ಯಾದಗಿರಿಯಲ್ಲಿ ಅಕ್ರಮ ಮರಳು, ಮರಮ್ ದಂಧೆ

ಯಾದಗಿರಿ, ನ.16: ಜಿಲ್ಲಾದ್ಯಂತ ಅಕ್ರಮ ಮರಳು ಗಣಿಗಾರಿಕೆ, ಹೆಚ್ಚುವರಿ ಮರಮ್ ಲೋಡ್ (ಕಟ್ಟಡ ನಿರ್ಮಾಣಕ್ಕೆ ಬಳಸುವ ಮಣ್ಣು) ಹಾಗೂ ಪರದೆ ಇಲ್ಲದೇ ಸಾಗುವ ಕಂಕರ್ ಪುಡಿ (ಜಲ್ಲಿಪುಡಿ) ಟಿಪ್ಪರ್‌ಗಳು ದಿನೇ ದಿನೇ ಹೆಚ್ಚುತ್ತಿದ್ದು, ಇದರ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಕಾನೂನುಬದ್ಧ ನಿಯಂತ್ರಣ ಗಳಿದ್ದರೂ ಹಗಲು ರಾತ್ರಿ ಎನ್ನದೆ ರಾಜಾರೋಷವಾಗಿ ಅಕ್ರಮ ದಂಧೆ ನಡೆಯುತ್ತಿರುವುದು ಆಡಳಿತ ಯಂತ್ರವಿದೆಯೇ? ಇಲ್ಲವೇ? ಎಂಬ ಪ್ರಶ್ನೆಯನ್ನು ಸಾರ್ವಜನಿಕರಲ್ಲಿ ಕೇಳಿಬರುತ್ತಿದೆ.

ಧೂಳಿನಿಂದ ಸಾರ್ವಜನಿಕರು ರಸ್ತೆ ಓಡಾಡಲು ನರಕ ಯಾತನೆ ಅನುಭವಿಸುವಂತಾಗಿದೆ ಜಿಲ್ಲೆಯಲ್ಲಿ ಓಡಾಡುವ ಬಹುತೇಕ ಟಿಪ್ಪರ್‌ಗಳು ಸುರಕ್ಷತಾ ಪರದೆ ಹಾಕದೆ ಜಲ್ಲಿ ಪುಡಿ(ಕಂಕರ್ ಪುಡಿ) ಹಾಗೂ ಮರಮ್ ಸಾಗಿಸುತ್ತಿವೆ. ಇದರಿಂದ ಹಿಂಬದಿ ವಾಹನ ಸವಾರರು ಕಣ್ಣು ತೆರೆಯಲಾರದ ಪರಿಸ್ಥಿತಿ ಎದುರಿಸುತ್ತಿದ್ದಾರೆ.

ಸಣ್ಣಸಣ್ಣ ಕಂಕರ್ ಕಣಗಳು ಕಣ್ಣಿಗೆ ತಾಗಿ ಗಾಯವಾಗುತ್ತಿರುವುದು, ದೃಷ್ಟಿ ಕಳೆದುಕೊಳ್ಳುವ ಭೀತಿಯೂ ಜೋರಾಗಿದೆ. ಅದರ ಜೊತೆಗೆ ರಸ್ತೆಗಳಲ್ಲಿ ಉಂಟಾಗುವ ಧೂಳಿನ ಅಟ್ಟಹಾಸದಿಂದ ಅಪಘಾತಗಳ ಸಂಖ್ಯೆಯೂ ಹೆಚ್ಚುತ್ತಿವೆ.

►ಎಗ್ಗಿಲ್ಲದೆ ನಡೆಯುವ ಮರಳುಗಾರಿಕೆ :

ಹಳ್ಳಕೊಳ್ಳದಲ್ಲಿ ಇರುವ ಮರಳು ಮತ್ತು ಅರಣ್ಯ ಪ್ರದೇಶ ಗೈರಾಣಿ ಜಮೀನುಗಳ ಮರಮ್ ಜೆಸಿಬಿಗಳಿಂದ ಆಳವಾಗಿ ತೋಡಿರುವ ಗುಂಡಿಗಳು ಪರಿಸರ ವ್ಯವಸ್ಥೆಯನ್ನು ಕೆಡುತ್ತಿದ್ದು ದಿನನಿತ್ಯ ವಾಹನಗಳ ನಿರಂತರ ಸಂಚಾರದಿಂದ ಜಿಲ್ಲೆಯಲ್ಲಿ ರಸ್ತೆಗಳು ಹಾಳಾಗಿ ತಗ್ಗು ಗುಂಡಿಗಳು ಬೀಳುತ್ತಿವೇ ಎಂದು ಹೇಳಿದರು

►ಜಿಲ್ಲಾಧಿಕಾರಿ ಕಚೇರಿ ಎದುರೇ ದಂಧೆ :

ಜಿಲ್ಲಾ ಕೇಂದ್ರದಲ್ಲೇ, ಜಿಲ್ಲಾಧಿಕಾರಿ, ಎಸ್‌ಪಿ, ಗಣಿ, ಮತ್ತು ಆರ್‌ಟಿಒ ಕಚೇರಿಗಳ ಎದುರುಗಡೆಯಲ್ಲಿ, ಹಗಲು ಹೊತ್ತಿನಲ್ಲೇ ಮರಳು ಸಾಗುತ್ತಿದೆ. ಯಾರಿಗೂ ಭಯವೇ ಇಲ್ಲದಂತಾಗಿದೆ.

►ಹೊರ ಜಿಲ್ಲೆ, ಹೊರ ರಾಜ್ಯಕ್ಕೆ ಮರಳು ಸಾಗಾಟ :

ಜಿಲ್ಲೆಯ ಅಭಿವೃದ್ಧಿಗೆ ಬಳಸುವುದಾದರೆ ಸಮಸ್ಯೆಯೇ ಇಲ್ಲ. ಆದರೆ ಯಾದಗಿರಿಯ ಮರಳು ಹೊರ ಜಿಲ್ಲೆಗಳಿಗೆ, ವಿಶೇಷವಾಗಿ ಆಂದ್ರಪ್ರದೇಶ, ಮಹಾರಾಷ್ಟ್ರಕ್ಕೆ ಸಾಗುತ್ತಿದೆ. ಇದು ಜಿಲ್ಲೆಯ ಸಂಪತ್ತು ಬೇರೆ ರಾಜ್ಯಕ್ಕೆ ಹೋಗುತ್ತಿರುವುದಿಂದ ಬೇರೆ ರಾಜ್ಯದಲ್ಲಿ ಬೇಡಿಕೆ ಹೆಚ್ಚಾಗಿದ್ದು, ಅಕ್ರಮ ಮರಳಿಗೂ ಕೂಡ ಲಾಭವನ್ನು ಹೆಚ್ಚಾಗಿದೆ.