ಯೆಮನ್‌ ನ ತೈಝ್‌ ನಲ್ಲಿ ಹೌತಿಗಳಿಂದ ಶೆಲ್‌, ಸ್ನೈಪರ್ ದಾಳಿ: ಮಹಿಳೆ ಮೃತ್ಯು, ಐವರಿಗೆ ಗಾಯ

ತೈಝ್: ಯೆಮೆನ್‌ ನ ತೈಝ್‌ ನ ಆಗ್ನೇಯ ಭಾಗದಲ್ಲಿರುವ ಸಾಬಿರ್ ಅಲ್‌–ಮವಾಡಿಮ್ ಜಿಲ್ಲೆಯಲ್ಲಿ ಹೌತಿ ಪಡೆಗಳು ನಡೆಸಿದ ಶೆಲ್‌ ದಾಳಿ ಮತ್ತು ಸ್ನೈಪರ್‌ ಗುಂಡಿನ ದಾಳಿಯಲ್ಲಿ ಮಹಿಳೆಯೊಬ್ಬರು ಮೃತಪಟ್ಟಿದ್ದು, ಐವರು ನಾಗರಿಕರು ಗಾಯಗೊಂಡಿದ್ದಾರೆ.

ಯೆಮೆನ್‌ ನ ಸರಕಾರಿ ಸ್ವಾಮ್ಯದ 'ಸಬಾ' (Saba) ಸುದ್ದಿ ಸಂಸ್ಥೆಯ ವರದಿಯ ಪ್ರಕಾರ, ಗಾಯಗೊಂಡವರಲ್ಲಿ ಮಹಿಳೆ ಮತ್ತು ಬಾಲಕಿಯೂ ಸೇರಿದ್ದಾರೆ.

ತೈಝ್ ಮಾನವ ಹಕ್ಕುಗಳ ಕೇಂದ್ರದ ಹೇಳಿಕೆಯನ್ನು ಉಲ್ಲೇಖಿಸಿರುವ ವರದಿಯು, ಅಲ್‌–ಶಕಾಬ್ ಪ್ರದೇಶದ ವಸತಿ ಪ್ರದೇಶಗಳು ಮತ್ತು ಹಳ್ಳಿಗಳನ್ನು ಗುರಿಯಾಗಿಸಿಕೊಂಡು ಹೌತಿ ಪಡೆಗಳು ದಾಳಿ ನಡೆಸಿವೆ ಎಂದು ತಿಳಿಸಿದೆ. ನಾಗರಿಕರ ವಸತಿ ಪ್ರದೇಶಗಳ ಮೇಲೆ ನಡೆದ ದಾಳಿಯಲ್ಲಿ ಸಾವು-ನೋವು ಸಂಭವಿಸಿರುವುದಾಗಿ ವರದಿ ಹೇಳಿದೆ.