ಇರಾನ್ ಅಮೆರಿಕಕ್ಕೆ ಇಂಧನ ಸಂಬಂಧಿತ ದೊಡ್ಡ ಉಡುಗೊರೆ ನೀಡಿದೆ: ಡೊನಾಲ್ಡ್ ಟ್ರಂಪ್

ವಾಶಿಂಗ್ಟನ್: ಇರಾನ್ ಅಮೆರಿಕಕ್ಕೆ ಇಂಧನ ಸಂಬಂಧಿತ ದೊಡ್ಡ ಉಡುಗೊರೆ ನೀಡಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ. ಇದನ್ನು ಸಕಾರಾತ್ಮಕ ಬೆಳವಣಿಗೆ ಎಂದು ಬಣ್ಣಿಸಿದ್ದಾರೆ. ಆದರೆ ಉಡುಗೊರೆ ಬಗ್ಗೆ ಅವರು ವಿವರಗಳನ್ನು ನೀಡಿಲ್ಲ.

ಈ ಉಡುಗೊರೆ ಹಾರ್ಮುಝ್ ಜಲಸಂಧಿಗೆ ಸಂಬಂಧಿಸಿದೆ ಎಂದು ಟ್ರಂಪ್ ಹೇಳಿದ್ದಾರೆ. ಹಾರ್ಮುಝ್ ಜಲಸಂಧಿಯು ಅಮೆರಿಕ ಮುಕ್ತವಾಗಿಡಲು ಹೆಣಗಾಡುತ್ತಿರುವ ಜಲಮಾರ್ಗವಾಗಿದೆ.

"ಅವರು ನಮಗೆ ಉಡುಗೊರೆ ನೀಡಿದರು ಮತ್ತು ಇಂದು ಉಡುಗೊರೆ ಸಿಕ್ಕಿತು. ಅದು ಬಹಳ ದೊಡ್ಡ ಉಡುಗೊರೆಯಾಗಿತ್ತು, ಇದು ಅಪಾರ ಮೌಲ್ಯದ್ದಾಗಿದೆ" ಎಂದು ಟ್ರಂಪ್ ಓವಲ್ ಕಚೇರಿಯಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.

ಇದು ಪರಮಾಣು ಅಲ್ಲ, ಇದು ತೈಲ ಮತ್ತು ಅನಿಲಕ್ಕೆ ಸಂಬಂಧಿಸಿದೆ ಮತ್ತು ಅವರು ತುಂಬಾ ಒಳ್ಳೆಯ ಕೆಲಸ ಮಾಡಿದ್ದಾರೆ. ಅಮೆರಿಕ ಈಗಾಗಲೇ ಯುದ್ಧವನ್ನು ಗೆದ್ದಿದೆ ಎಂದು ನಾನು ಭಾವಿಸಿದ್ದೇನೆ ಎಂದು ಟ್ರಂಪ್ ಹೇಳಿದ್ದಾರೆ.