ಅಮೆರಿಕ ಜೊತೆಗಿನ ಯಾವುದೇ ಮಾತುಕತೆಯನ್ನು ತಿರಸ್ಕರಿಸಿದ ಇರಾನ್

ಟೆಹರಾನ್: ಮಧ್ಯಪ್ರಾಚ್ಯ ಯುದ್ಧದ ಕುರಿತು ಪುನಃ ಮಾತುಕತೆ ನಡೆಸಲು ತಾನು ಸಿದ್ಧ ಎಂಬ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿಕೆಯ ಬೆನ್ನಲ್ಲೇ ಇರಾನ್‍ನ ಭದ್ರತಾ ಮುಖ್ಯಸ್ಥರು ಅಮೆರಿಕದೊಂದಿಗಿನ ಯಾವುದೇ ಮಾತುಕತೆಯನ್ನು ಮಂಗಳವಾರ ತಿರಸ್ಕರಿಸಿದ್ದಾರೆ.

`ಮಾತುಕತೆಯೇ ಇಲ್ಲ' ಎಂದು ಒಮ್ಮೆ ಹೇಳಿದರೆ ಮತ್ತೊಮ್ಮೆ `ನಾವು ಮಾತನಾಡಲು ಸಿದ್ಧರಿದ್ದೇವೆ' ಎನ್ನುವ ಅಮೆರಿಕ ಅಧ್ಯಕ್ಷರ ಗೊಂದಲದ ಹೇಳಿಕೆಗಳಿಂದ ದಿಕ್ಕು ತಪ್ಪಬೇಡಿ ಎಂದು ಇರಾನ್‍ನ ರಾಷ್ಟ್ರೀಯ ಭದ್ರತಾ ಮಂಡಳಿಯ ಕಾರ್ಯದರ್ಶಿ ಮೊಹ್ಸೆನ್ ರೆಜಾಯಿ `ಎಕ್ಸ್'ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ತೈಲ ಮತ್ತು ಜಲಸಂಧಿಗಳ ಸುತ್ತಲಿನ ಪರಿಸ್ಥಿತಿಗಳು ಈಗ ಬದಲಾಗಿವೆ. ಹಾನಿ ನಿಯಂತ್ರಣದ ಪ್ರಯತ್ನಗಳು ಮುಂದೆ ಸಂಭವಿಸುವುದನ್ನು ತಡೆಯಲು ಸಾಧ್ಯವಿಲ್ಲ. ಇರಾನ್‍ನ ಷರತ್ತುಗಳು ಈಡೇರುವವರೆಗೆ ಯಾವುದೇ ಮಾತುಕತೆಗಳಿಲ್ಲ ಎಂದು ಅವರು ಸೇರಿಸಿದ್ದಾರೆ.

`ಸೋಲುತ್ತಿರುವ ಇರಾನ್ ರಾಷ್ಟ್ರವು ಅತ್ಯಂತ ವೇಗವಾಗಿ ಮತ್ತು ತುರ್ತಾಗಿ ಒಪ್ಪಂದ ಮಾಡಿಕೊಳ್ಳಲು ಬಯಸುತ್ತಿದೆ. ಅಮೆರಿಕ ಇದರಲ್ಲಿ ಭಾಗವಹಿಸಬೇಕೇ ಅಥವಾ ಬೇಡವೇ ಎಂಬುದನ್ನು ನಾನು ನಿರ್ಧರಿಸುತ್ತೇನೆ . ಈ ಆಲೋಚನೆಗೆ ನಾವು ಮುಕ್ತವಾಗಿದ್ದೇವೆ' ಎಂದು ಟ್ರಂಪ್ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದರು.