ್ಟ್ರೇಷನ್ ನಲ್ಲಿ ಬಲವಾದ ಅಡಿಪಾಯ ಒದಗಿಸಲಿದೆ.
AI ಆ್ಯಂಡ್ ಹೆಲ್ತ್ ಇನ್ಫರ್ಮೇಟಿಕ್ಸ್ ನಲ್ಲಿ ಸ್ನಾತಕೋತ್ತರ ಪದವಿಯು ಡೇಟಾ ಆಧಾರಿತ ಆರೋಗ್ಯ ವ್ಯವಸ್ಥೆಗಳು ಹಾಗೂ AI ನೆರವಿನ ಕ್ಲಿನಿಕಲ್ ನಿರ್ಧಾರದ ಮೇಲೆ ಕೇಂದ್ರೀಕರಿಸಿದೆ.
ದ ಬ್ಯಾಚುಲರ್ ಆಫ್ ಸೈನ್ಸ್ ಇನ್ ಹೆಲ್ತ್ಕೇರ್ ಮ್ಯಾನೇಜ್ಮೆಂಟ್ ಆಂಡ್ ಇಕನಾಮಿಕ್ಸ್ ನಲ್ಲಿ ಸ್ನಾತಕೋತ್ತರ ಪದವಿಯು ಆರೋಗ್ಯ ಸಂಸ್ಥೆಗಳನ್ನು ಕಾರ್ಯತಂತ್ರ ಮತ್ತು ಆರ್ಥಿಕ ಒಳನೋಟದೊಂದಿಗೆ ಮುನ್ನಡೆಸಲು ತಜ್ಞರಿಗೆ ನೆರವಾಗಲಿದೆ.
►ಪ್ರಾಯೋಗಿಕ ಕಲಿಕಾ ವಾತಾವರಣ
ಸುಧಾರಿತ AI ಪ್ರಯೋಗಾಲಯಗಳು, ವ್ಯಾಪಕ ಸಂಶೋಧನಾ ಅವಕಾಶಗಳು ಹಾಗೂ ಗಲ್ಫ್ ಮೆಡಿಕಲ್ ಯುನಿವರ್ಸಿಟಿಯ ಆರೋಗ್ಯ ವ್ಯವಸ್ಥೆಯೊಳಗಿನ ಶೈಕ್ಷಣಿಕ ಆಸ್ಪತ್ರೆಗಳ ಅನುಭವ ವಿದ್ಯಾರ್ಥಿಗಳಿಗೆ ಲಭ್ಯವಾಗಲಿದೆ. ನೈಜ ಪರಿಸ್ಥಿತಿಗಳಲ್ಲಿ ತರಬೇತಿ ನೀಡುವ ಮೂಲಕ ಉದ್ಯೋಗ ಕ್ಷೇತ್ರಕ್ಕೆ ಪ್ರವೇಶಿಸುವ ಮೊದಲು ಅಗತ್ಯ ಕೌಶಲ್ಯ, ಉದ್ಯಮದ ಅರಿವು ಮತ್ತು ಆತ್ಮವಿಶ್ವಾಸವನ್ನು ಬೆಳೆಸಲು ವಿಶೇಷ ಒತ್ತು ನೀಡಲಾಗಿದೆ. 100 ಕ್ಕೂ ಹೆಚ್ಚು ಕೈಗಾರಿಕಾ ಸಹಯೋಗಗಳು ಮತ್ತು ಜಾಗತಿಕ ಪಾಲುದಾರಿಕೆಗಳ ಮೂಲಕ ವಿದ್ಯಾರ್ಥಿಗಳಿಗೆ ಅಂತರರಾಷ್ಟ್ರೀಯ ಮಟ್ಟದ ಅನುಭವ ಒದಗಿಸುವ ವ್ಯವಸ್ಥೆ ಮಾಡಲಾಗಿದೆ.
ಎಲ್ಲಾ ಪದವಿಗಳಿಗೆ ಯುಎಇ ಉನ್ನತ ಶಿಕ್ಷಣ ಸಚಿವಾಲಯದ ಶೈಕ್ಷಣಿಕ ಮಾನ್ಯತಾ ಆಯೋಗದಿಂದ ಮಾನ್ಯತೆ ದೊರೆತಿದೆ. ಜೊತೆಗೆ ಗಲ್ಫ್ ಮೆಡಿಕಲ್ ಯುನಿವರ್ಸಿಟಿಗೆ ಯುಕೆ ಕ್ವಾಲಿಟಿ ಅಶ್ಯುರೆನ್ಸ್ ಏಜೆನ್ಸಿಯಿಂದ ಅಂತರ ರಾಷ್ಟ್ರೀಯ ಮನ್ನಣೆ ಸಿಕ್ಕಿದೆ. ಇದರಿಂದ ಪದವೀಧರರಿಗೆ ಜಾಗತಿಕ ವೃತ್ತಿ ಚಲನಶೀಲತೆ ಹೆಚ್ಚುವ ನಿರೀಕ್ಷೆ ವ್ಯಕ್ತವಾಗಿದೆ.
ಗಲ್ಫ್ ಮೆಡಿಕಲ್ ಯುನಿವರ್ಸಿಟಿಯ ಕುಲಪತಿ ಪ್ರೊ. ಮಂದಾ ವೆಂಕಟ್ರಮಣ ಅವರು, ಭವಿಷ್ಯಕ್ಕೆ ಸಿದ್ಧವಾಗಿರುವ ಸಮರ್ಥ ಹಾಗೂ ತಂತ್ರಜ್ಞಾನಪರ ಆರೋಗ್ಯ ವೃತ್ತಿಪರರನ್ನು ರೂಪಿಸುವಲ್ಲಿ ಸಂಸ್ಥೆ ಬದ್ಧವಾಗಿದೆ ಎಂದು ತಿಳಿಸಿದ್ದಾರೆ.
ಜಾಗತಿಕ ಆರೋಗ್ಯ ಮಾರುಕಟ್ಟೆಯಲ್ಲಿ AI ಬಳಕೆಯು 2030ರ ವೇಳೆಗೆ 187.7 ಬಿಲಿಯನ್ ಡಾಲರ್ ಹಾಗೂ 2034ರ ವೇಳೆಗೆ 674 ಬಿಲಿಯನ್ ಡಾಲರ್ಗೆ ತಲುಪುವ ನಿರೀಕ್ಷೆಯಿದೆ. ಆರೋಗ್ಯ ಸೇವೆಯ ಜೊತೆಗೆ ನೂತನ ತಂತ್ರಜ್ಞಾನದ ವ್ಯವಸ್ಥೆಗಳೆರಡನ್ನೂ ಅರ್ಥಮಾಡಿಕೊಳ್ಳುವ ತಜ್ಞರಿಗೆ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಡಿಜಿಟಲ್ ಆರೋಗ್ಯ ಕ್ಷೇತ್ರದಲ್ಲಿ ಮುನ್ನಡೆಯಲು ಬಯಸುವ ವಿದ್ಯಾರ್ಥಿಗಳಿಗೆ ಬೇಡಿಕೆ ಹೆಚ್ಚಲಿದೆ. ವಿದ್ಯಾರ್ಥಿಗಳು ಕೋರ್ಸ್ ಗೆ ಪ್ರವೇಶ ಪಡೆಯಲು www.gmu.ac.ae ಗೆ ಭೇಟಿ ನೀಡಬಹುದು.
