ಶಹಾಬಾದ್ | ಇನ್ನೋವಾ ವಾಹನದ ಎರಡು ಟೈರ್ ಕಳ್ಳತನ
ಶಹಾಬಾದ್ : ನಗರದ ಅಶೋಕ ನಗರ ಬಡಾವಣೆಯ ರಾಯಲ್ ಫಂಕ್ಷನ್ ಹಾಲ್ ಮುಂಭಾಗದ ಮನೆಯ ಮುಂದೆ ನಿಲ್ಲಿಸಿದ್ದ ಇನ್ನೋವಾ ವಾಹನದ ಎರಡು ವ್ಹೀಲ್ ಸೆಟ್ ಜತೆ ಟಯರ್ಗಳನ್ನು ಕಳ್ಳತನ ಮಾಡಿದ ಘಟನೆ ಬುಧವಾರ ರಾತ್ರಿ ನಡೆದಿದೆ.
ಅಶೋಕ ನಗರ ಬಡಾವಣೆಯ ಮುಹಮ್ಮದ್ ರಶೀದ್ ಅವರ ವಾಹನ ಇದಾಗಿದ್ದು, ಎಂದಿನಂತೆ ಮನೆ ಮುಂಭಾಗದಲ್ಲೇ ವಾಹನವನ್ನು ನಿಲ್ಲಿಸಿ ಮಲಗಿದ್ದರು.
ಬೆಳಿಗ್ಗೆ ಸುಮಾರು 4 ಗಂಟೆ ಸುಮಾರಿಗೆ ರಫಿಕ್ ಅವರ ಗೆಳೆಯ ಗೋಳಾ(ಕೆ) ಗ್ರಾಮಕ್ಕೆ ತೆರಳುವಾಗ ವಾಹನವನ್ನು ಗಮನಿಸಿದಾಗ ಟೈರ್ಗಳು ಇರಲಿಲ್ಲ. ಕೂಡಲೇ ರಫಿಕ್ಗೆ ಮಾಹಿತಿ ನೀಡಿದ್ದಾರೆ. ಮನೆ ಹೊರಗೆ ಬಂದು ಪರಿಶೀಲಿಸಿದಾಗ ಇನ್ನೋವಾ ವಾಹನದ ಹಿಂಭಾಗದಲ್ಲಿ ಕಲ್ಲುಗಳನ್ನು ಹಾಕಿ, ಎರಡು ವ್ಹೀಲ್ ಸೆಟ್ಗಳೊಂದಿಗೆ ಟಯರ್ಗಳನ್ನು ಕಳ್ಳತನ ಮಾಡಿರುವುದು ಬೆಳಕಿಗೆ ಬಂದಿದೆ.
ತಕ್ಷಣವೇ 112ಕ್ಕೆ ಕರೆ ಮಾಡಿದ ನಂತರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದರು.
ಇದೇ ವೇಳೆ ಸಿಸಿ ಟಿವಿ ದೃಶ್ಯಾವಳಿಯಲ್ಲಿ ಇಬ್ಬರು ಕಳ್ಳರು ಕಳ್ಳತನ ನಡೆಸಿ ಆಟೋದಲ್ಲಿ ಟಯರ್ಗಳನ್ನು ತೆಗೆದುಕೊಂಡು ಹೋಗುತ್ತಿರುವುದು ಸೆರೆಯಾಗಿದ್ದು, ಅದರ ಆಧಾರದಲ್ಲಿ ಆರೋಪಿಗಳನ್ನು ಗುರುತಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
