ಇರಾನ್ ನಾಯಕರನ್ನು ಭೇಟಿಯಾದ ಪಾಕಿಸ್ತಾನದ ಗೃಹ ಸಚಿವ ಮೊಹ್ಸಿನ್ ನಖ್ವಿ

ಇಸ್ಲಾಮಾಬಾದ್, ಆ.12: ಸ್ಥಗಿತಗೊಂಡಿರುವ ಅಮೆರಿಕ -ಇರಾನ್ ಶಾಂತಿ ಮಾತುಕತೆಗಳನ್ನು ಸಕ್ರಿಯಗೊಳಿಸಲು ಪಾಕಿಸ್ತಾನದ ಗೃಹ ಸಚಿವ ಮೊಹ್ಸಿನ್ ನಖ್ವಿ ಅವರು ಟೆಹರಾನ್‍ನಲ್ಲಿ ಇರಾನ್ ಅಧ್ಯಕ್ಷ ಮಸೌದ್ ಪೆಜೆಶ್ಕಿಯನ್ ಮತ್ತು ವಿದೇಶಾಂಗ ಸಚಿವ ಅಬ್ಬಾಸ್ ಅರಾಘ್ಚಿ ಅವರೊಂದಿಗೆ ಮಾತುಕತೆ ನಡೆಸಿರುವುದಾಗಿ ವರದಿಯಾಗಿದೆ.

ಪಶ್ಚಿಮ ಏಷ್ಯಾದಲ್ಲಿ ಉದ್ವಿಗ್ನತೆ ಹೆಚ್ಚಾಗಿ ಅಮೆರಿಕ ಮತ್ತು ಇರಾನ್ ನಡುವೆ ಮಿಲಿಟರಿ ದಾಳಿಗಳು ಪುನರಾರಂಭಗೊಂಡಿದ್ದರಿಂದ, ಪಾಕಿಸ್ತಾನವು ಜಾಮೀನುದಾರನಾಗಿ ಸಹಿ ಹಾಕಿದ್ದ ಮಧ್ಯಂತರ ಒಪ್ಪಂದವು ಕಳೆದ ತಿಂಗಳು ರದ್ದಾಗಿತ್ತು. ಈ ಮಧ್ಯೆ, ಪ್ರಾದೇಶಿಕ ಹಡಗುಗಳ ಮೇಲಿನ ಹೊಸ ದಾಳಿಗಳ ಹೊರತಾಗಿಯೂ, ಹಾರ್ಮುಝ್ ಜಲಸಂಧಿಯ ನಿರ್ವಹಣೆಯ ಕುರಿತಾದ ಮಾತುಕತೆಗಳು ಮುಂದುವರಿದ ಹಂತವನ್ನು ತಲುಪಿವೆ ಮತ್ತು ಹೊಸ ಭರವಸೆಯನ್ನು ಮೂಡಿಸಿವೆ ಎಂದು ಖತರ್ ಹೇಳಿದೆ.