ಕಲಬುರಗಿ ವಿಭಾಗ ಮಟ್ಟದ ದಸರಾ ಕ್ರೀಡಾಕೂಟಕ್ಕೆ ಚಾಲನೆ

ಕಲಬುರಗಿ: ನಗರದ ಚಂದ್ರಶೇಖರ ಪಾಟೀಲ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಕಲಬುರಗಿ ವಿಭಾಗ ಮಟ್ಟದ ದಸರಾ ಕ್ರೀಡಾಕೂಟ ಹಾಗೂ ಸಿಎಂ ಕಪ್–2026ಕ್ಕೆ ಕಲಬುರಗಿ ಉಪ ವಿಭಾಗದ ಸಹಾಯಕ ಆಯುಕ್ತರಾದ ರಿತಿಕಾ ವರ್ಮಾ ಚಾಲನೆ ನೀಡಿದರು.

ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ ಹಾಗೂ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ವತಿಯಿಂದ ಆಯೋಜಿಸಿರುವ ಕ್ರೀಡಾಕೂಟದಲ್ಲಿ ಅಥ್ಲೆಟಿಕ್ಸ್, ಈಜು, ಲಾನ್ ಟೆನಿಸ್, ಹ್ಯಾಂಡ್‌ಬಾಲ್, ಜುಡೋ ಹಾಗೂ ಶೂಟಿಂಗ್ ವಿಭಾಗಗಳಲ್ಲಿ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ.

ಹಾಕಿ ತರಬೇತುದಾರ ಸಂಜಯ ಬಾಣದ, ಅಥ್ಲೆಟಿಕ್ಸ್ ತರಬೇತುದಾರ ರಾಜು ಬಾಬು ಚವ್ಹಾಣ, ಬಾಸ್ಕೆಟ್‌ಬಾಲ್ ತರಬೇತುದಾರ ಪ್ರವೀಣಕುಮಾರ ಪುಣೆ, ಜುಡೋ ತರಬೇತುದಾರ ಅಶೋಕ ಎಂ., ಖೇಲೋ ಇಂಡಿಯಾ ತರಬೇತುದಾರ ಸಂತೋಷ ಭಾವಿಮನಿ, ಈಜು ತರಬೇತುದಾರರಾದ ರೇಣುಕಾ ಬಿರಾ ಹಾಗೂ ಮಚೇಂದ್ರಸಿಂಗ್ ಠಾಕೂರ್, ಕಚೇರಿ ಸಿಬ್ಬಂದಿ ರಾಜಕುಮಾರ ಕೋರಳ್ಳಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.