ಚಿಂಚೋಳಿಯಲ್ಲಿ ಸಚಿವ ಪ್ರಿಯಾಂಕ್ ಖರ್ಗೆ ಜನ್ಮದಿನ ಆಚರಣೆ

ಚಿಂಚೋಳಿ: ರಾಜ್ಯದ ಗೃಹ ಹಾಗೂ ಮಾಹಿತಿ ತಂತ್ರಜ್ಞಾನ ಸಚಿವ, ಕಲಬುರಗಿ ಜಿಲ್ಲಾ ಉಸ್ತುವಾರಿ ಸಚಿವ ಪ್ರಿಯಾಂಕ್ ಖರ್ಗೆ ಅವರ 48ನೇ ಜನ್ಮದಿನವನ್ನು ಚಿಂಚೋಳಿ ಪಟ್ಟಣದಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು.
ಪುರಸಭೆ ಮಾಜಿ ಅಧ್ಯಕ್ಷ ಆನಂದಕುಮಾರ ಟೈಗರ್ ನೇತೃತ್ವದಲ್ಲಿ ಪಟ್ಟಣದ ಬಸ್ ನಿಲ್ದಾಣದ ಎದುರು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ತಾಂಡಾ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಸುಭಾಷ್ ವಿ. ರಾಠೋಡ್ ಹಾಗೂ ಆನಂದಕುಮಾರ ಟೈಗರ್ ಕೇಕ್ ಕತ್ತರಿಸಿ ಸಚಿವರಿಗೆ ಜನ್ಮದಿನದ ಶುಭಾಶಯ ಕೋರಿದರು. ಈ ಪ್ರಯುಕ್ತ ಸಾರ್ವಜನಿಕರಿಗೆ ಅನ್ನದಾಸೋಹದ ವ್ಯವಸ್ಥೆ ಮಾಡಲಾಗಿತ್ತು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಸುಭಾಷ್ ವಿ. ರಾಠೋಡ್, ಪ್ರಿಯಾಂಕ್ ಖರ್ಗೆ ಅವರು ಕಾನೂನು ಮತ್ತು ಸಂವಿಧಾನಾತ್ಮಕ ವ್ಯವಸ್ಥೆಗೆ ಗೌರವ ನೀಡುವ ಪ್ರಬುದ್ಧ ಹಾಗೂ ಆದರ್ಶ ರಾಜಕಾರಣಿಯಾಗಿದ್ದಾರೆ. ಸಮಾರಂಭಗಳಲ್ಲಿ ಹೂವಿನ ಹಾರಗಳ ಬದಲಿಗೆ ಪುಸ್ತಕಗಳನ್ನು ಉಡುಗೊರೆಯಾಗಿ ನೀಡುವಂತೆ ಪ್ರೋತ್ಸಾಹಿಸುತ್ತಾರೆ. ಹೀಗೆ ಸಂಗ್ರಹವಾದ ಸಾವಿರಾರು ಪುಸ್ತಕಗಳನ್ನು ಶಾಲೆಗಳಿಗೆ ವಿತರಿಸುವ ಮೂಲಕ ಸಮಾಜದಲ್ಲಿ ಪುಸ್ತಕ ಸಂಸ್ಕೃತಿ ಬೆಳೆಸುವ ಕಾರ್ಯ ಮಾಡುತ್ತಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಕಾಂಗ್ರೆಸ್ ಪಕ್ಷದ ಹಿರಿಯ ನಾಯಕರ ಆಶೀರ್ವಾದದಿಂದ ತಮಗೆ ತಾಂಡಾ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಸ್ಥಾನ ದೊರೆತಿದ್ದು, ಸಮುದಾಯದ ಹಿತದೃಷ್ಟಿಯಿಂದ ಈ ಜವಾಬ್ದಾರಿಯನ್ನು ಪ್ರಾಮಾಣಿಕವಾಗಿ ನಿರ್ವಹಿಸುವುದಾಗಿ ತಿಳಿಸಿದರು.
ಆನಂದಕುಮಾರ ಟೈಗರ್ ಮಾತನಾಡಿ, ಪ್ರಿಯಾಂಕ್ ಖರ್ಗೆ ಅವರು ಪ್ರಬುದ್ಧ ಆಡಳಿತಗಾರರಾಗಿದ್ದು, ಸಮಾಜದ ಎಲ್ಲ ವರ್ಗದ ಜನರ ಹಿತಾಸಕ್ತಿಯ ಬಗ್ಗೆ ಕಾಳಜಿ ಹೊಂದಿರುವ ಜನಪರ ನಾಯಕರಾಗಿದ್ದಾರೆ ಎಂದರು.
ಈ ಸಂದರ್ಭದಲ್ಲಿ ಬಸವರಾಜ್ ಮಲಿ, ಬಾಬುರಾವ್ ಪಾಟೀಲ್, ದೀಪಕ್ ನಾಗ ಪುಣ್ಯಶೆಟ್ಟಿ, ಅಬ್ದುಲ್ ಬಾಸಿತ್, ಅಜೀತ್ ಪಾಟೀಲ್, ಆರ್. ಗಣಪತರಾವ್, ಶ್ರೀನಿವಾಸ ಬಂಡಿ, ಲಕ್ಷ್ಮಣ ಅವಂಟಿ, ಶಬ್ಬೀರ್ ಅಹ್ಮದ್, ನರಸಿಂಹಲು ಕುಂಬಾರ, ಜಗದೇವ ಗೌತಮ್, ನಾಗೇಶ ಗುಣಾಜಿ, ಖಲಿಲ್ ಪಟೇಲ್, ನರಸಮ್ಮ ಅವಂಟಿ, ಮಸೂದ್ ಸೌದಗರ್, ಅಕ್ರಂ ಪಟೇಲ್, ರವಿ ದಸ್ತಾಪುರ, ಶಂಕರ ಗುತ್ತಿ, ಸಮೀರ್ ಪಟೇಲ್, ಜಗನ್ನಾಥ ಕಟ್ಟಿ, ವಿಜಯಕುಮಾರ ಘಾಟಗೆ, ಶಶಿಕುಮಾರ ಮೈತ್ರಿ, ಕೈಲಾಸ ದೇಗಲಮಡಿ, ನಾಗಾರ್ಜುನ ಕಟ್ಟಿ, ಅನಿಲ್ ಕಟ್ಟಿ, ಮಸ್ತಾನ್ ಇಟಲಿ, ಅಹ್ಮದ್ ಬಾಗವಾನ್, ಅನ್ವರ್ ಖತೀಬ್, ಮಲ್ಲಿನಾಥ ಹೂವಿನಬಾವಿ ಸೇರಿದಂತೆ ಅನೇಕ ಮುಖಂಡರು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.






