ಉತ್ತರಾಖಂಡ | ಬೆಟ್ಟದಿಂದ ಜಲಪಾತಕ್ಕೆ ಉರುಳಿ ಬಿದ್ದ ಮರ: ಇಬ್ಬರು ಮೃತ್ಯು

ಡೆಹ್ರಾಡೂನ್: ಡೆಹ್ರಾಡೂನ್ ಜಿಲ್ಲೆಯ ಚಕ್ರತ ಪ್ರದೇಶದಲ್ಲಿರುವ ಜಲಪಾತವೊಂದಕ್ಕೆ ಸೋಮವಾರ ಬೆಟ್ಟದಿಂದ ಮರ ಉರುಳಿ ಬಿದ್ದ ಪರಿಣಾಮ, ದಿಲ್ಲಿಯ ಓರ್ವ ಪ್ರವಾಸಿ ಸೇರಿದಂತೆ ಇಬ್ಬರು ಮೃತಪಟ್ಡಿರುವ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರವಾಸಿ ತಾಣವಾದ ಟೈಗರ್ ಜಲಪಾತದಲ್ಲಿ ಸೋಮವಾರ ಸಂಜೆ ಮೃತರು ಸ್ನಾನ ಮಾಡುವಾಗ ಈ ಘಟನೆ ನಡೆದಿದೆ ಎಂದು ತಿಳಿಸಿದ್ದಾರೆ.

ಮೃತರನ್ನು ದಿಲ್ಲಿಯ ಅಲ್ಕಾ ಆನಂದ್ (55) ಹಾಗೂ ಚಕ್ರತದ ಜೋಶಿ (38) ಎಂದು ಗುರುತಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.