ಯಲಬುರ್ಗಾ, ಕುಕನೂರು ಕ್ಷೇತ್ರಗಳ ಮೀಸಲಾತಿ ಪಟ್ಟಿ ಪ್ರಕಟ

ಯಲಬುರ್ಗಾ/ಕುಕನೂರ: ಬಹುದಿನಗಳಿಂದ ಬಾಕಿ ಉಳಿದಿರುವ ಜಿಲ್ಲಾ ಪಂಚಾಯತ್ ಹಾಗೂ ತಾಲೂಕು ಪಂಚಾಯತ್ ಚುನಾವಣೆಗಳ ಸಿದ್ಧತೆಯ ಭಾಗವಾಗಿ ರಾಜ್ಯ ಸರಕಾರ ಕ್ಷೇತ್ರಗಳ ಮೀಸಲಾತಿ ಕರಡು ಪಟ್ಟಿ ಪ್ರಕಟಿಸಿದ್ದು, ಇದರ ಬೆನ್ನಲ್ಲೇ ಯಲಬುರ್ಗಾ-ಕುಕನೂರು ಅವಳಿ ತಾಲೂಕುಗಳಲ್ಲಿ ರಾಜಕೀಯ ಚಟುವಟಿಕೆಗಳು ಗರಿಗೆದರಿದ್ದು, ವಿವಿಧ ಪಕ್ಷಗಳ ಟಿಕೆಟ್ ಆಕಾಂಕ್ಷಿಗಳು ಚುನಾವಣಾ ಲೆಕ್ಕಾಚಾರ ಆರಂಭಿಸಿದ್ದಾರೆ.

ಕರಡು ಪಟ್ಟಿಯ ಪ್ರಕಾರ, ಯಲಬುರ್ಗಾ ತಾಪಂ ವ್ಯಾಪ್ತಿಯ 15, ಕುಕನೂರು ತಾಪಂ ವ್ಯಾಪ್ತಿಯ 9 ಹಾಗೂ ಎರಡೂ ತಾಲೂಕುಗಳ ವ್ಯಾಪ್ತಿಯ 7 ಜಿಪಂ ಕ್ಷೇತ್ರಗಳಿಗೆ ಮೀಸಲಾತಿ ನಿಗದಿಪಡಿಸಲಾಗಿದೆ. ಇದು ಕರಡು ಪಟ್ಟಿಯಾಗಿದ್ದು, ಆಕ್ಷೇಪಣೆಗಳ ಪರಿಶೀಲನೆಯ ಬಳಿಕ ಅಂತಿಮ ಪಟ್ಟಿ ಪ್ರಕಟವಾಗುವ ಸಂಭವವಿದೆ.

ಮೀಸಲಾತಿ ಪ್ರಕಟವಾಗುತ್ತಿದ್ದಂತೆ ಯಾವ ಕ್ಷೇತ್ರದಿಂದ ಸ್ಪರ್ಧಿಸಬಹುದು ಎಂಬ ಲೆಕ್ಕಾಚಾರದಲ್ಲಿ ಆಕಾಂಕ್ಷಿಗಳು ತೊಡಗಿದ್ದಾರೆ. ಮೀಸಲಾತಿ ಅನುಕೂಲವಾಗಿರುವವರು ಚುನಾವಣಾ ಸಿದ್ಧತೆಯತ್ತ ಗಮನ ಹರಿಸಿದ್ದರೆ, ಅವಕಾಶ ಬದಲಾಗಿರುವವರು ಪರ್ಯಾಯ ಕ್ಷೇತ್ರಗಳ ಸಾಧ್ಯತೆ ಪರಿಶೀಲಿಸುತ್ತಿದ್ದಾರೆ. ಪಕ್ಷಗಳ ಸ್ಥಳೀಯ ಮುಖಂಡರು ಹಾಗೂ ವರಿಷ್ಠರ ಮಟ್ಟದಲ್ಲಿಯೂ ಟಿಕೆಟ್ ಹಂಚಿಕೆ ಕುರಿತು ಚರ್ಚೆಗಳು ಆರಂಭವಾಗುವ ನಿರೀಕ್ಷೆಯಿದೆ.

ತಾಪಂ ಕ್ಷೇತ್ರಗಳ ಮೀಸಲಾತಿ ಕರಡು ಯಲಬುರ್ಗಾ (15 ತಾಪಂ ಕ್ಷೇತ್ರಗಳು) :

ಮುಧೋಳ-ಸಾಮಾನ್ಯ, ಹಿರೇಮ್ಯಾಗೇರಿ-ಹಿಂದುಳಿದ ವರ್ಗ ‘ಅ’, ಕಲ್ಲೂರು-ಅನುಸೂಚಿತ ಜಾತಿ, ಬಳೂಟಗಿ-ಅನುಸೂಚಿತ ಜಾತಿ (ಮಹಿಳೆ), ಬಂಡಿ- ಸಾಮಾನ್ಯ (ಮಹಿಳೆ), ವಜ್ರಬಂಡಿ-ಅನುಸೂಚಿತ ಪಂಗಡ (ಮಹಿಳೆ), ಚಿಕ್ಕಮ್ಯಾಗೇರಿ-ಅನುಸೂಚಿತ ಪಂಗಡ (ಮಹಿಳೆ), ಮಾಟಲದಿನ್ನಿ-ಸಾಮಾನ್ಯ, ಹಿರೇವಂಕಲಕುಂಟಾ-ಸಾಮಾನ್ಯ, ತಾಳಕೇರಿ- ಸಾಮಾನ್ಯ (ಮಹಿಳೆ),ಗಾಣದಾಳ-ಅನುಸೂಚಿತ ಪಂಗಡ, ಗುನ್ನಾಳ-ಸಾಮಾನ್ಯ (ಮಹಿಳೆ), ಮುರಡಿ-ಸಾಮಾನ್ಯ, ಬೇವೂರು-ಸಾಮಾನ್ಯ (ಮಹಿಳೆ), ಹಿರೇಅರಳಿಹಳ್ಳಿ-ಹಿಂದುಳಿದ ವರ್ಗ ‘ಅ’ (ಮಹಿಳೆ).

ಕುಕನೂರು (9 ತಾಪಂ ಕ್ಷೇತ್ರಗಳು) :

ಮಂಗಳೂರು-ಸಾಮಾನ್ಯ, ತಳಕಲ್-ಸಾಮಾನ್ಯ, ಬನ್ನಿಕೊಪ್ಪ-ಸಾಮಾನ್ಯ, ಕುದ್ರಿಮೋತಿ-ಹಿಂದುಳಿದ ವರ್ಗ ‘ಅ’ (ಮಹಿಳೆ), ಹಿರೇಬೀಡನಾಳ-ಅನುಸೂಚಿತ ಪಂಗಡ (ಮಹಿಳೆ), ರಾಜೂರು-ಸಾಮಾನ್ಯ (ಮಹಿಳೆ), ಯರೇಹಂಚಿನಾಳ-ಸಾಮಾನ್ಯ (ಮಹಿಳೆ), ಇಟಗಿ-ಅನುಸೂಚಿತ ಜಾತಿ (ಮಹಿಳೆ), ಬೆಣಕಲ್ಲ-ಅನುಸೂಚಿತ ಜಾತಿ.

ಜಿಪಂ ಕ್ಷೇತ್ರಗಳ ಮೀಸಲಾತಿ ಕರಡು ಯಲಬುರ್ಗಾ (4 ಜಿ. ಪಂ ಕ್ಷೇತ್ರಗಳು) :

ಹಿರೇವಂಕಲಕುಂಟಾ-ಅನುಸೂಚಿತ ಪಂಗಡ (ಮಹಿಳೆ), ಬಳೂಟಗಿ-ಅನುಸೂಚಿತ ಜಾತಿ, ಮುಧೋಳ-ಹಿಂದುಳಿದ ವರ್ಗ ‘ಅ’, ಬೇವೂರು-ಸಾಮಾನ್ಯ (ಮಹಿಳೆ).

ಕುಕನೂರು (3 ಜಿ. ಪಂ ಕ್ಷೇತ್ರಗಳು) :

ತಳಕಲ್-ಹಿಂದುಳಿದ ವರ್ಗ ‘ಬಿ’ (ಮಹಿಳೆ), ಮಂಗಳೂರು-ಸಾಮಾನ್ಯ, ಇಟಗಿ-ಅನುಸೂಚಿತ ಜಾತಿ (ಮಹಿಳೆ).

ಅ.19ರೊಳಗೆ ಆಕ್ಷೇಪಣೆ ಸಲ್ಲಿಸಲು ಅವಕಾಶ :

ಕರಡು ಮೀಸಲಾತಿ ಪಟ್ಟಿಗೆ ಆಕ್ಷೇಪಣೆಗಳಿದ್ದಲ್ಲಿ, ಸಂಬಂಧಿತ ದಾಖಲೆಗಳೊಂದಿಗೆ ಬೆಂಗಳೂರಿನ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಕಾರ್ಯದರ್ಶಿ ಅವರಿಗೆ ಖುದ್ದಾಗಿ ಅಥವಾ ಅಂಚೆ ಮೂಲಕ ಅ.19ರ ಸಂಜೆ 5 ಗಂಟೆಯೊಳಗೆ ಸಲ್ಲಿಸಬಹುದು. ಗಡುವಿನ ಬಳಿಕ ಸಲ್ಲಿಸುವ ಆಕ್ಷೇಪಣೆಗಳನ್ನು ಪರಿಗಣಿಸಲಾಗುವುದಿಲ್ಲ ಎಂದು ತಿಳಿಸಲಾಗಿದೆ. ಆಕ್ಷೇಪಣೆಗಳ ಪರಿಶೀಲನೆಯ ಬಳಿಕ ಅಂತಿಮ ಮೀಸಲಾತಿ ಪಟ್ಟಿ ಪ್ರಕಟವಾಗಲಿದೆ.