ಬಾಂಗ್ಲಾದೇಶ | ಅವಾಮಿ ಲೀಗ್ ನಾಯಕ ಹನೀಫ್‍ಗೆ ಗಲ್ಲು ಶಿಕ್ಷೆ

ಢಾಕ: ಬಾಂಗ್ಲಾದೇಶದ ವಿಶೇಷ ನ್ಯಾಯಮಂಡಳಿಯು ಜುಲೈ ದಂಗೆಯ ಸಮಯದಲ್ಲಿ ಆರು ಜನರ ಹತ್ಯೆ ಪ್ರಕರಣದಲ್ಲಿ ಆವಾಮಿ ಲೀಗ್ ಜಂಟಿ ಪ್ರಧಾನ ಕಾರ್ಯದರ್ಶಿ ಮಹಬುಬುಲ್ ಆಲಂ ಹನೀಫ್ ಅವರಿಗೆ ಗುರುವಾರ ಗಲ್ಲು ಶಿಕ್ಷೆ ವಿಧಿಸಿದೆ ಎಂದು ಪಿಟಿಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

2024 ರಲ್ಲಿ ನಡೆದ ಹಿಂಸಾತ್ಮಕ ವಿದ್ಯಾರ್ಥಿ ನೇತೃತ್ವದ ಪ್ರತಿಭಟನೆಗಳ ಸಮಯದಲ್ಲಿ ಈ ಹತ್ಯೆಗಳು ನಡೆದಿದ್ದವು. ಈ ದಂಗೆಯಿಂದಾಗಿ ಅದೇ ವರ್ಷದ ಆಗಸ್ಟ್ 5 ರಂದು ಶೇಖ್ ಹಸೀನಾ ಅವರ ಸರಕಾರ ಪತನಗೊಂಡು, ಅವರು ಭಾರತಕ್ಕೆ ನಿರ್ಗಮಿಸುವಂತಾಯಿತು.