ರಾಯಚೂರು| ಶೃತಿ ನಾಗರಾಳ.ಕೆ ಅವರಿಗೆ ಪಿ.ಎಚ್.ಡಿ ಪದವಿ

ರಾಯಚೂರು: ಸರಕಾರಿ ಪ್ರೌಢಶಾಲೆ ಗಾರಲದಿನ್ನಿಯಲ್ಲಿ ಪ್ರಥಮ ದರ್ಜೆ ಸಹಾಯಕರಾಗಿ ಕಾರ್ಯ ನಿರ್ವಹಿಸುತ್ತಿರುವ ಶೃತಿ ನಾಗರಾಳ.ಕೆ ಇವರು ಇತ್ತೀಚೆಗೆ ಶಿವಮೊಗ್ಗದ ಕುವೆಂಪು ವಿಶ್ವವಿದ್ಯಾಲಯದಿಂದ ಬಯೋಟೆಕ್ನಾಲಜಿ ವಿಷಯದಲ್ಲಿ ಪಿ.ಎಚ್.ಡಿ ಪದವಿಯನ್ನು ಗಳಿಸಿದ್ದಾರೆ.

ಮೂಲತಃ ದೇವದುರ್ಗ ತಾಲೂಕಿನ ನಾಗರಾಳ ಗ್ರಾಮದವರಾದ ಕೃಷ್ಣಪ್ಪ ಮತ್ತು ದಿವಂಗತ ಆರ್. ಸಾವಿತ್ರಿ ಅವರ ಪುತ್ರಿಯಾದ ಶೃತಿ, ದಾವಣಗೆರೆ ವಿಶ್ವವಿದ್ಯಾಲಯದ ಡಾ.ಪ್ರಮೋದ್ ಎಸ್.ಎನ್ ಮತ್ತು ರಾಯಚೂರು ಕೃಷಿ ವಿಶ್ವವಿದ್ಯಾಲಯದ ಡಾ. ಕಿಶನ್.ಬಿ ರವರ ಮಾರ್ಗದರ್ಶನದಲ್ಲಿ ಕ್ಯಾರಕ್ಟರೈಜೇಶನ್ ಆಫ್ ಸಸ್ಪೆಂಡೆಡ್ ಆನಿಮೇಶನ್, ಹೆಲ್ತ್ ಸ್ಪ್ಯಾನ್ ಅಂಡ್ ಲೈಫ್ ಸ್ಪ್ಯಾನ್ ಇನ್ ಸಿನಿರೋಟೈಡೀಸ್ ಎಲಿಗನ್ಸ ಮಾಡಲ್ ಸಿಸ್ಟಮ್ ಎಂಬ ವಿಷಯದಲ್ಲಿ ಸಂಶೋಧನಾ ಪ್ರಬಂಧವನ್ನು ಮಂಡಿಸಿದ್ದಾರೆ.

ಶೃತಿ ಅವರ ಸಂಶೋಧನಾ ಮಹಾಪ್ರಬಂಧವನ್ನು ಪುರಸ್ಕರಿಸಿದ ಶಿವಮೊಗ್ಗ ವಿಶ್ವವಿದ್ಯಾಲಯವು ಪಿ.ಎಚ್.ಡಿ ಪದವಿಯನ್ನು ನೀಡಿ ಗೌರವಿಸಿದೆ.