ಮಾದಕ ವಸ್ತು ಪೂರೈಕೆ ಆರೋಪ ; ಆಸ್ಟ್ರೇಲಿಯದ ಮಾಜಿ ಸ್ಪಿನ್ನರ್ ಮ್ಯಾಕ್‌ ಗಿಲ್ ತಪ್ಪಿತಸ್ಥ

ಮೆಲ್ಬರ್ನ್: ಆಸ್ಟ್ರೇಲಿಯದ ಮಾಜಿ ಸ್ಪಿನ್ನರ್ ಸ್ಟುವರ್ಟ್ ಮ್ಯಾಕ್‌ ಗಿಲ್ ಅವರನ್ನು ಮಾದಕ ವಸ್ತು ಪೂರೈಕೆಯ ಭಾಗವಾಗಿರುವ ಆರೋಪದಲ್ಲಿ ತಪ್ಪಿತಸ್ಥರೆಂದು ಸಿಡ್ನಿ ನ್ಯಾಯಾಲಯ ಘೋಷಿಸಿದ್ದು, ಆದರೆ 2021ರ ಎಪ್ರಿಲ್‌ ನಲ್ಲಿ ನಡೆದಿದ್ದ ದೊಡ್ಡ ಪ್ರಮಾಣದ ವಾಣಿಜ್ಯ ಮಾದಕವಸ್ತು ವ್ಯವಹಾರದಲ್ಲಿ ಭಾಗಿಯಾಗಿರುವುದರಿಂದ ಅವರನ್ನು ದೋಷಮುಕ್ತಗೊಳಿಸಿದೆ.

ಮ್ಯಾಕ್‌ ಗಿಲ್ ಅವರ ನಿಯಮಿತ ಮಾದಕವಸ್ತು ಪೂರೈಕೆದಾರ ಹಾಗೂ ಅವರ ಸಹೋದರ ಮಾವ ಮರಿನೋ ಸೊಟಿರೊ ಪೌಲೋಸ್ ಒಂದು ಕೆಜಿ ಕೊಕೇನ್‌ಗೆ 330,000 ಆಸ್ಟ್ರೇಲಿಯನ್ ಡಾಲರ್ ಪಡೆದಿದ್ದರು ಎಂದು ಪುರಾವೆಗಳಿಂದ ಸಾಬೀತಾಗಿದೆ.

ಒಂದು ಕೆಜಿ ಕೊಕೇನ್ ವ್ಯವಹಾರದಲ್ಲಿ ಮ್ಯಾಕ್‌ ಗಿಲ್ ಭಾಗಿಯಾಗಿದ್ದಾರೆಂಬ ಕ್ರೌನ್ಸ್ ಆರೋಪವನ್ನು ನಿರಾಕರಿಸಿದ ನ್ಯಾಯಾಧೀಶರು, ಡ್ರಗ್ ಸರಬರಾಜಿನಲ್ಲಿ ಭಾಗಿಯಾದ ಆರೋಪಕ್ಕೆ ಸಂಬಂಧಿಸಿ ಮ್ಯಾಕ್‌ ಗಿಲ್ ತಪ್ಪಿತಸ್ಥ ಎಂದು ತೀರ್ಪು ನೀಡಿದ್ದು, ಶಿಕ್ಷೆಯ ಕುರಿತ ಪ್ರಕ್ರಿಯೆಯನ್ನು 8 ವಾರಗಳ ಕಾಲ ಮುಂದೂಡಿದೆ.

ಲೆಗ್ ಸ್ಪಿನ್ನರ್ ಮ್ಯಾಕ್‌ ಗಿಲ್ ಆಸ್ಟ್ರೇಲಿಯದ ಪರ 44 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, 208 ವಿಕೆಟ್‌ಗಳನ್ನು ಕಬಳಿಸಿದ್ದರು. ಲೆಗ್ ಸ್ಪಿನ್ ದಂತಕತೆ ಶೇನ್ ವಾರ್ನ್ ಪ್ರಾಬಲ್ಯ ಹೊಂದಿದ್ದ ಕಾಲಘಟ್ಟದಲ್ಲಿ ಆಡಿದ್ದರು.