ಅಸ್ಸಾಂ ಮಹಿಳಾ ನಾಯಕಿಯ ಆತ್ಮಹತ್ಯೆ ಪ್ರಕರಣ: ಬಿಜೆಪಿ ನಾಯಕನ ಉಚ್ಚಾಟನೆ

ಗುವಾಹಟಿ (ಅಸ್ಸಾಂ):ಅಸ್ಸಾಂ ಬಿಜೆಪಿ ಮಹಿಳಾ ನಾಯಕಿಯೊಬ್ಬರ ಆತ್ಮಹತ್ಯೆ ಪ್ರಕರಣದಲ್ಲಿ ಹೆಸರು ಕೇಳಿ ಬಂದ ಆರೋಪದಲ್ಲಿ ಪಕ್ಷದ ತನ್ನ ಸದಸ್ಯನೊಬ್ಬನನ್ನು ಪಕ್ಷದ ಸದಸ್ಯತ್ವದಿಂದ ಬಿಜೆಪಿ ಹೊರ ಹಾಕಿದೆ.

ಶುಕ್ರವಾರ, ಅಸ್ಸಾಂ ರಾಜ್ಯ ಬಿಜೆಪಿ ಕಿಸಾನ್ ಮೋರ್ಚಾದ ಮಹಿಳಾ ನಾಯಕಿ ಗುವಾಹಟಿ ನಗರದ ತಮ್ಮ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

ವರದಿಗಳ ಪ್ರಕಾರ, ಪಕ್ಷದ ಇನ್ನೊಬ್ಬ ನಾಯಕನೊಂದಿಗಿನ ತನ್ನ ಆತ್ಮೀಯ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಮಹಿಳಾ ನಾಯಕಿ ಆತ್ಮಹತ್ಯೆ ಹೆಜ್ಜೆ ಇಟ್ಟಿದ್ದಾರೆ.

ಏತನ್ಮಧ್ಯೆ, ಪೊಲೀಸರು ಪ್ರಕರಣದ ತನಿಖೆಯನ್ನು ಆರಂಭಿಸಿದ್ದಾರೆ.

ಅಸ್ಸಾಂ ರಾಜ್ಯ ಬಿಜೆಪಿ ಶನಿವಾರ ಆದೇಶ ಹೊರಡಿಸಿದೆ ಹಾಗೂ ಫೋಟೋಗಳಲ್ಲಿ ಮಹಿಳಾ ನಾಯಕಿಯೊಂದಿಗೆ ಕಾಣಿಸಿಕೊಂಡ ನಾಯಕನನ್ನು ಪಕ್ಷದ ಪ್ರಾಥಮಿಕ ಸದಸ್ಯತ್ವದಿಂದ ಹೊರಹಾಕಿದೆ.