ನ.30: ಎಎಂಪಿಯಿಂದ ಬೆಂಗಳೂರಿನಲ್ಲಿ ಉಚಿತ ಉದ್ಯೋಗ ಮೇಳ

ಬೆಂಗಳೂರು, ನ.29: ಅಸೋಸಿಯೇಶನ್ ಆಫ್ ಮುಸ್ಲಿಂ ಪ್ರೊಫೆಸನಲ್ಸ್ (ಎಎಂಪಿ) ನ.30ರಂದು ಬೆಂಗಳೂರಿನ ಹನ್ನೂರ್ ಬಂಡೆ ಕಲ್ಯಾಣ್ ನಗರದ ಬೈರೇಶ್ವರ ಲೇಔಟ್‌ನಲ್ಲಿರುವ ಹಸನಾತ್ ಕಾಲೇಜಿನಲ್ಲಿ ಉಚಿತ ಉದ್ಯೋಗ ಮೇಳ ಆಯೋಜಿಸಿದೆ.

ಅಂದು ಬೆಳಗ್ಗೆ 10:30ರಿಂದ ಸಂಜೆ 4:30ರವರೆಗೆ ನಡೆಯಲಿರುವ ಮೇಳದಲ್ಲಿ ಐಟಿ, ಟೆಕ್ನಾಲಜಿ, ಟೆಲಿಕಾಂ, ಎಫ್‌ಎಂಸಿ, ಚಿಲ್ಲರೆ ವ್ಯಾಪಾರ, ಆತಿಥ್ಯ, ಬಿಪಿಒ, ಬ್ಯಾಂಕಿಂಗ್, ಹಣಕಾಸು, ನಿರ್ವಹಣೆ, ಫಾರ್ಮಾ ಇತ್ಯಾದಿ ರಂಗಗಳ 70ಕ್ಕೂ ಅಧಿಕ ಪ್ರತಿಷ್ಠಿತ ಕಂಪೆನಿಗಳು ಭಾಗವಹಿಸಲಿವೆ. ಮೇಳದಲ್ಲಿ ಎಸೆಸೆಲ್ಸಿ, ಪಿಯುಸಿ, ಪದವೀಧರರು, ಸ್ನಾತಕೋತ್ತರ ಪದವೀಧರರು, ಅನುಭವಿಗಳು, ಹೊಸ ಉದ್ಯೋಗ ಬಯಸುವ ಎಲ್ಲ ಧರ್ಮದ ಯುವಕ-ಯುವತಿಯರು ಭಾಗವಹಿಸಬಹುದು.

ಆಸಕ್ತ ಅಭ್ಯರ್ಥಿಗಳು www.ampindia.org/ampjobform ಗೆ ಭೇಟಿ ನೀಡಿ ಅಥವಾ ನೇರವಾಗಿ ಮೇಳದಲ್ಲಿ ಪಾಲ್ಗೊಂಡು ಹೆಸರು ನೋಂದಾಯಿಸಬಹುದು.

ಹೆಚ್ಚಿನ ಮಾಹಿತಿಗೆ ಅಫಮ್ ಸಾದಿಕ್ 9686068478 ಅಥವಾ ಅಬ್ದುಲ್ ರಹೀಂ 8904238528 ಅನ್ನು ಸಂಪರ್ಕಿಸಬಹುದು ಎಂದು ಪ್ರಕಟನೆ ತಿಳಿಸಿದೆ.