ರಕ್ಷಣಾ ಸಚಿವಾಲಯದಡಿ DGQA ನೇಮಕಾತಿ; ಯಾರು ಅರ್ಜಿ ಸಲ್ಲಿಸಬಹುದು?

ಕೇಂದ್ರ ಸರಕಾರದ ಉದ್ಯೋಗಕ್ಕೆ 10ನೇ ತರಗತಿ ಹಾಗೂ ಐಟಿಐ ಪೂರ್ಣಗೊಳಿಸಿದ ಅರ್ಹ ಅಭ್ಯರ್ಥಿಗಳಿಂದ ಅಂಚೆ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.

ಭಾರತ ಸರಕಾರದ ರಕ್ಷಣಾ ಸಚಿವಾಲಯದ ಅಧೀನದಲ್ಲಿ ಕಾರ್ಯನಿರ್ವಹಿಸುವ ರಕ್ಷಣಾ ಗುಣಮಟ್ಟ ಭರವಸೆ ಮಹಾನಿದೇಶನಾಲಯವು (DGQA) ಗ್ರೂಪ್ 'ಸಿ' ತಂತ್ರಜ್ಞ (Technician) ಹುದ್ದೆಗಳ ನೇಮಕಾತಿಗಾಗಿ ಅಧಿಸೂಚನೆಯನ್ನು ಬಿಡುಗಡೆ ಮಾಡಿದೆ.

ನಾನ್-ಮಿನಿಸ್ಟ್ರಿಯಲ್ ಹಾಗೂ ಇಂಡಸ್ಟ್ರಿಯಲ್ ವಿಭಾಗದ ಒಟ್ಟು 14ರಿಂದ 15 ಗ್ರೂಪ್ 'ಸಿ' ತಂತ್ರಜ್ಞ (ನುರಿತ ಮತ್ತು ಅರೆ-ನುರಿತ) ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಈ ಕೇಂದ್ರ ಸರಕಾರದ ಉದ್ಯೋಗಕ್ಕೆ 10ನೇ ತರಗತಿ ಹಾಗೂ ಐಟಿಐ (ITI) ಪೂರ್ಣಗೊಳಿಸಿದ ಅರ್ಹ ಅಭ್ಯರ್ಥಿಗಳಿಂದ ಆಫ್‌ಲೈನ್ (ಅಂಚೆ ಮೂಲಕ) ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.

ಪ್ರಮುಖ ದಿನಾಂಕಗಳು

‘ಎಂಪ್ಲಾಯ್‌ಮೆಂಟ್ ನ್ಯೂಸ್’ ಪತ್ರಿಕೆಯಲ್ಲಿ ಜಾಹೀರಾತು ಪ್ರಕಟವಾದ ದಿನಾಂಕದಿಂದ 21 ದಿನಗಳ ಒಳಗಾಗಿ, ಅಂದರೆ ಅಂದಾಜು 2026ರ ಆಗಸ್ಟ್ 28ರ ಒಳಗಾಗಿ ಅರ್ಜಿ ತಲುಪುವಂತೆ ನೋಡಿಕೊಳ್ಳಬೇಕು.

ಹುದ್ದೆಯ ವಿವರಗಳು

ಒಟ್ಟು 14 ಹುದ್ದೆಗಳು ದೇಶದ ಪ್ರಮುಖ ನಾಲ್ಕು ನಗರಗಳಲ್ಲಿ ಹಂಚಿಕೆಯಾಗಿವೆ.

* ಸಿಕಂದರಾಬಾದ್‌ನಲ್ಲಿ ಟೆಕ್ನಿಷಿಯನ್ (ಸ್ಕಿಲ್ಡ್) ವಿಭಾಗದ 5 ಹುದ್ದೆಗಳಿವೆ.

* ಬೆಂಗಳೂರಿನಲ್ಲಿ ಟೆಕ್ನಿಷಿಯನ್ (ಸೆಮಿ-ಸ್ಕಿಲ್ಡ್) 4 ಹಾಗೂ ಟೆಕ್ನಿಷಿಯನ್ (ಸ್ಕಿಲ್ಡ್) 2 ಹುದ್ದೆಗಳು ಖಾಲಿ ಇವೆ.

* ಜಬಲ್ಪುರದಲ್ಲಿ ಟೆಕ್ನಿಷಿಯನ್ (ಸೆಮಿ-ಸ್ಕಿಲ್ಡ್) 1 ಹುದ್ದೆ ಇದೆ.

* ಚಂಡೀಗಢದಲ್ಲಿ ಟೆಕ್ನಿಷಿಯನ್ (ಸೆಮಿ-ಸ್ಕಿಲ್ಡ್) 2 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ.

ವಿದ್ಯಾರ್ಹತೆ

* 10ನೇ ತರಗತಿ (ಮೆಟ್ರಿಕ್ಯುಲೇಷನ್) ಜೊತೆಗೆ ಸಂಬಂಧಿತ ಟ್ರೇಡ್‌ನಲ್ಲಿ ಐಟಿಐ (ITI) ಪ್ರಮಾಣಪತ್ರ ಅಥವಾ ಅನುಭವ.

* ಟೆಕ್ನಿಷಿಯನ್ (ಸೆಮಿ-ಸ್ಕಿಲ್ಡ್) ಹುದ್ದೆಗಳಿಗೆ ಮಾನ್ಯತೆ ಪಡೆದ ಬೋರ್ಡ್‌ನಿಂದ 10ನೇ ತರಗತಿ ಪಾಸ್ ಆಗಿರಬೇಕು ಹಾಗೂ ಯಾವುದೇ ಟ್ರೇಡ್‌ನಲ್ಲಿ ಐಟಿಐ ಪೂರ್ಣಗೊಳಿಸಿರಬೇಕು ಅಥವಾ ರಕ್ಷಣಾ ಸೇವೆಗಳ ಟ್ರೇಡ್ಸ್‌ಮನ್ ಕೋರ್ಸ್ ಮಾಡಿರಬೇಕು.

* ಟೆಕ್ನಿಷಿಯನ್ (ಸ್ಕಿಲ್ಡ್) ಹುದ್ದೆಗಳಿಗೆ 10ನೇ ತರಗತಿಯ ಜೊತೆಗೆ ಸಂಬಂಧಪಟ್ಟ ನಿಗದಿತ ಟ್ರೇಡ್‌ನಲ್ಲಿ ಐಟಿಐ ಪೂರ್ಣಗೊಳಿಸಿ, ಕನಿಷ್ಠ ಒಂದು ವರ್ಷದ ಕೆಲಸದ ಅನುಭವ ಹೊಂದಿರಬೇಕು.

ವಯಸ್ಸಿನ ಮಿತಿ

* ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕಕ್ಕೆ ಅನ್ವಯವಾಗುವಂತೆ ಅಭ್ಯರ್ಥಿಗಳ ವಯಸ್ಸು ಕನಿಷ್ಠ 18 ವರ್ಷ ಹಾಗೂ ಗರಿಷ್ಠ 27 ವರ್ಷ ಮೀರಿರಬಾರದು.

* ವಯೋಮಿತಿ ಸಡಿಲಿಕೆಯಡಿ ಎಸ್‌ಸಿ, ಎಸ್‌ಟಿ ಅಭ್ಯರ್ಥಿಗಳಿಗೆ 5 ವರ್ಷ ಹಾಗೂ ಒಬಿಸಿ ಅಭ್ಯರ್ಥಿಗಳಿಗೆ 3 ವರ್ಷಗಳ ವಿನಾಯಿತಿ ಇರುತ್ತದೆ.

ವೇತನ ಶ್ರೇಣಿ

* ಆಯ್ಕೆಯಾಗುವ ಅಭ್ಯರ್ಥಿಗಳಿಗೆ 7ನೇ ವೇತನ ಆಯೋಗದ ಅನ್ವಯ ಸೆಮಿ-ಸ್ಕಿಲ್ಡ್ ಹುದ್ದೆಗಳಿಗೆ ಮಾಸಿಕ 18,000 ರೂ. ದಿಂದ 56,900 ರೂ. ಹಾಗೂ ಸ್ಕಿಲ್ಡ್ ಹುದ್ದೆಗಳಿಗೆ 19,900 ರೂ. ದಿಂದ 63,200 ರೂ. ವರೆಗೆ ವೇತನ ಸಿಗಲಿದೆ.

* ಇದರ ಜೊತೆಗೆ ಕೇಂದ್ರ ಸರಕಾರದ ಇತರ ಭತ್ಯೆಗಳೂ ಲಭ್ಯವಿರುತ್ತವೆ.

ಅರ್ಜಿ ಸಲ್ಲಿಸುವ ವಿಧಾನ

ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶವಿರುವುದಿಲ್ಲ. ಅಧಿಸೂಚನೆಯಲ್ಲಿರುವ ನಮೂನೆಯಂತೆ ಭರ್ತಿ ಮಾಡಿದ ಅರ್ಜಿಯನ್ನು ಅಗತ್ಯ ದಾಖಲೆಗಳೊಂದಿಗೆ ಅಧಿಕೃತ ವಿಳಾಸಕ್ಕೆ ಸ್ಪೀಡ್ ಪೋಸ್ಟ್ ಅಥವಾ ರಿಜಿಸ್ಟರ್ಡ್ ಪೋಸ್ಟ್ ಮೂಲಕ ಕಳುಹಿಸಬೇಕು. ದೂರದ ಪ್ರದೇಶಗಳ ಅಭ್ಯರ್ಥಿಗಳಿಗೆ ಅಧಿಸೂಚನೆ ಪ್ರಕಟವಾದ ದಿನದಿಂದ ಸುಮಾರು 28 ದಿನಗಳವರೆಗೆ ಕೊನೆಯ ದಿನಾಂಕವಿರುತ್ತದೆ.

ಆಯ್ಕೆ ಪ್ರಕ್ರಿಯೆ

* ಈ ನೇಮಕಾತಿಯಲ್ಲಿ ಯಾವುದೇ ಮೌಖಿಕ ಸಂದರ್ಶನ ಇರುವುದಿಲ್ಲ.

* ಅಭ್ಯರ್ಥಿಗಳಿಗೆ 100 ಅಂಕಗಳ ಬಹು ಆಯ್ಕೆ ಮಾದರಿಯ ಲಿಖಿತ ಪರೀಕ್ಷೆ ನಡೆಸಲಾಗುತ್ತದೆ.

* ಜನರಲ್ ಇಂಟೆಲಿಜೆನ್ಸ್, ಜನರಲ್ ಅವೇರ್‌ನೆಸ್, ಇಂಗ್ಲಿಷ್ ಭಾಷೆ ಹಾಗೂ ನ್ಯೂಮರಿಕಲ್ ಆಪ್ಟಿಟ್ಯೂಡ್ ವಿಷಯಗಳಿರುತ್ತವೆ.

* ಲಿಖಿತ ಪರೀಕ್ಷೆಯಲ್ಲಿ ಶಾರ್ಟ್‌ಲಿಸ್ಟ್ ಆದವರಿಗೆ 100 ಅಂಕಗಳ ಟ್ರೇಡ್ ಟೆಸ್ಟ್ ನಡೆಸಿ, ಈ ಎರಡೂ ಪರೀಕ್ಷೆಗಳ ಮೆರಿಟ್ ಆಧಾರದ ಮೇಲೆ ಅಂತಿಮ ಆಯ್ಕೆ ಮಾಡಲಾಗುತ್ತದೆ.

ಅರ್ಜಿ ಸಲ್ಲಿಕೆಗೆ ಬೇಕಾದ ಪ್ರಮಾಣಪತ್ರಗಳು

* ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಇಚ್ಛಿಸುವವರು ನಿಗದಿತ ಅರ್ಜಿ ನಮೂನೆಯನ್ನು A4 ಅಳತೆಯ ಕಾಗದದಲ್ಲಿ ಇಂಗ್ಲಿಷ್‌ನಲ್ಲಿ ಟೈಪ್ ಮಾಡಿ ಭರ್ತಿ ಮಾಡಬೇಕು.

* ಅರ್ಜಿಯ ಜೊತೆಗೆ ಶೈಕ್ಷಣಿಕ ಅಂಕಪಟ್ಟಿಗಳು, ಜನನ ಪ್ರಮಾಣಪತ್ರ, ಜಾತಿ ಪ್ರಮಾಣಪತ್ರ ಮತ್ತು ಆಧಾರ್ ಕಾರ್ಡ್‌ನ ಸ್ವಯಂ ದೃಢೀಕೃತ ಜೆರಾಕ್ಸ್ ಪ್ರತಿಗಳನ್ನು ಲಗತ್ತಿಸಬೇಕು.

* ಮುಖ್ಯವಾಗಿ, ನಿಮ್ಮ ಪೂರ್ಣ ವಿಳಾಸ ಬರೆದ 30 ಸೆಂ.ಮೀ. × 12 ಸೆಂ.ಮೀ. ಅಳತೆಯ ಖಾಲಿ ಲಕೋಟೆಯ ಮೇಲೆ ಕಡ್ಡಾಯವಾಗಿ 55 ರೂ. ಮುಖಬೆಲೆಯ ಅಂಚೆ ಚೀಟಿ ಅಂಟಿಸಿ ಕಳುಹಿಸಬೇಕು.

* ಭರ್ತಿ ಮಾಡಿದ ಅರ್ಜಿ ಹಾಗೂ ಎಲ್ಲಾ ದಾಖಲೆಗಳನ್ನು ದೊಡ್ಡ ಲಕೋಟೆಯಲ್ಲಿ ಹಾಕಿ, ಅದರ ಮೇಲೆ ಹುದ್ದೆಯ ಹೆಸರು ಮತ್ತು ವರ್ಗವನ್ನು ದಪ್ಪಕ್ಷರದಲ್ಲಿ ಬರೆದು ಸಿಕಂದರಾಬಾದ್‌ನ ಕಚೇರಿಗೆ ಕಳುಹಿಸಬೇಕು.

ಅರ್ಜಿ ಕಳುಹಿಸಬೇಕಾದ ವಿಳಾಸ

Controllerate of Quality Assurance (Systems), DGQA Technical Complex, Manovikas Nagar P.O., Secunderabad – 500009 ಎಂಬ ವಿಳಾಸಕ್ಕೆ ಕೇವಲ ಸ್ಪೀಡ್ ಪೋಸ್ಟ್ ಅಥವಾ ರಿಜಿಸ್ಟರ್ಡ್ ಪೋಸ್ಟ್ ಮೂಲಕವೇ ಕಳುಹಿಸಬೇಕು.