ಗ್ಯಾಂಬಿಯಾ ಕರಾವಳಿಯಲ್ಲಿ ವಲಸಿಗರ ದೋಣಿ ಮುಳುಗಡೆ: ಕನಿಷ್ಠ 12 ಮಂದಿ ಮೃತ್ಯು

ಬಾಂಜುಲ್: ಗ್ಯಾಂಬಿಯಾ ಕರಾವಳಿಯ ಸಮೀಪ ವಲಸಿಗರನ್ನು ಸಾಗಿಸುತ್ತಿದ್ದ ದೋಣಿಯೊಂದು ಮುಳುಗಿದ ಪರಿಣಾಮ ಕನಿಷ್ಠ 12 ಮಂದಿ ಮೃತಪಟ್ಟಿದ್ದು ಹಲವರು ನಾಪತ್ತೆಯಾಗಿದ್ದಾರೆ ಎಂದು ರೆಡ್ ಕ್ರಾಸ್ ತಿಳಿಸಿದೆ.

ಈ ದೋಣಿಯು ಅಟ್ಲಾಂಟಿಕ್ ದ್ವೀಪದ ಜಿನಾಕ್ ಕಜಾಟಾ ಪ್ರದೇಶದಿಂದ ಹೊರಟಿತ್ತು. ಸ್ಪೇನ್‍ನ ಕ್ಯಾನರಿ ದ್ವೀಪಗಳನ್ನು ತಲುಪಲು ಬಯಸುವ ವಲಸಿಗರಿಗೆ ಇದು ಪ್ರಮುಖ ನಿರ್ಗಮನ ಕೇಂದ್ರವಾಗಿ ಮಾರ್ಪಟ್ಟಿದೆ. ನಾಪತ್ತೆಯಾದವರ ನಿಖರ ಸಂಖ್ಯೆ ಇನ್ನೂ ಸ್ಪಷ್ಟವಾಗಿಲ್ಲ. ರಕ್ಷಣಾ ಕಾರ್ಯಾಚರಣೆ ಮುಂದುವರಿದಂತೆ ಹೆಚ್ಚಿನ ಮಾಹಿತಿ ಲಭ್ಯವಾಗುವ ನಿರೀಕ್ಷೆಯಿದೆ ಎಂದು ಗ್ಯಾಂಬಿಯಾ ರೆಡ್ ಕ್ರಾಸ್ ಸೊಸೈಟಿ ಹೇಳಿಕೆಯಲ್ಲಿ ತಿಳಿಸಿದೆ.