ಇರಾನ್ ಮೇಲಿನ ಯುದ್ಧವನ್ನು ʼಸಣ್ಣ ವಿಚಾರʼ ಎಂದ ಟ್ರಂಪ್ ಗೆ ಸೆನೆಟರ್ ಚಕ್ ಶುಮರ್ ತಿರುಗೇಟು

ವಾಷಿಂಗ್ಟನ್: ಇರಾನ್ ಮೇಲಿನ ಯುದ್ಧವನ್ನು ಡೊನಾಲ್ಡ್ ಟ್ರಂಪ್ ಅವರು “ಸಣ್ಣ ವಿಚಾರ” ಎಂದು ಕರೆದಿರುವುದಕ್ಕೆ ಅಮೆರಿಕದ ಸೆನೆಟ್ ನ ಅಲ್ಪಸಂಖ್ಯಾತ ನಾಯಕ ಚಕ್ ಶುಮರ್ ತಿರುಗೇಟು ನೀಡಿದ್ದಾರೆ.

ಈ ಸಂಘರ್ಷದಲ್ಲಿ ಸಾವನ್ನಪ್ಪಿದ 18 ಅಮೆರಿಕನ್ ಸೈನಿಕರು ಹಾಗೂ ಗಾಯಗೊಂಡಿರುವ ನೂರಾರು ಯೋಧರ ವಿಚಾರದಲ್ಲಿ “ಸಣ್ಣದು ಎನ್ನಲು ಏನೂ ಇಲ್ಲ” ಎಂದು ಅವರು ಹೇಳಿದ್ದಾರೆ.

ಪತ್ರಕರ್ತರ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಿದ್ದ ಡೊನಾಲ್ಡ್ ಟ್ರಂಪ್, ಇರಾನ್ ಮೇಲಿನ ಸಂಘರ್ಷವನ್ನು ‘ಯುದ್ಧ’ ಎಂದು ಕರೆಯದೆ, “ಸಣ್ಣ ವಿಚಾರ” ಎಂದು ಬಣ್ಣಿಸಿದ್ದರು.

“ಇದು ಯುದ್ಧವಲ್ಲ ಎಂದಾದರೆ, ನಿಖರವಾಗಿ ಇದನ್ನು ಏನೆಂದು ಕರೆಯಬೇಕು? ಅಮೆರಿಕದ ಜನತೆಗೆ ವಿವರಿಸಬಹುದೇ?” ಎಂದು ಪತ್ರಕರ್ತರು ಪ್ರಶ್ನಿಸಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿದ ಟ್ರಂಪ್, “ನಾನು ಇದನ್ನು ಸೇನಾ ಸಂಘರ್ಷ ಎಂದು ಕರೆಯುತ್ತೇನೆ. ಏಕೆಂದರೆ ಇದು ನಮಗೆ ಸಣ್ಣ ವಿಚಾರ” ಎಂದು ಉತ್ತರಿಸಿದ್ದರು.

ಟ್ರಂಪ್‌ ರ ಈ ಹೇಳಿಕೆಯ ಕುರಿತು ‘ಎಕ್ಸ್’ನಲ್ಲಿ ಪೋಸ್ಟ್ ಮಾಡಿರುವ ಶುಮರ್, “ನಾವು ಕಳೆದುಕೊಂಡ 18 ಸೈನಿಕರ ಕುಟುಂಬಗಳಿಗೆ, ಗಾಯಗೊಂಡಿರುವ ನೂರಾರು ಯೋಧರಿಗೆ ಹಾಗೂ ದಾಖಲೆಯ ಮಟ್ಟದ ಬೆಲೆ ಏರಿಕೆಯಿಂದ ಪ್ರತಿದಿನ ಸಂಕಷ್ಟ ಅನುಭವಿಸುತ್ತಿರುವ ಅಮೆರಿಕನ್ನರಿಗೆ ಈ ಮಾತನ್ನು ಹೇಳಿ ನೋಡಿ” ಎಂದು ತಿರುಗೇಟು ನೀಡಿದ್ದಾರೆ.

“ಇದರಲ್ಲಿ ಚಿಕ್ಕದು ಎನ್ನಲು ಯಾವುದೂ ಇಲ್ಲ” ಎಂದು ಶುಮರ್ ಟ್ರಂಪ್‌ ವಿರುದ್ಧನ ಹರಿಹಾಯ್ದಿದ್ದಾರೆ.

“Small potatoes.” That’s how Donald Trump feels about the war he started in Iran.

Tell that to the families of the 18 troops we’ve lost, the hundreds of wounded servicemembers, and the Americans suffering every single day from record high prices.

There's nothing small about it. https://t.co/3N6xDu9wDB

— Chuck Schumer (@SenSchumer) September 4, 2026