ಜಾಗತಿಕವಾಗಿ Gemini 4 Argon ಬಿಡುಗಡೆ ಮಾಡಿದ ಗೂಗಲ್; ಮೊಬೈಲ್‌ನಲ್ಲೇ ಬಳಸಬಹುದು!

ಗೂಗಲ್ ಪ್ರಕಾರ Argon ಹಣಕಾಸು, ಕೋಡಿಂಗ್, ಕಾನೂನು ಮತ್ತು ತೆರಿಗೆಯಂತಹ ಕ್ಷೇತ್ರಗಳಲ್ಲಿ ಮಾಡೆಲ್ ಕಾರ್ಯಕ್ಷಮತೆಯನ್ನು ಅಳೆಯುವ Vals Index ನಲ್ಲಿ Argon ಮೊದಲ ಸ್ಥಾನವನ್ನು ಪಡೆದುಕೊಂಡಿದೆ.

ಗೂಗಲ್ ತನ್ನ ಅತ್ಯಂತ ಶಕ್ತಿಶಾಲಿ AI ಮಾದರಿಯಾದ Gemini 4 Argon ಅನ್ನು ಸಾರ್ವಜನಿಕರಿಗೆ ಪರಿಚಯಿಸುತ್ತಿದೆ. ಆಂಥ್ರೋಪಿಕ್ ಕಂಪನಿಯ Claude Opus 5.5 ಮತ್ತು OpenAI ನ GPT-6 Astra ನಂತಹ ಮಾದರಿಗಳಿಗೆ ಪೈಪೋಟಿ ನೀಡುವ, ಅತ್ಯಾಧುನಿಕ ಮಾದರಿಗಳಲ್ಲಿ ಒಂದಾಗಿದೆ ಆರ್ಗಾನ್ ಎಂದು ಕಂಪನಿ ಹೇಳಿಕೊಂಡಿದೆ. ಗೂಗಲ್ ಮೊದಲು Gemini 4 Argon ಬಗ್ಗೆ ಘೋಷಣೆ ಮಾಡಿದ ಸುಮಾರು ಎರಡು ವಾರಗಳ ನಂತರ ಈ ಬೆಳವಣಿಗೆ ನಡೆದಿದೆ.

Gemini 4 Argon ಅನ್ನು ವಾಸ್ತವದಲ್ಲಿ ನೈಜ ಜಗತ್ತಿನ ವಿವಿಧ ಕ್ಷೇತ್ರಗಳ ಕಾರ್ಯಗಳನ್ನು ನಡೆಸಲೆಂದು ರೂಪಿಸಲಾಗಿದೆ. ಗೂಗಲ್ ಪ್ರಕಾರ ಹಣಕಾಸು, ಕೋಡಿಂಗ್, ಕಾನೂನು ಮತ್ತು ತೆರಿಗೆಯಂತಹ ಕ್ಷೇತ್ರಗಳಲ್ಲಿ ಮಾಡೆಲ್ ಕಾರ್ಯಕ್ಷಮತೆಯನ್ನು ಅಳೆಯುವ Vals Index ನಲ್ಲಿ Argon ಮೊದಲ ಸ್ಥಾನವನ್ನು ಪಡೆದುಕೊಂಡಿದೆ.

Gemini AI Pro ಮತ್ತು Ultra ಬಳಕೆದಾರರು ಈಗ ಜೆಮಿನ್ ಆ್ಯಪ್ ಮತ್ತು ಗೂಗಲ್ ಸರ್ಚ್ನಲ್ಲಿರುವ AI ಮೋಡ್ ಮೂಲಕ Gemini 4 Argon ಅನ್ನು ಬಳಸಬಹುದು. ಜೆಮಿನ್ ಆ್ಯಪ್‌ನಲ್ಲಿ ನೀವು ಈ AI ಅನ್ನು Adobe ಮತ್ತು Shopify ಸೇರಿದಂತೆ 40ಕ್ಕೂ ಹೆಚ್ಚು ಆ್ಯಪ್‌ಗಳಿಗೆ ಸಂಪರ್ಕಿಸಬಹುದು. ಆ ಮೂಲಕ ದಿನಸಿ ಸಾಮಗ್ರಿಗಳನ್ನು ಆರ್ಡರ್ ಮಾಡುವುದು ಮತ್ತು ರೆಸ್ಟೋರೆಂಟ್ ಟೇಬಲ್ಗಳನ್ನು ಬುಕ್ ಮಾಡುವಂತಹ ಕಾರ್ಯಗಳನ್ನು ಈ AI ನಿಮಗಾಗಿ ನಿರ್ವಹಿಸಬಲ್ಲದು. ಇದು ಮೆಟಾದ ಮ್ಯೂಸ್ AI ಕಾರ್ಯನಿರ್ವಹಿಸುವ ಮಾದರಿಯನ್ನೇ ಹೋಲುತ್ತದೆ.

ಜೆಮಿನಿ ಮತ್ತು ಗೂಗಲ್ ಲ್ಯಾಬ್ಸ್ನ ಉತ್ಪನ್ನ ವಿಭಾಗದ ಉಪಾಧ್ಯಕ್ಷರಾದ ಜೋಶ್ ವುಡ್ವಾರ್ಡ್ ಪ್ರಕಾರ Gemini 4 Argon ಅಸ್ಪಷ್ಟತೆ ಅಥವಾ ಮುನ್ನೆಚ್ಚರಿಕೆಯ ಮಾತುಗಳನ್ನು ಕಡಿಮೆ ಮಾಡಿ ಪ್ರಶ್ನೆಗಳಿಗೆ ನೇರವಾಗಿ ಉತ್ತರಿಸುತ್ತದೆ. ಅನಗತ್ಯವಾಗಿ ವಿಷಯವನ್ನು ಪುನರಾವರ್ತಿಸುವುದಿಲ್ಲ. ಮತ್ತು ಉತ್ತರಗಳನ್ನು ಸವಕಲು ನುಡಿಗಟ್ಟುಗಳನ್ನು ಬಳಸುವುದಿಲ್ಲ ಎಂದು ಹೇಳಿದ್ದಾರೆ. Gemini 4 Argon ಬಲವಾದ ಕೋಡಿಂಗ್ ವೈಶಿಷ್ಟ್ಯಗಳನ್ನು ಮತ್ತು ಗೂಗಲ್ ಆಂಟಿಗ್ರಾವಿಟಿ ಜೊತೆಗೆ ನಿಕಟ ಸಂಪರ್ಕ ಹೊಂದಿದೆ.

ಡೆವಲಪರ್ಗಳಿಗೆ ಈ ಮಾದರಿಯು ಜೆಮಿನಿ API ಮೂಲಕ ಲಭ್ಯವಿದ್ದರೆ ಗೂಗಲ್ AI ಅಲ್ಟ್ರಾ ಚಂದಾದಾರರಿಗೆ ‘ಗೂಗಲ್ ಆಂಟಿಗ್ರಾವಿಟಿ’ ಮೂಲಕ ಲಭ್ಯವಿರುತ್ತದೆ. ಆರ್ಗಾನ್ ಆರಂಭಿಕ ಬೆಲೆಯಾಗಿ ಪ್ರತಿ ಮಿಲಿಯನ್ ಇನ್ಪುಟ್ ಟೋಕನ್ಗಳಿಗೆ 190 ರೂ. ಮತ್ತು ಪ್ರತಿ ಮಿಲಿಯನ್ ಔಟ್ಪುಟ್ ಟೋಕನ್ಗಳಿಗೆ 950 ರೂ. ದರವನ್ನು ಹೊಂದಿದೆ. ಜೊತೆಗೆ ಕ್ಯಾಶ್ಡ್ ಇನ್ಪುಟ್ ಟೋಕನ್ಗಳ ಮೇಲೆ ಶೇ 95ರಷ್ಟು ರಿಯಾಯಿತಿ ನೀಡಲಾಗುತ್ತದೆ. 2026 ನವೆಂಬರ್ 30ರ ನಂತರ ಸಾರ್ವಜನಿಕ ಬಳಕೆಯ ಆವೃತ್ತಿಯ ಬೆಲೆಯು ಪ್ರತಿ ಮಿಲಿಯನ್ ಇನ್ಪುಟ್ ಟೋಕನ್ಗಳಿಗೆ 380 ರೂ. ಮತ್ತು ಪ್ರತಿ ಮಿಲಿಯನ್ ಔಟ್ಪುಟ್ ಟೋಕನ್ಗಳಿಗೆ 1900 ರೂ.ಗೆ ಏರಿಕೆಯಾಗಲಿದೆ ಎಂದು ಕಂಪನಿ ತಿಳಿಸಿದೆ.

ಅಟೋಮೇಷನ್ ಬೆಂಚ್ ಮತ್ತು ಕೋಡಿಂಗ್ ಟೆಸ್ಟ್ DeepSWE 1.1 ನಂತಹ ಮಾನದಂಡಗಳಲ್ಲಿ Gemini 4 Argon ಅನ್ನು ಹೋಲಿಸಿದರೆ GPT-6 Astra ಮತ್ತು Claude Opus 5.5. ಗಿಂತ ಹೆಚ್ಚಿನ ಕಾರ್ಯಕ್ಷಮತೆಯನ್ನು ಹೊಂದಿದೆ. ಪ್ರತಿಸ್ಪರ್ಧಿ AI ಮಾಡೆಲ್ಗಳು ಪಡೆಯುವ ಸರಿಸುಮಾರು 1,28,000 ಕ್ಕೆ ಹೋಲಿಸಿದರೆ Gemini 4 Argon ಉದ್ಯಮದಲ್ಲಿ ಪ್ರಮುಖ 1 ಮಿಲಿಯನ್ ಟೋಕನ್ ಔಟ್ಪುಟ್ ಮಿತಿಯನ್ನು ಸಹ ಪಡೆಯುತ್ತದೆ. ಇದು AI ದೀರ್ಘ ಪ್ರತಿಕ್ರಿಯೆಗಳನ್ನು ನೀಡಲು ಅನುವು ಮಾಡಿಕೊಡುತ್ತದೆ.

ಗೂಗಲ್ನ ತಂಡಗಳು ಮತ್ತು ಸಂಶೋಧಕರು ಈಗಾಗಲೇ Argon ಬಳಸುತ್ತಿದ್ದಾರೆ. ಆಂಟಿಗ್ರಾವಿಟಿಯಲ್ಲಿ Argon ಬಳಸುವ ಸಾಫ್ಟ್ವೇರ್ ಎಂಜಿನಿಯರ್ಗಳು ಏಜೆಂಟ್ ಕೋಡ್ ಸಲ್ಲಿಕೆಗಳನ್ನು ಶೇ 35ಕ್ಕಿಂತ ಹೆಚ್ಚು ಹೆಚ್ಚಿಸಿದ್ದಾರೆ ಮತ್ತು ಕೋಡ್ ರೋಲ್ಬ್ಯಾಕ್ಗಳನ್ನು ಸುಮಾರು ಮೂರನೇ ಒಂದು ಭಾಗದಷ್ಟು ಕಡಿಮೆ ಮಾಡಿದ್ದಾರೆ ಎಂದು ಕಂಪನಿ ಹೇಳಿಕೊಂಡಿದೆ.

Gemini 4 Argon ಭೌತಿಕ ತಿಳುವಳಿಕೆ ಮತ್ತು ದೃಶ್ಯ -ಶಬ್ದಾರ್ಥದ ತಾರ್ಕಿಕತೆಯಲ್ಲಿ ಪ್ರಮುಖ ಲಾಭಗಳನ್ನು ತರುತ್ತದೆ. ಇದು ರೋಬೋಟಿಕ್ಸ್ ಸ್ಟ್ಯಾಕ್ನಾದ್ಯಂತ ಹೊಸ ಕೆಲಸದ ಹರಿವುಗಳನ್ನು ಅನ್ಲಾಕ್ ಮಾಡಬಹುದು ಮತ್ತು ಭೌತಿಕ AGI (Artificial General Intelligence) ಕಡೆಗೆ ಪ್ರಗತಿ ವೇಗಗೊಳಿಸುತ್ತದೆ ಎಂದು ಗೂಗಲ್ ಹೇಳಿದೆ.

ಕಳೆದ ವರ್ಷ ಬಿಡುಗಡೆಯಾದ Gemini 3 Pro ನಂತರ Gemini 4 Argon ಗೂಗಲ್ನ ಮೊದಲ ಫ್ರಂಟಿಯರ್ AI ಮಾಡೆಲ್ ಆಗಿದೆ. ಆಂತರಿಕ ಗುರಿಗಳನ್ನು ತಲುಪಲು ವಿಫಲವಾದ ನಂತರ ಕಂಪನಿಯು Gemini 3.5 Pro ಬಿಡುಗಡೆಯನ್ನು ರದ್ದುಗೊಳಿಸಿದೆ ಎಂದು ವರದಿಯಾಗಿದೆ.