ಕರಾಚಿ ಬಂದರಿಗೆ ಆಗಮಿಸಿದ ಟರ್ಕಿ ನೌಕಾಪಡೆಯ ಹಡಗು; ವರದಿ

ಕರಾಚಿ, ಮೇ 5: ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ಬಳಿಕ ಭಾರತ ಮತ್ತು ಪಾಕಿಸ್ತಾನ ನಡುವೆ ಉದ್ವಿಗ್ನತೆ ಹೆಚ್ಚುತ್ತಿರುವ ನಡುವೆಯೇ ಟರ್ಕಿ ನೌಕಾಪಡೆಯ `ಟಿಸಿಜಿ ಬುಯುಕಡ' ಹಡಗು ರವಿವಾರ ಕರಾಚಿ ಬಂದರಿಗೆ ಆಗಮಿಸಿರುವುದಾಗಿ ವರದಿಯಾಗಿದೆ.

ಸದ್ಭಾವನೆಯ ಭೇಟಿಗಾಗಿ ಹಡಗು ಆಗಮಿಸಿದೆ ಎಂದು ಸಾಮಾನ್ಯ ಸಾರ್ವಜನಿಕ ವ್ಯವಹಾರಗಳ ಮಹಾ ನಿರ್ದೇಶನಾಲಯ ಹೇಳಿದೆ. ಭೇಟಿಯ ಸಮಯದಲ್ಲಿ ಟರ್ಕಿ ನೌಕೆಯ ಸಿಬ್ಬಂದಿ ವರ್ಗದವರು ಪಾಕಿಸ್ತಾನದ ನೌಕಾಪಡೆ ಸಿಬ್ಬಂದಿಗಳೊಂದಿಗೆ ಸರಣಿ ವೃತ್ತಿಪರ ಸಂವಾದ ನಡೆಸಲಿದ್ದಾರೆ. ಎರಡು ನೌಕಾಪಡೆಗಳ ನಡುವೆ ಪರಸ್ಪರ ತಿಳುವಳಿಕೆಯನ್ನು ಹೆಚ್ಚಿಸುವುದು ಮತ್ತು ಕಡಲ ಸಹಕಾರವನ್ನು ಬಲಪಡಿಸುವುದು ಭೇಟಿಯ ಉದ್ದೇಶವಾಗಿದೆ. ಮತ್ತು ಇದು ಟರ್ಕಿ ಮತ್ತು ಪಾಕಿಸ್ತಾನದ ನಡುವಿನ ಎಂದೆಂದಿಗೂ ಬಲಪಡಿಸುವ ಕಡಲ ಸಹಯೋಗಕ್ಕೆ ಸಾಕ್ಷಿಯಾಗಿದೆ. ಇದು ಎರಡು ಸಹೋದರ ರಾಷ್ಟ್ರಗಳ ನಡುವಿನ ಆಳವಾಗಿ ಬೇರೂರಿರುವ ಪರಸ್ಪರ ನಂಬಿಕೆ ಮತ್ತು ಕಾರ್ಯತಂತ್ರದ ಸಹಭಾಗಿತ್ವವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿಕೆ ತಿಳಿಸಿದೆ.