ಬ್ಯುಸಿ ಜೀವನದಲ್ಲಿ ತೂಕ ನಷ್ಟದ ಯೋಜನೆ ಹೇಗೆ? ತರಬೇತುದಾರರ ಸಲಹೆ ಇಲ್ಲಿದೆ...

ಇಂದಿನ ಬ್ಯುಸಿ ಜಗತ್ತಿನಲ್ಲಿ ನಿತ್ಯದ ವ್ಯಾಯಾಮಕ್ಕೆ ಸಮಯ ಸಿಗುವುದೇ ಕಡಿಮೆ. ಕಚೇರಿಗಳ ಕೆಲಸ ಮುಗಿಸಿ ಸಾರಿಗೆ ದಟ್ಟಣೆ ನಡುವೆ ಮನೆ ಸೇರುವುದು ದೊಡ್ಡ ಸಾಹಸ. ಮನೆಗೆ ತಲುಪಿದ ನಂತರವೂ ಆನ್ಲೈನ್ ಮೀಟಿಂಗ್ ಮತ್ತು ಮನೆಯ ಕೆಲಸಗಳ ನಡುವೆ ಆರೋಗ್ಯ ಹಿಂದಕ್ಕೆ ಸರಿಯುತ್ತದೆ. ಬಹುತೇಕರು ಏರುತ್ತಿರುವ ದೇಹದ ತೂಕವನ್ನು ಕಳೆದುಕೊಳ್ಳಲು ಕಷ್ಟಪಡುತ್ತಾರೆ. ಈ ಹಿನ್ನೆಲೆಯಲ್ಲಿ ಅಟ್ಲಾಂಟದ ಫಿಟ್ನೆಸ್ ತರಬೇತುದಾರ ಬಾಬಿ ಇನ್ಸ್ಟಾಗ್ರಾಂನಲ್ಲಿ ತೂಕ ಇಳಿಸಲು ಕೆಲವು ಮಾರ್ಗಗಳನ್ನು ತಿಳಿಸಿಕೊಟ್ಟಿದ್ದಾರೆ.

ತೂಕ ಇಳಿಸಿಕೊಳ್ಳಲು ದೀರ್ಘ ಗಂಟೆಗಳ ವ್ಯಾಯಾಮ ಮಾಡಬೇಕು ಎಂಬುದು ತಪ್ಪು ಕಲ್ಪನೆ ಎನ್ನುತ್ತಾರೆ ಬಾಬಿ. ತೂಕ ಕಳೆದುಕೊಳ್ಳಬೇಕೆಂದರೆ ವಾರಕ್ಕೆ ಕನಿಷ್ಠ ಐದು ದಿನ ಒಂದು ಗಂಟೆಯಾದರೂ ವ್ಯಾಯಾಮ ಮಾಡುವುದು ಸಾಧ್ಯವಾಗುವುದಿಲ್ಲ. ಹೀಗಾಗಿ ಬಹಳಷ್ಟು ಮಂದಿ ವ್ಯಾಯಾಮದಿಂದ ದೂರ ಉಳಿಯುತ್ತಾರೆ.

ಕೊಬ್ಬಿನ ನಷ್ಟವು ಕೇವಲ ವ್ಯಾಯಾಮಗಳಿಂದ ಬೆಂಬಲಿತವಾಗಿಲ್ಲ. ದೈನಂದಿನ ಚಲನೆಯನ್ನು ಅವಲಂಬಿಸಿದೆ. ಎಷ್ಟು ನಡೆಯುತ್ತೀರಿ, ಎಷ್ಟು ಚಲಿಸುತ್ತೀರಿ ಮತ್ತು ನಿಮ್ಮ ಆಹಾರ ಹೇಗಿದೆ ಎನ್ನುವುದು ಸಂಪೂರ್ಣ ವ್ಯಾಯಾಮಕ್ಕಿಂತ ಹೆಚ್ಚು ಮುಖ್ಯವಾಗುತ್ತದೆ.

ನಡಿಗೆಯನ್ನು ಬಹಳಷ್ಟು ಮಂದಿ ಅಲಕ್ಷಿಸುತ್ತಾರೆ. ಆದರೆ ಕೊಬ್ಬನ್ನು ಕಳೆಯಲು ದಿನಚರಿಯಲ್ಲಿ ಸ್ಥಿರವಾದ ನಡಿಗೆ ಅಗತ್ಯವಾಗುತ್ತದೆ. ನಿತ್ಯವೂ 20ರಿಂದ 30 ನಿಮಿಷ ನಡಿಗೆ ಮತ್ತು ಪ್ರತಿ ಊಟದ ನಂತರ 10 ನಿಮಿಷ ನಡಿಗೆ ಊಹೆಗಿಂತ ಉತ್ತಮ ಫಲಿತಾಂಶ ಕೊಡುತ್ತದೆ. ನಿತ್ಯವೂ ಎಷ್ಟು ಹೆಚ್ಚು ಹೆಜ್ಜೆ ಇಡುತ್ತೇವೆಯೋ ಅಷ್ಟು ಹೆಚ್ಚು ಕೊಬ್ಬು ಕಳೆದುಕೊಳ್ಳುವಿರಿ.

ಶಿಸ್ತುಬದ್ಧ ಆಹಾರ ಸೇವನೆ

ಶಿಸ್ತಿನ ಆಹಾರ ತೂಕ ಇಳಿಸಲು ಅತ್ಯಗತ್ಯ. ಶೇ 70ರಷ್ಟು ಶಿಸ್ತಿನ ಆಹಾರ ಮತ್ತು ಶೇ 30ರಷ್ಟು ವ್ಯಾಯಾಮ ಜೊತೆಗೂಡಿದರೆ ತೂಕ ಇಳಿಸಬಹುದು. ತರಬೇತುದಾರ ಬಾಬಿ ಪ್ರಕಾರ ತೂಕ ಇಳಿಸಲು ಪ್ರಯತ್ನಿಸುತ್ತಿದ್ದರೆ ಆಹಾರವನ್ನು ಸರಳವಾಗಿರಿಸಿ ಮತ್ತು ಪ್ರೊಟೀನ್ ಆಹಾರದ ಮೇಲೆ ಗಮನ ಕೊಡಬೇಕು. ಪ್ರೊಟೀನ್ ನಿಂದ ತೂಕ ಇಳಿಸುವುದು ಸರಳವಾಗುತ್ತದೆ. ಏಕೆಂದರೆ ಪ್ರೊಟೀನ್ ನಿಂದ ಹೊಟ್ಟೆ ತುಂಬಿದ ಭಾವನೆ ಬಂದು ಕ್ಯಾಲರಿ ಸೇವನೆ ಕಡಿಮೆಯಾಗುತ್ತದೆ. ಅಲ್ಲದೆ, ಪ್ರೊಟೀನ್ ಜೀರ್ಣಕ್ರಿಯೆಯ ಸಂದರ್ಭ ಹೆಚ್ಚು ಕ್ಯಾಲರಿಗಳನ್ನು ಕರಗಿಸುವ ಮೂಲಕ ಚಯಾಪಚಯ ಕ್ರಿಯೆಗೆ ನೆರವಾಗುತ್ತದೆ. ಕೊಬ್ಬು ಕರಗಿಸುವ ಜೊತೆಗೆ ಲೀನ್ ಮಸಲ್ ಮಾಸ್ (lean muscle mass) ಅನ್ನು ಸಂರಕ್ಷಿಸುತ್ತದೆ. ಅಂದರೆ, ನಿಮ್ಮ ದೇಹದ ಒಟ್ಟು ತೂಕದಿಂದ ಸ್ನಾಯು ಅಂಗಾಂಶ, ಮೂಳೆಗಳು, ನೀರು, ಅಂಗಗಳು ಮತ್ತು ಚರ್ಮವನ್ನು ಒಳಗೊಂಡಿರುವ ಎಲ್ಲಾ ಕೊಬ್ಬಿನ ಮಾಸ್ ಅನ್ನು ಕರಗಿಸಲಾಗುತ್ತದೆ. ಅಲ್ಲದೆ, ಸಮತೋಲಿತ ಆಹಾರ ಸೇವಿಸಬೇಕು. ಅದರಿಂದ ದೇಹಕ್ಕೆ ಅಗತ್ಯವಿರುವ ಎಲ್ಲಾ ಪೋಷಕಾಂಶ ಸಿಗುತ್ತದೆ.

ಇದು ತೂಕ ಇಳಿಸಲು ಪ್ರಾಯೋಗಿಕ ಮಾರ್ಗವಾಗಿದೆ. ಬಹಳಷ್ಟು ಮಂದಿ ಪ್ರಾಯೋಗಿಕ ಮಾರ್ಗವನ್ನು ಹುಡುಕುತ್ತಿರುತ್ತಾರೆ. ಜನರ ನಿಜವಾದ ಜೀವನಕ್ಕೆ ಸರಿಹೊಂದುವ ಯೋಜನೆ ಬೇಕು. ಏಕೆಂದರೆ ನಿತ್ಯ ಜೀವನದಲ್ಲಿ ಬಳಸಿಕೊಳ್ಳುವ ಕೊಬ್ಬು ನಷ್ಟ ಮಾಡುವ ಯೋಜನೆ ಇದಾಗಿರುತ್ತದೆ.