ಆರೋಗ್ಯಕ್ಕೆ ಆಹಾರ: ನುಗ್ಗೆ, ಬೀಟ್ರೂಟ್ ಮತ್ತು ರಾಗಿ ಜೊತೆಗೂಡಿಸಿದ ರೋಟಿ!

ಡಾ. ಸುಮೀತ್ ಸಿರೋಯ ಅವರ ಪ್ರಕಾರ, ವೈವಿಧ್ಯಮಯ ಸಸ್ಯದ ಅಂಶಗಳನ್ನು ಸಂಯೋಜಿಸುವುದರಿಂದ ಪ್ರಮಾಣವನ್ನು ಹೆಚ್ಚಿಸದೇ ಒಂದು ಸರಳ ಊಟದ ಪೌಷ್ಠಿಕಾಂಶದ ಗುಣಮಟ್ಟವನ್ನು ಹೆಚ್ಚಿಸಬಹುದು.

ಪೌಷ್ಠಿಕ ಆಹಾರ ಬಹಳ ರುಚಿಕರವೂ ಆಗಿರಬಹುದು ಎಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಸವಿತಾ ಅವರು, ರಾಗಿ, ಬೀಟ್ರೂಟ್, ನುಗ್ಗೆಕಾಯಿ ಮತ್ತು ಕಡಲೆಗಳ ರೋಟಿಯ ಲಾಭಗಳನ್ನು ವಿವರಿಸಿದ್ದಾರೆ.

“ಈ ರೋಟಿಗಳಲ್ಲಿ ನುಗ್ಗೆಯ ಕಹಿ, ಬೀಟ್ರೂಟ್‌ ನ ಸಿಹಿ, ಕಡಲೆಗಳ ಕುರುಕುರುತನ ಮತ್ತು ರಾಗಿಯ ಸಹಜವಾದ ರುಚಿ ಇರುತ್ತದೆ. ಇಂತಹ ಪೌಷ್ಠಿಕ ಮತ್ತು ರುಚಿಕರ ಆಹಾರ ಸೇವಿಸಿದರೆ ನಿಮಗೆ ಬಹಳ ಖುಷಿಯಾಗಲಿದೆ” ಎಂದು ಪೋಸ್ಟ್‌ ನಲ್ಲಿ ಅವರು ಹೇಳಿದ್ದಾರೆ.

ಈ ಬಗ್ಗೆ ವೈದ್ಯರು ಏನು ಹೇಳುತ್ತಾರೆ?

ಡಾ. ಸುಮೀತ್ ಸಿರೋಯ ಅವರ ಪ್ರಕಾರ, ವೈವಿಧ್ಯಮಯ ಸಸ್ಯದ ಅಂಶಗಳನ್ನು ಸಂಯೋಜಿಸುವುದರಿಂದ ಪ್ರಮಾಣವನ್ನು ಹೆಚ್ಚಿಸದೇ ಒಂದು ಸರಳ ಊಟದ ಪೌಷ್ಠಿಕಾಂಶದ ಗುಣಮಟ್ಟವನ್ನು ಹೆಚ್ಚಿಸಬಹುದು.

ವಸ್ತುಗಳನ್ನು ಪದರ ಪದರವಾಗಿ ಏಕೆ ಬಳಸಬೇಕು?

“ಒಂದೇ ರೊಟ್ಟಿಯಲ್ಲಿ ನುಗ್ಗೆಕಾಯಿ, ಬೀಟ್ರೂಟ್, ಬೀಜಗಳು ಮತ್ತು ರಾಗಿಯ ದ್ರಾವಣವನ್ನು ಸೇರಿಸುವುದು ಪೂರಕ ಪೋಷಣೆಯನ್ನು ಸೃಷ್ಟಿಸುತ್ತದೆ. ರಾಗಿಯು ಕ್ಯಾಲ್ಸಿಯಂ, ಫೈಬರ್ ಮತ್ತು ನಿಧಾನವಾಗಿ ಬಿಡುಗಡೆಯಾಗುವ ಕಾರ್ಬೋಹೈಡ್ರೇಟ್‌ಗಳನ್ನು ಒದಗಿಸುತ್ತದೆ. ನುಗ್ಗೆಕಾಯಿ ಕಬ್ಬಿಣ, ಆಂಟಿ-ಆಕ್ಸಿಡೆಂಟ್‌ಗಳು ಮತ್ತು ಸಸ್ಯ ಪ್ರೋಟೀನ್‌ಗಳನ್ನು ನೀಡುತ್ತದೆ. ಬೀಟ್ರೂಟ್ ಫೋಲೇಟ್ (folate) ಮತ್ತು ಫೈಟೋನ್ಯುಟ್ರಿಯೆಂಟ್‌ಗಳನ್ನು (phytonutrients) ಸೇರಿಸುತ್ತದೆ. ಕಡಲೆಗಳು ಆರೋಗ್ಯಕರ ಕೊಬ್ಬುಗಳು ಮತ್ತು ಅಗತ್ಯ ಸೂಕ್ಷ್ಮ ಪೋಷಕಾಂಶಗಳನ್ನು (micronutrients) ಪೂರೈಸುತ್ತವೆ.”

ಅಂತಹ ಸಂಯೋಜನೆಗಳು ಶಕ್ತಿಯ ಸ್ಥಿರ ಬಿಡುಗಡೆಯನ್ನು ಉತ್ತೇಜಿಸುತ್ತವೆ ಎಂದು ಅವರು ವಿವರಿಸುತ್ತಾರೆ. “ನೀವು ಫೈಬರ್, ಸಂಕೀರ್ಣ ಕಾರ್ಬೋಹೈಡ್ರೇಟ್‌ಗಳು ಮತ್ತು ಉತ್ತಮ ಕೊಬ್ಬುಗಳನ್ನು ಸೇರಿಸಿದಾಗ, ತೀಕ್ಷ್ಣವಾದ ಗ್ಲೂಕೋಸ್ ಏರಿಳಿತಗಳನ್ನು ತಪ್ಪಿಸಬಹುದು. ಇದು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸುತ್ತದೆ ಮತ್ತು ಶಕ್ತಿಯ ಮಟ್ಟವನ್ನು ಸ್ಥಿರವಾಗಿರಿಸುತ್ತದೆ.”

ಸಸ್ಯಾಧಾರಿತ ಆಹಾರಗಳನ್ನು ಅನುಸರಿಸುವವರಿಗೆ ವೈವಿಧ್ಯತೆ ನಿರ್ಣಾಯಕ ಎಂದು ಅವರು ಹೇಳುತ್ತಾರೆ. “ವಿಭಿನ್ನ ಸಸ್ಯ ಆಹಾರಗಳು ವಿಭಿನ್ನ ಪೋಷಕಾಂಶಗಳ ಕೊರತೆಯನ್ನು ಭರ್ತಿಮಾಡುತ್ತವೆ. ಸಂಸ್ಕರಿಸಿದ ಆಹಾರಗಳ ಮೇಲೆ ಅತಿಯಾಗಿ ಅವಲಂಬಿತವಾಗದೇ ಸಾಕಷ್ಟು ಸೂಕ್ಷ್ಮ ಪೋಷಕಾಂಶಗಳನ್ನು ಖಚಿತಪಡಿಸಿಕೊಳ್ಳಲು ಆಲೋಚಿಸಿ ಮಾಡುವ ಸಂಯೋಜನೆಗಳು ನೆರವಾಗುತ್ತವೆ.”

ನಗರ ಆರೋಗ್ಯ ಮತ್ತು ಸೂಪರ್ ಫುಡ್ ಚರ್ಚೆ

ನುಗ್ಗೆಕಾಯಿ ಮತ್ತು ರಾಗಿಯನ್ನು ಸೂಪರ್ ಆಹಾರವೆಂದು ಪರಿಗಣಿಸಲಾಗಿದೆ. ವೈದ್ಯ ಸುಮೀತ್ ಅವರ ಪ್ರಕಾರ, ಇವೆರಡು ಪೌಷ್ಠಿಕಾಂಶ ಸಮೃದ್ಧ ಸಾಂಪ್ರದಾಯಿಕ ಆಹಾರಗಳಾಗಿವೆ. “ಜಡ ಜೀವನಶೈಲಿ ಮತ್ತು ಸಂಸ್ಕರಿಸಿದ ಆಹಾರಗಳು ಪ್ರಾಬಲ್ಯ ಹೊಂದಿರುವ ನಗರ ಭಾರತದಲ್ಲಿ, ರಾಗಿಯ ಹೆಚ್ಚಿನ ಕ್ಯಾಲ್ಸಿಯಂ ಅಂಶವು ಮೂಳೆಯ ಆರೋಗ್ಯಕ್ಕೆ ಉತ್ತಮ. ಅದರಲ್ಲಿರುವ ಫೈಬರ್ ಕೊಲೆಸ್ಟ್ರಾಲ್ ಮತ್ತು ಜೀರ್ಣಕ್ರಿಯೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ನುಗ್ಗೆಕಾಯಿ ಆಂಟಿ-ಆಕ್ಸಿಡೆಂಟ್‌ಗಳು, ಕಬ್ಬಿಣ, ವಿಟಮಿನ್ ಸಿ ಮತ್ತು ಸಸ್ಯ ಪ್ರೋಟೀನ್‌ಗಳಿಂದ ಸಮೃದ್ಧವಾಗಿದೆ. ಈ ಅಂಶಗಳ ಕೊರತೆ ಅನೇಕ ನಗರ ನಿವಾಸಿಗಳಲ್ಲಿ ಕಂಡುಬರುತ್ತದೆ” ಎಂದು ಅವರು ಹೇಳಿದ್ದಾರೆ.

ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಮತ್ತು ತೂಕ ನಿಯಂತ್ರಣ

ಬೀಟ್ರೂಟ್‌ ನ ನೈಸರ್ಗಿಕ ಸಿಹಿ ಮತ್ತು ಕಡಲೆಗಳ ಆರೋಗ್ಯಕರ ಕೊಬ್ಬುಗಳು ರೊಟ್ಟಿಯನ್ನು ರುಚಿಕರವಾಗಿಸುತ್ತವೆ. ಆದರೆ ಅವು ಚಯಾಪಚಯ ಆರೋಗ್ಯವನ್ನು ಹಾಳು ಮಾಡುತ್ತವೆಯೇ? ಇಲ್ಲ, ಬದಲಾಗಿ ಇದು ಪೌಷ್ಠಿಕಾಂಶದ ಸಮತೋಲಿತ ಸಂಯೋಜನೆಯಾಗಿದೆ. ರಾಗಿಯಿಂದ ಸಂಕೀರ್ಣ ಕಾರ್ಬೋಹೈಡ್ರೇಟ್‌ಗಳು, ನುಗ್ಗೆಕಾಯಿ ಮತ್ತು ಬೀಟ್ರೂಟ್‌ನಿಂದ ಫೈಬರ್, ಕಡಲೆಗಳಿಂದ ಪ್ರೋಟೀನ್ ಮತ್ತು ಕೊಬ್ಬುಗಳನ್ನು ಪಡೆಯಲಾಗುತ್ತದೆ. ಇವು ಗ್ಲೂಕೋಸ್ ಹೀರಿಕೊಳ್ಳುವಿಕೆಯನ್ನು ನಿಧಾನಗೊಳಿಸುತ್ತವೆ.

ರಕ್ತದಲ್ಲಿನ ಸಕ್ಕರೆ ಅಥವಾ ತೂಕದ ಸಮಸ್ಯೆ ಇರುವವರಿಗೆ ಇಂತಹ ಆಹಾರ ಬಹಳ ಉತ್ತಮ ಪೌಷ್ಠಿಕ ಆಯ್ಕೆಯಾಗಿರುತ್ತದೆ. ಆದರೆ ಒಂದು ಆಹಾರದಿಂದ ಮಾತ್ರ ಬದಲಾವಣೆ ಸಾಧ್ಯವಿಲ್ಲ. ದೈಹಿಕ ಚಟುವಟಿಕೆ, ನಿದ್ರೆ ಮತ್ತು ಒಟ್ಟು ಕ್ಯಾಲರಿ ಸೇವನೆ ಮುಖ್ಯವಾಗುತ್ತದೆ.

*ಸೂಚನೆ: ಈ ಲೇಖನವನ್ನು ಸಾಮಾಜಿಕ ಮಾಧ್ಯಮ ಮತ್ತು ಮಾಧ್ಯಮಗಳಲ್ಲಿ ಪ್ರಕಟವಾದ ಮಾಹಿತಿಗಳ ಆಧಾರದ ಮೇಲೆ ಬರೆಯಲಾಗಿದೆ. ಇದು ಯಾವುದೇ ವೈದ್ಯಕೀಯ ಸಲಹೆಗೆ ಪರ್ಯಾಯವಲ್ಲ. ನಿಮ್ಮ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಪಡೆಯಲು ದಯವಿಟ್ಟು ತಜ್ಞ ವೈದ್ಯರನ್ನು ಸಂಪರ್ಕಿಸಿ.