ಆಳಂದ ಬುದ್ಧ ವಿಹಾರದಲ್ಲಿ ಭಕ್ತಿಭಾವದ ದೀಪದಾನೋತ್ಸವ

ಆಳಂದ: ಸಾಮ್ರಾಟ್ ಅಶೋಕನ ಮನಪರಿವರ್ತನೆ ಹಾಗೂ ಬೌದ್ಧ ಧರ್ಮದ ಪ್ರಸಾರದ ಐತಿಹಾಸಿಕ ಘಟನೆಯನ್ನು ಸ್ಮರಿಸುವ ಉದ್ದೇಶದಿಂದ ಪಟ್ಟಣದ ಬುದ್ಧ ವಿಹಾರದಲ್ಲಿ ದೀಪದಾನೋತ್ಸವವನ್ನು ಭಕ್ತಿಭಾವದಿಂದ ಆಚರಿಸಲಾಯಿತು.

ಕಳಿಂಗ ಯುದ್ಧದ ಭೀಕರ ಪರಿಣಾಮಗಳಿಂದ ಮನಪರಿವರ್ತನೆಗೊಂಡ ಸಾಮ್ರಾಟ್ ಅಶೋಕನು ಹಿಂಸೆ ಮತ್ತು ಯುದ್ಧದ ಮಾರ್ಗ ತ್ಯಜಿಸಿ ಶಾಂತಿ, ಕರುಣೆ ಹಾಗೂ ಅಹಿಂಸೆಯ ಬೌದ್ಧ ತತ್ವಗಳನ್ನು ಸ್ವೀಕರಿಸಿದ ಐತಿಹಾಸಿಕ ಹಿನ್ನೆಲೆಯನ್ನು ಸ್ಮರಿಸಿ ಈ ದೀಪೋತ್ಸವ ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ಬುದ್ಧನ ಮೂರ್ತಿಯ ಮುಂದೆ ಹಾಗೂ ವಿಹಾರದ ಆವರಣದಲ್ಲಿ ದೀಪಗಳನ್ನು ಬೆಳಗಿಸಿ, ಶಾಂತಿ, ಸಮಾನತೆ, ಕರುಣೆ, ಮೈತ್ರಿ ಮತ್ತು ಮಾನವೀಯತೆಯ ಸಂದೇಶ ಸಾರಲಾಯಿತು. ಅಜ್ಞಾನವೆಂಬ ಕತ್ತಲೆಯನ್ನು ತೊಡೆದು ಜ್ಞಾನದ ಬೆಳಕನ್ನು ಪಸರಿಸುವ ಸಂಕಲ್ಪದೊಂದಿಗೆ ದೀಪಗಳನ್ನು ಬೆಳಗಿಸಲಾಯಿತು.

ಮಾಜಿ ಜಿಲ್ಲಾ ಪಂಚಾಯಿತಿ ಸದಸ್ಯ ಸಿದ್ಧಾರಾಮ ಪ್ಯಾಟೆ, ಸತೀಶ ಪನಶೆಟ್ಟಿ, ಉಪನ್ಯಾಸಕ ರಮೇಶ ಮಾಡ್ಯಾಳಕರ್, ಲಕ್ಷ್ಮಣ ಝುಳಕಿಕರ್, ಪಾಂಡುರಂಗ ಮೊದಲೆ, ರಾಜಕುಮಾರ ಮುದುಗಲೆ, ಚಂದ್ರಕಾಂತ ಜಂಗಲೆ, ಜೈಭೀಮ ದೊಡ್ಡಮನಿ, ದಯಾನಂದ ಸಾಲೇಗಾಂವ, ಕಿಟ್ಟಿ ಸಾಲೇಗಾಂವ, ಪಪ್ಪು ತೋಳೆ, ಚಂದ್ರಶ್ಯಾ ಮಂಟಗಿಕರ್, ಚಂದ್ರಶ್ಯಾ ಮುದಗಲೆ, ಗಿರೀಶ್ ಜಂಗಲೆ, ಕಲ್ಯಾಣಿ ದೇವನೂರ, ಅಕ್ಷಯ ಮಂಟಗಿಕರ್, ಸಿದ್ಧಾರ್ಥ ಸಿಂಗೆ, ಸುನೀಲ ಹಿರೋಳಿಕರ್, ನಾಗರಾಜ ದೇವನೂರ, ರಾಘವೇಂದ್ರ ಕಣಮುಸ, ಕಾಂತು ಜಂಗಲೆ, ಶ್ರೀಕಾಂತ ಕಾಂಬಳೆ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.