ರಾಜ್ಯದಲ್ಲಿ 2023ರಿಂದ 63,447 ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳು ದಾಖಲು

ಬೆಂಗಳೂರು : ರಾಜ್ಯದಲ್ಲಿ 2023ರಿಂದ ಇಲ್ಲಿಯವರೆಗೆ 63,447 ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳು ದಾಖಲಾಗಿದ್ದು, ಈ ಪೈಕಿ 2,318 ಅತ್ಯಾಚಾರ ಪ್ರಕರಣಗಳಾಗಿವೆ. ಎರಡು ಪೊಲೀಸ್ ವಶದಲ್ಲಿರುವ ಮಹಿಳೆಯರ ಮೇಲೆ ನಡೆದ ಅತ್ಯಾಚಾರ ಪ್ರಕರಣಗಳಾಗಿದ್ದು, 42 ಸಾಮೂಹಿಕ ಅತ್ಯಾಚಾರ ಹಾಗೂ 2,274 ಇತರ ಅತ್ಯಾಚಾರ ಪ್ರಕರಣಗಳಾಗಿವೆ.

ರಾಜ್ಯಾದ್ಯಂತ 2023ರಲ್ಲಿ 606, 2024ರಲ್ಲಿ 742, 2025ರಲ್ಲಿ 656 ಹಾಗೂ 2026ರಲ್ಲಿ 314 ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ. ಒಟ್ಟು ಅತ್ಯಾಚಾರ ಪ್ರಕರಣಗಳ ಪೈಕಿ 2023ರಲ್ಲಿ 44, 2024ರಲ್ಲಿ 52, 2025ರಲ್ಲಿ 44 ಹಾಗೂ 2026ರಲ್ಲಿ 9 ಸೇರಿ ಒಟ್ಟು 149 ಸುಳ್ಳು ಪ್ರಕರಣಗಳು ದಾಖಲಾಗಿವೆ. 2023ರಿಂದ ಇಲ್ಲಿಯವರೆಗೆ 1,327 ಅತ್ಯಾಚಾರ ಪ್ರಕರಣಗಳು ನ್ಯಾಯಾಲಯದಲ್ಲಿ ವಿಚಾರಣಾ ಹಂತದಲ್ಲಿದ್ದರೆ, 285 ಪೊಲೀಸ್ ವಿಚಾರಣಾ ಹಂತದಲ್ಲಿವೆ.

ಬೆಂಗಳೂರು ನಗರ ಜಿಲ್ಲಾ ವ್ಯಾಪ್ತಿಯಲ್ಲಿ 623, ಬೆಂಗಳೂರು ದಕ್ಷಿಣ(ರಾಮನಗರ) 45, ತುಮಕೂರು 87, ಕೋಲಾರ 46, ಚಿಕ್ಕಬಳ್ಳಾಪುರ 48, ಚಿತ್ರದುರ್ಗ 61, ದಾವಣಗೆರೆ 52, ಶಿವಮೊಗ್ಗ 65, ಹಾವೇರಿ 67, ದಕ್ಷಿಣ ಕನ್ನಡ 94, ಉಡುಪಿ 49, ಚಿಕ್ಕಮಗಳೂರು 33, ಉತ್ತರ ಕನ್ನಡ ಜಿಲ್ಲೆಯಲ್ಲಿ 50 ಮಹಿಳೆಯರ ಮೇಲಿನ ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ.

ಬೆಳಗಾವಿ ಜಿಲ್ಲೆ 79, ಬಾಗಲಕೋಟೆ 31, ವಿಜಯಪುರ 83, ಧಾರವಾಡ 58, ಗದಗ 26, ಬೀದರ್ 28, ಕಲಬುರಗಿ ಜಿಲ್ಲೆಯಲ್ಲಿ 124, ಯಾದಗಿರಿ 46, ಚಾಮರಾಜನಗರ 30, ಹಾಸನ 74, ಕೊಡಗು 22, ಮಂಡ್ಯ 40, ಮೈಸೂರು ಜಿಲ್ಲೆಯಲ್ಲಿ 98, ಬಳ್ಳಾರಿ 40, ವಿಜಯನಗರ 40, ಕೊಪ್ಪಳ 58, ರಾಯಚೂರು 90, ಕರ್ನಾಟಕ ರೈಲ್ವೆಯಲ್ಲಿ ಹಾಗೂ ಸಿಐಡಿ

ಯಲ್ಲಿ ತಲಾ ಒಬ್ಬ ಮಹಿಳೆಯರ ಮೇಲಿನ ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ ಎಂದು ಪೊಲೀಸ್ ಇಲಾಖೆಯು ಮಾಹಿತಿ ನೀಡಿದೆ.

6,372 ವರದಕ್ಷಿಣೆ ಕಿರುಕುಳ

2023ರಲ್ಲಿ 20,054, 2024ರಲ್ಲಿ 18,982, 2025ರಲ್ಲಿ 16,370 ಹಾಗೂ 2026ರ ಜೂನ್ ಅಂತ್ಯದ ವೇಳೆಗೆ 8,041 ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳು ದಾಖಲಾಗಿವೆ. ಒಟ್ಟು 63,447 ಪ್ರಕರಣಗಳ ಪೈಕಿ 6,372 ವರದಕ್ಷಿಣೆ ಕಿರುಕುಳ ಪ್ರಕರಣಗಳಾಗಿದ್ದರೆ, 20,137 ಸೈಬರ್ ವಂಚನೆಗೆ ಒಳಗಾದ ಮಹಿಳೆಯ ಪ್ರಕರಣಗಳಾಗಿವೆ. 483 ಸರಕಾರಿ ಮಹಿಳಾ ಸಿಬ್ಬಂದಿಯ ಮೇಲೆ ನಡೆದ ದೌರ್ಜನ್ಯ ಪ್ರಕರಣಗಳಾಗಿವೆ. 10,344 ಪತಿಯಿಂದ ಕಿರುಕುಳ ಅನುಭವಿಸಿದ ಪ್ರಕರಣಗಳಾಗಿವೆ. ಇನ್ನು ಉಳಿದಂತೆ ಇತರ ಪ್ರಕರಣ ದಾಖಲಾಗಿವೆ.

1,800ಕ್ಕೂ ಅಧಿಕ ಮಹಿಳೆಯರ ಹತ್ಯೆ

2023ರಿಂದ 2026ರ ಜೂನ್ ಅಂತ್ಯದವರೆಗೆ ವರದಕ್ಷಿಣೆಗಾಗಿ 485 ಮಹಿಳೆಯರ ಹತ್ಯೆಯಾಗಿದ್ದರೆ, ಇತರ ಕಾರಣಗಳಿಂದ 1,346 ಸೇರಿ ಒಟ್ಟು 1,831 ಹತ್ಯೆ ಪ್ರಕರಣಗಳು ನಡೆದಿವೆ. ವರದಕ್ಷಿಣೆ ಕಿರುಕುಳದಿಂದ 113 ಮಹಿಳೆಯರು ಆತ್ಮಹತ್ಯೆಗೆ ಯತ್ನಿಸಿದ್ದರೆ, 3,136 ಮಹಿಳೆಯರು ಇತರ ಕಾರಣಗಳಿಗಾಗಿ ಆತ್ಮಹತ್ಯೆಗೆ ಯತ್ನಿಸಿರುವ ಪ್ರಕರಣಗಳು ದಾಖಲಾಗಿವೆ.