ಬಣ್ಣರಹಿತ ಮೂತ್ರ ಆರೋಗ್ಯದ ಚಿಹ್ನೆಯಲ್ಲ; ವೈದ್ಯರು ಹೇಳುವುದೇನು?

ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಡಾ. ಕರಣ್ ರಾಜನ್ ಪ್ರಕಾರ ಚೆನ್ನಾಗಿ ನೀರು ಕುಡಿಯುವುದು ಅತ್ಯಗತ್ಯ ವಿಷಯವಾಗಿದೆ. ಆದರೆ ಅತಿಯಾದ ಹೈಡ್ರೇಶನ್ ದೇಹಕ್ಕೆ ಪ್ರಯೋಜನವಿಲ್ಲ.

ಆರೋಗ್ಯಕರ ಜೀವನಶೈಲಿಯಲ್ಲಿ ಚೆನ್ನಾಗಿ ನೀರು ಕುಡಿಯುವುದು ಅತ್ಯಗತ್ಯ ವಿಷಯವಾಗಿದೆ. ಆದರೆ ಅತಿಯಾದ ಹೈಡ್ರೇಶನ್ ದೇಹಕ್ಕೆ ಪ್ರಯೋಜನವಿಲ್ಲ ಎಂದು ಯುನೈಟೆಡ್ ಕಿಂಗ್ಡಂ ಮೂಲದ ಶಸ್ತ್ರಚಿಕಿತ್ಸಕ ಡಾ. ಕರಣ್ ರಾಜನ್ ಹೇಳಿದ್ದಾರೆ.

ಅವರ ಪ್ರಕಾರ, ಸಂಪೂರ್ಣವಾದ ಬಣ್ಣರಹಿತ ಮೂತ್ರವು ಅತಿಯಾದ ಹೈಡ್ರೇಶನ್ ನ ಸಾಮಾನ್ಯ ಗುರುತು. ಮೇ 9ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಡಾ ರಾಜನ್, ಏಕೆ ಸ್ಪಷ್ಟವಾದ ಮೂತ್ರ ಕೆಟ್ಟದು ಮತ್ತು ಹೈಡ್ರೇಶನ್ ಮಟ್ಟಗಳ ಒಟ್ಟು ಚಿತ್ರವನ್ನು ಪಡೆಯಲು ಇತರ ಯಾವ ಗುರುತುಗಳನ್ನು ಬಳಸಬಹುದು ಎಂಬುದನ್ನು ವಿವರಿಸಿದ್ದಾರೆ.

ಬಣ್ಣರಹಿತ ಮೂತ್ರವೇಕೆ ಆರೋಗ್ಯಕರವಲ್ಲ?

ಯೂರೋಕ್ರೋಮ್ ಎಂಬ ಸಂಯುಕ್ತದ ಉಪಸ್ಥಿತಿಯಿಂದಾಗಿ ಮೂತ್ರವು ಹಳದಿ ಬಣ್ಣದಲ್ಲಿರಬೇಕು. ಒಬ್ಬರು ಹೆಚ್ಚುವರಿ ನೀರನ್ನು ಕುಡಿದಾಗ ಹೆಚ್ಚು ಮೂತ್ರ ಉತ್ಪತ್ತಿಯಾಗಿ ಅಗತ್ಯಕ್ಕಿಂತ ಹೆಚ್ಚು ಎಲೆಕ್ಟ್ರೋಲೈಟ್ಗಳ ವಿಸರ್ಜನೆಗೆ ಕಾರಣವಾಗುತ್ತವೆ. ಪರಿಣಾಮವಾಗಿ ಕಾರ್ಯನಿರ್ವಹಿಸಲು ಎಲೆಕ್ಟ್ರೋಲೈಟ್ಗಳ ಅಗತ್ಯವಿರುವ ಜೀವಕೋಶಗಳು ಅವುಗಳ ಕೊರತೆಯನ್ನು ಎದುರಿಸಬಹುದು.

ಡಾ ರಾಜನ್ ಮಾತುಗಳಲ್ಲೇ ಹೇಳುವುದಾದರೆ, “ನಿಮ್ಮ ಮೂತ್ರವು ಹಳದಿ ಬಣ್ಣವಿಲ್ಲದೆ ಹೊರಬರುತ್ತಿದ್ದರೆ ನೀವು ಅಗತ್ಯಕ್ಕಿಂತ ಹೆಚ್ಚು ನೀರು ಕುಡಿಯುತ್ತಿದ್ದೀರಿ. ನಿಮ್ಮ ಮೂತ್ರವು ಹಿಮೋಗ್ಲೋಬಿನ್ ಸ್ಥಗಿತದ ಉಪ ಉತ್ಪನ್ನವಾದ ಯುರೋಕ್ರೋಮ್ ಎಂಬ ಸಂಯುಕ್ತದಿಂದ ಹಳದಿ ಬಣ್ಣ ಪಡೆಯುತ್ತದೆ. ನೀವು ಚೆನ್ನಾಗಿ ಹೈಡ್ರೇಟ್ ಆಗಿರುವಾಗ ನಿಮ್ಮ ಮೂತ್ರಪಿಂಡಗಳು ಈ ಸಂಯುಕ್ತವನ್ನು ಮಸುಕಾದ ಒಣಹುಲ್ಲಿನ ಬಣ್ಣಕ್ಕೆ ದುರ್ಬಲಗೊಳಿಸುತ್ತದೆ ಮತ್ತು ನೀವು ಅಧಿಕ ಹೈಡ್ರೇಟ್ ಆಗಿರುವಾಗ ಯೂರೋಕ್ರೋಮ್ ದುರ್ಬಲಗೊಂಡು ಹಳದಿ ಬಣ್ಣ ಸಂಪೂರ್ಣ ಕಣ್ಮರೆಯಾಗುತ್ತದೆ. ಹೀಗಾಗಿ ಬಣ್ಣರಹಿತ ಮೂತ್ರವು ಆರೋಗ್ಯಕರವಲ್ಲ. ಇದರರ್ಥ ನಿಮ್ಮ ಮೂತ್ರಪಿಂಡಗಳು ದೇಹಕ್ಕೆ ಅಗತ್ಯವಿಲ್ಲದ ಹೆಚ್ಚುವರಿ ನೀರನ್ನು ಹೊರಹಾಕುತ್ತಿವೆ ಮತ್ತು ಹಾಗೆ ಮಾಡುವುದರಿಂದ ನಿಮ್ಮ ಜೀವಕೋಶಗಳು ನಿಜವಾಗಿಯೂ ಕಾರ್ಯನಿರ್ವಹಿಸಲು ಅಗತ್ಯವಿರುವ ಎಲೆಕ್ಟ್ರೋಲೈಟ್ಗಳನ್ನು ದುರ್ಬಲಗೊಳಿಸಬಹುದು.”

ಮೂತ್ರದ ಬಣ್ಣ ಸ್ಪಷ್ಟವಾಗಿರುವುದು ಹೈಡ್ರೇಶನ್ ಹೆಚ್ಚಾಗಿರುವ ಗುರುತು ಆಗಿದ್ದರೂ, ಅದೊಂದೇ ಗುರುತಲ್ಲ. ಡಾ ರಾಜನ್ ಹೇಳುವ ಪ್ರಕಾರ, “ನಮ್ಮ ದೇಹದಿಂದ ಹೊರ ಹೋಗುವ ಮೂತ್ರವು ನಿಮ್ಮ ಮೂತ್ರಕೋಶದಲ್ಲಿ ಮೂರರಿಂದ ನಾಲ್ಕು ಗಂಟೆಗಳ ಕಾಲ ಇದ್ದ ನೀರಾಗಿರುತ್ತದೆ. ವಾಸ್ತವದಲ್ಲಿ ಆ ಅವಧಿಯಲ್ಲಿ ಹೈಡ್ರೇಶನ್ ಸ್ಥಿತಿ ಹೇಗಿತ್ತು ಎನ್ನುವುದರ ಸಂಕೇತವಾಗಿದೆ”.

ಹೀಗಾಗಿ, ದೇಹದ ಹೈಡ್ರೇಶನ್ ಮಟ್ಟವನ್ನು ತಿಳಿದುಕೊಳ್ಳಲು ಇತರ ಅಂಶಗಳನ್ನೂ ಪರಿಗಣಿಸಬೇಕಾಗುತ್ತದೆ. ಅವುಗಳಲ್ಲಿ ಈ ಕೆಳಗಿನ ಅಂಶಗಳು ಸೇರಿವೆ:

► ಮೂತ್ರ ವಿಸರ್ಜನೆಯ ಆವರ್ತನ: ಮೂತ್ರ ವಿಸರ್ಜನೆಗಾಗಿ ದಿನಕ್ಕೆ ನಾಲ್ಕರಿಂದ ಆರು ಶೌಚಾಲಯ ಭೇಟಿಗಳು ಆರೋಗ್ಯವಂತ ವಯಸ್ಕರಲ್ಲಿ ಹೈಡ್ರೇಶನ್ ನ ಉತ್ತಮ ಮಾನದಂಡವಾಗಿದೆ.

► ಶಕ್ತಿಯ ಮಟ್ಟಗಳು: ಸೌಮ್ಯ ಡಿಹೈಡ್ರೇಶನ್ನಿಂದ ದ್ರವ ನಷ್ಟದಲ್ಲಿ ದೇಹದ ತೂಕದ ಶೇ 1-2ರಷ್ಟು ಕಡಿಮೆ ಇದ್ದರೂ ಬಾಯಾರಿಕೆ ಅನುಭವಿಸುವ ಮೊದಲಿನ ಅರಿವಿನ ಸ್ಥಿತಿ, ಪ್ರತಿಕ್ರಿಯೆ ಸಮಯ ಮತ್ತು ಮನಸ್ಥಿತಿಯನ್ನು ದುರ್ಬಲಗೊಳಿಸಬಹುದು. ಬಾಯಾರಿಕೆ ನೀರು ಕುಡಿಯಲು ವಿಳಂಬದ ಸೂಚಕವಾಗಿರುತ್ತದೆ.

►ಲೋಳೆ ಪೊರೆಗಳ ಪರೀಕ್ಷೆ: ಒಣ ಬಾಯಿ, ಒಣ ತುಟಿಗಳು, ಒಣ ಮೂಗಿನ ಮಾರ್ಗಗಳು ಇವೆಲ್ಲವೂ ಮೂತ್ರ ಕಪ್ಪಾಗುವ ಮೊದಲು ಕಾಣಿಸಿಕೊಳ್ಳುವ ಡಿಹೈಡ್ರೇಶನ್ನ ಆರಂಭಿಕ ಚಿಹ್ನೆಗಳು.

►ವಿಶ್ರಾಂತಿ ಹೃದಯಬಡಿತ: ಡಿಹೈಡ್ರೇಶನ್ ರಕ್ತದ ಪ್ರಮಾಣ ಕಡಿಮೆ ಮಾಡುತ್ತದೆ. ಆಗ, ಹೃದಯವು ಬಡಿತ ಹೆಚ್ಚಿಸುವ ಮೂಲಕ ಸರಿದೂಗಿಸುತ್ತದೆ. ವಿಶ್ರಾಂತಿ ಹೃದಯ ಬಡಿತ ಹೆಚ್ಚಾಗಿದ್ದರೆ ಬೇರೆ ವಿಧದಲ್ಲಿ ವಿವರಿಸಲು ಸಾಧ್ಯವಿಲ್ಲ. ನಿಮ್ಮ ದ್ರವ ಸೇವನೆ ಪರಿಶೀಲಿಸಬೇಕು.

ಕೃಪೆ : hindustantimes.com