Kalaburagi | ಗೋದುತಾಯಿ ಕಾಲೇಜಿನಲ್ಲಿ ಸಂಚಾರಿ ವಿಜ್ಞಾನ ಪ್ರದರ್ಶನ

ಕಲಬುರಗಿ: ನಗರದ ಗೋದುತಾಯಿ ದೊಡ್ಡಪ್ಪ ಅಪ್ಪ ಕಲಾ, ವಾಣಿಜ್ಯ ಮತ್ತು ವಿಜ್ಞಾನ ಪದವಿ ಮಹಿಳಾ ಮಹಾವಿದ್ಯಾಲಯದಲ್ಲಿ ಜಿಲ್ಲಾ ವಿಜ್ಞಾನ ಕೇಂದ್ರದ ವತಿಯಿಂದ ಸಂಚಾರಿ ವಿಜ್ಞಾನ ಪ್ರದರ್ಶನ ಆಯೋಜಿಸಲಾಗಿತ್ತು.

ಮಹಾವಿದ್ಯಾಲಯದ ಐಕ್ಯೂಎಸಿ ಅಡಿಯಲ್ಲಿ ವಿಜ್ಞಾನ ವಿಭಾಗದ ವತಿಯಿಂದ ಆಯೋಜಿಸಿದ್ದ ಪ್ರದರ್ಶನದ ಮೂಲಕ ವಿದ್ಯಾರ್ಥಿನಿಯರಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸುವುದು, ನೀರಿನ ಸಮರ್ಪಕ ಬಳಕೆ ಹಾಗೂ ಸಂರಕ್ಷಣೆಯ ಕುರಿತು ಅರಿವು ಮೂಡಿಸುವುದು ಮತ್ತು ಮೌಢ್ಯತೆ ನಿವಾರಿಸುವ ಉದ್ದೇಶ ಹೊಂದಲಾಗಿತ್ತು.

ಪ್ರದರ್ಶನದಲ್ಲಿ ನೀರಿನ ಹೆಜ್ಜೆಗುರುತು, ನೀರಿನ ಪೂರೈಕೆ ಮತ್ತು ಬೇಡಿಕೆ, ಜಲ ಸಂರಕ್ಷಣೆ, ನೀರಿನಿಂದ ಹರಡುವ ಕಾಯಿಲೆಗಳು, ರಾಸಾಯನಿಕ ವಿಜ್ಞಾನ ಮತ್ತು ಬಾಹ್ಯಾಕಾಶ, ಮಾನವನ ದೇಹದಲ್ಲಿರುವ ರಾಸಾಯನಿಕಗಳು, ಮಾನವನ ಭಾವನೆಗಳು, ಮಿಶ್ರಲೋಹಗಳ ರಾಸಾಯನಿಕ ವಿಜ್ಞಾನ, ದೇಹದಲ್ಲಿನ ನೀರಿನ ಪ್ರಮಾಣ ಹಾಗೂ ನೀರಿನ ಗುಣಧರ್ಮಗಳು ಸೇರಿದಂತೆ ವಿವಿಧ ವೈಜ್ಞಾನಿಕ ವಿಷಯಗಳ ಕುರಿತು ವಿದ್ಯಾರ್ಥಿನಿಯರಿಗೆ ಮಾಹಿತಿ ನೀಡಲಾಯಿತು.

ಜಿಲ್ಲಾ ವಿಜ್ಞಾನ ಕೇಂದ್ರದ ಸುಭಾಷ್ ಮೇತ್ರೆ, ಲಕ್ಷ್ಮೀಕಾಂತ ಜಮಾದಾರ ಹಾಗೂ ದಿಲೀಪಕುಮಾರ ಜತ್ತಿ ಅವರು ವಿದ್ಯಾರ್ಥಿನಿಯರಿಗೆ ವಿವಿಧ ವೈಜ್ಞಾನಿಕ ವಿಷಯಗಳ ಕುರಿತು ಮಾಹಿತಿ ನೀಡಿದರು.

ಕಾರ್ಯಕ್ರಮದಲ್ಲಿ ಮಹಾವಿದ್ಯಾಲಯದ ಬೋಧಕರಾದ ಡಾ. ಪುಟ್ಟಮಣಿ ದೇವಿದಾಸ, ಡಾ. ಸಿದ್ಧಲಿಂಗರೆಡ್ಡಿ, ಡಾ. ಪ್ರತಿಭಾ ಪಾಟೀಲ, ಕೃಪಾಸಾಗರ ಗೊಂಬೂರ್, ಡಾ. ಶ್ವೇತಾ, ಡಾ. ಮಹಾಲಕ್ಷ್ಮೀ, ಡಾ. ಆಮ್ರಪಾಲಿ, ಪ್ರಸಾದ, ಆದರ್ಶ, ಡಾ. ಪೂರ್ಣಿಮಾ, ಶ್ರೀಲಕ್ಷ್ಮೀ, ನಸ್ರೀನ್, ಪೂಜಾ ಸೇರಿದಂತೆ ಬೋಧಕ ಸಿಬ್ಬಂದಿ ಹಾಗೂ ವಿದ್ಯಾರ್ಥಿನಿಯರು ಉಪಸ್ಥಿತರಿದ್ದರು.