ಪಾಕ್ ವಿಜಯಕ್ಕೆ 131 ರನ್ ಗಳ ಗುರಿ

ಗಾಲೆ (ಶ್ರೀಲಂಕಾ): ಶ್ರೀಲಂಕಾ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಗೆಲ್ಲಲು 131 ರನ್ಗಳ ಸುಲಭ ಗುರಿಯನ್ನು ಪಾಕಿಸ್ತಾನ ಪಡೆಯಿತಾದರೂ, ಗುರಿ ತಲುಪಲು ಶ್ರಮ ಪಡುತ್ತಿದೆ.

ಪಂದ್ಯದ ಮಳೆ ಬಾಧಿತ ನಾಲ್ಕನೇ ದಿನವಾದ ಬುಧವಾರ ಪಾಕಿಸ್ತಾನವು ಮೂರು ವಿಕೆಟ್ಗಳನ್ನು ಕಳೆದುಕೊಂಡಿದೆ. ದಿನದಾಟದ ಕೊನೆಯ ವೇಳೆಗೆ, ಪಾಕಿಸ್ತಾನವು ಮೂರು ವಿಕೆಟ್ಗಳ ನಷ್ಟಕ್ಕೆ 48 ರನ್ಗಳನ್ನು ಗಳಿಸಿದೆ. ಪಂದ್ಯವನ್ನು ಗೆಲ್ಲಲು ಅದು ಇನ್ನು 83 ರನ್ಗಳನ್ನು ಗಳಿಸಬೇಕಾಗಿದೆ.

ಇಮಾಮ್ ಉಲ್-ಹಕ್ 25ರಲ್ಲಿ ಮತ್ತು ನಾಯಕ ಬಾಬರ್ ಆಝಮ್ ಕ್ರೀಸ್ನಲ್ಲಿದ್ದಾರೆ. ಶ್ರೀಲಂಕಾದ ಎಡಗೈ ಸ್ಪಿನ್ನರ್ ಪ್ರಭಾತ್ ಜಯಸೂರ್ಯ, ಅಬ್ದುಲ್ಲಾ ಶಫೀಕ್ (8) ಮತ್ತು ಶಾನ್ ಮಸೂದ್ (7)ರ ವಿಕೆಟ್ಗಳನ್ನು ಬೇಗನೇ ಉರುಳಿಸಿದರು.

ಇದಕ್ಕೂ ಮೊದಲು, ಪಾಕಿಸ್ತಾನದ ಸ್ಪಿನ್ ದ್ವಯರಾದ ನುಅ್ಮಾನ್ ಅಲಿ ಮತ್ತು ಅಬ್ರಾರ್ ಅಹ್ಮದ್ ಶ್ರೀಲಂಕಾದ ಎರಡನೇ ಇನಿಂಗ್ಸನ್ನು 279 ರನ್ಗಳಿಗೆ ಮುಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅವರು ತಲಾ ಮೂರು ವಿಕೆಟ್ಗಳನ್ನು ಉರುಳಿಸಿದರು.

ಪಾಕಿಸ್ತಾನವು ತನ್ನ ಮೊದಲನೇ ಇನಿಂಗ್ಸ್ನಲ್ಲಿ 461 ರನ್ಗಳನ್ನು ಗಳಿಸಿದೆ.