ಮಂಗಳೂರು ಕುಂಟಿಕಾನದ ಅದ್ವೈತ್ ಹುಂಡೈ ಶೋರೂಮ್ ನಲ್ಲಿ ವಿನೂತನ ಮಾದರಿಯ ‘ಹುಂಡೈ ಎಕ್ಸ್ಟರ್’ ಕಾರು ಅನಾವರಣ
ಮಂಗಳೂರು: ರಾ.ಹೆ.17ರ ಕುಂಟಿಕಾನ-ದೇರೆಬೈಲ್ನ ಅದ್ವೈತ್ ಹುಂಡೈ ಶೋರೂಮ್ನಲ್ಲಿ ವಿನೂತನ ಮಾದರಿಯ ‘ಹುಂಡೈ ಎಕ್ಸ್ಟರ್’ ಕಾರು ಅನಾವರಣ ಕಾರ್ಯಕ್ರಮವು ಸೋಮವಾರ ನಡೆಯಿತು.
ಖ್ಯಾತ ಯೂಟ್ಯೂಬರ್ ಸಚಿನ್ ಶೆಟ್ಟಿ ಮತ್ತು ನಟ, ಲೇಖಕ ಶನಿಲ್ ಗುರು ‘ಹುಂಡೈ ಎಕ್ಸ್ಟರ್’ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದರು.
ಬಳಿಕ ಮಾತನಾಡಿದ ಸಚಿನ್ ಶೆಟ್ಟಿ ‘ಹುಂಡೈ ಕಂಪೆನಿಯ ಯಾವುದೇ ಮಾದರಿಯ ಕಾರು ಉತ್ತಮ ಗುಣಮಟ್ಟದಿಂದ ಕೂಡಿರುತ್ತದೆ. ಮಾರುಕಟ್ಟೆಗೆ ಬಿಡುಗಡೆಯಾದೊಡನೆ ದಾಖಲೆ ಸಂಖ್ಯೆಯಲ್ಲಿ ಮಾರಾಟವಾಗುವುದು ಇದರ ವಿಶೇಷತೆಯಾಗಿದೆ. ‘ಹುಂಡೈ ಎಕ್ಸ್ಟರ್’ ಕಾರು ಕೂಡ ಗ್ರಾಹಕರ ಮನ ಗೆಲ್ಲಲಿ ಎಂದು ಆಶಿಸಿದರು.
ನಟ ಶನಿಲ್ ಗುರು ಮಾತನಾಡಿ ‘ಅದ್ವೈತ್ ಹುಂಡೈ ಶೋರೂಮ್’ನಲ್ಲಿ ಗ್ರಾಹಕರಿಗೆ ಉತ್ತಮ ಸೇವೆಗಳು ಲಭ್ಯವಾಗುತ್ತದೆ. ನಾನೂ ಕೂಡ ಇಲ್ಲಿನ ಗ್ರಾಹಕನಾಗಿರುವೆ. ತೃಪ್ತಿದಾಯಕ ಸೇವೆಯು ಇಲ್ಲಿ ಸಿಗುತ್ತಿರುವುದಕ್ಕೆ ನಾನು ಸಾಕ್ಷಿಯಾಗಿರುವೆ. ಹೊಸ ‘ಹುಂಡೈ ಎಕ್ಸ್ಟರ್’ ಕಾರು ವಿಶೇಷತೆಯಿಂದ ಕೂಡಿದ್ದು, ಗ್ರಾಹಕರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಇದು ಆಕರ್ಷಿಸಲಿ’ ಎಂದು ಶುಭ ಹಾರೈಸಿದರು.
ಈ ಸಂದರ್ಭ ಗ್ರಾಹಕರಾದ ಜಿತೇಂದ್ರ, ಜೋಸೆಫ್ ಮಾರ್ಕ್ ಫೆನಾಂಡೀಸ್, ಮಹೇಶ್ ಕುಮಾರ್, ಸೈಯದ್ ಅವರಿಗೆ ಕಾರಿನ ‘ಕೀ’ ಹಸ್ತಾಂತರಿಸಲಾಯಿತು.
ಕಾರ್ಯಕ್ರಮದಲ್ಲಿ ಕ್ಲಸ್ಟರ್ ಮುಖ್ಯಸ್ಥ ಶಶಿಕಾಂತ್ ಶೆಟ್ಟಿ, ಶೋ ರೂಮ್ ಮ್ಯಾನೇಜರ್ ರಾಜೇಶ್ ಉಳ್ಳಾಲ್, ಅಕೌಂಟ್ಸ್ ಮ್ಯಾನೇಜರ್ ಸುಧಾಕರ್, ಸರ್ವಿಸ್ ಮ್ಯಾನೇಜರ್ ಸುಕೇಶ್, ಸೇಲ್ಸ್ ಮ್ಯಾನೇಜರ್ಗಳಾದ ಮೀನಾ ರೇಗೋ, ಹರ್ಷ ಉಪಸ್ಥಿತರಿದ್ದರು. ಪ್ರೀತಂ ಕಾರ್ಯಕ್ರಮ ನಿರೂಪಿಸಿದರು. ಮಾರಾಟ ವಿಭಾಗದ ಬ್ರಾಂಚ್ ಮುಖ್ಯಸ್ಥ ಶಿವಪ್ರಸಾದ್ ವಂದಿಸಿದರು.
‘ಹುಂಡೈ ಎಕ್ಸ್ಟರ್’ ಕಾರು ಸ್ಮಾರ್ಟ್ ಇಲೆಕ್ಟ್ರಿಕಲ್ ಸನ್ ರೂಫ್ ಹಾಗೂ ಡುಯೆಲ್ ಕ್ಯಾಮರಾ ಸಹಿತ ಡ್ಯಾಶ್ಕ್ಯಾಂ ಒಳಗೊಂಡಿವೆ. 5.84 ಸೆ.ಮೀ. ಎಲ್ಸಿಡಿ ಡಿಸ್ಪ್ಲೇಯಲ್ಲದೆ ಸ್ಮಾರ್ಟ್ ಫೋನ್ ಆ್ಯಪ್ ಆಧಾರಿತ ಸಂವಹನ ವ್ಯವಸ್ಥೆಯೊಂದಿಗೆ ಎಲ್ಲಾ ಅತ್ಯಾಧುನಿಕ ಸೌಲಭ್ಯ ಹೊಂದಿವೆ ಎಂದು ಪ್ರಕಟನೆ ತಿಳಿಸಿದೆ.
