ಮಾನವ ಹಕ್ಕುಗಳ ಪಾಠ ಮಾಡಬೇಡಿ’ : ಫ್ರಾನ್ಸ್ ವಿರುದ್ಧ ಇರಾನ್ ಆಕ್ರೋಶ

ಟೆಹ್ರಾನ್: ಇಸ್ರೇಲಿ ಸೇನಾ ಕಾರ್ಯಾಚರಣೆಗಳಿಗೆ ಫ್ರಾನ್ಸ್ ನೀಡುತ್ತಿರುವ ಬೆಂಬಲವು ಮಾನವ ಹಕ್ಕುಗಳ ವಿಷಯದಲ್ಲಿ ಅವರ ನೈತಿಕ ಅಧಿಕಾರವನ್ನು ಕಳೆದುಕೊಳ್ಳುವಂತೆ ಮಾಡಿದೆ ಎಂದು ಇರಾನ್ ವಿದೇಶಾಂಗ ಸಚಿವ ಅಬ್ಬಾಸ್ ಅರಘ್ಚಿ ಹೇಳಿರುವುದಾಗಿ ಅಲ್ ಜಝೀರಾ ವರದಿ ಮಾಡಿದೆ.

ಈ ಬಗ್ಗೆ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿರುವ ಅವರು, "ಫ್ರಾನ್ಸ್ ನಂತಹ ದೇಶಗಳು 'ಮಾನವ ಹಕ್ಕುಗಳು' ಮತ್ತು ಅಂತರರಾಷ್ಟ್ರೀಯ ಕಾನೂನಿನ ಬಗ್ಗೆ ಜಗತ್ತಿಗೆ ಪಾಠ ಮಾಡುವುದನ್ನು ನಿಲ್ಲಿಸಬೇಕು. ನಿಮ್ಮ ಈ ಬೂಟಾಟಿಕೆಯು ಸ್ಪಷ್ಟವಾಗಿದೆ ಮತ್ತು ಮುಜುಗರ ತರಿಸುವಂತಿದೆ" ಎಂದು ಬರೆದುಕೊಂಡಿದ್ದಾರೆ.

"ಗಾಝಾದಲ್ಲಿ ಇಸ್ರೇಲ್ ನಡೆಸುತ್ತಿರುವ ನರಮೇಧಕ್ಕೆ ಮತ್ತು ಇರಾನ್ ಮೇಲಿನ ಆಕ್ರಮಣಕ್ಕೆ ನೀವು ನೀಡುತ್ತಿರುವ ಬೆಂಬಲವು, ನೀವು ಹೊಂದಿದ್ದೀರಿ ಎಂದು ನೀವೇ ಭಾವಿಸಿದ್ದ ನೈತಿಕತೆಯನ್ನು ಸಂಪೂರ್ಣವಾಗಿ ನಾಶಪಡಿಸಿದೆ" ಎಂದು ಅರಘ್ಚಿ ಹೇಳಿದ್ದಾರೆ.