ಏಶ್ಯನ್ ಟಿಟಿ ಚಾಂಪಿಯನ್‌ಶಿಪ್: ಐತಿಹಾಸಿಕ ಪದಕ ದೃಢಪಡಿಸಿದ ಹರ್ಮೀತ್, ಯಶಸ್ವಿನಿ
Photo Credit : X
ಹೊಸದಿಲ್ಲಿ: ಭಾರತದ ಹರ್ಮೀತ್ ದೇಸಾಯಿ ಹಾಗೂ ಯಶಸ್ವಿನಿ ಘೋರ್ಷಡೆ ತಾಷ್ಕೆಂಟ್‌ನಲ್ಲಿ ನಡೆದ ಏಶ್ಯನ್ ಟೇಬಲ್ ಟೆನಿಸ್ ಚಾಂಪಿಯನ್‌ಶಿಪ್‌ನಲ್ಲಿ ಮಿಕ್ಸೆಡ್ ಡಬಲ್ಸ್‌ನಲ್ಲಿ ಕನಿಷ್ಠ ಕಂಚಿನ ಪದಕವನ್ನು ಖಾತರಿಪಡಿಸಿದ್ದಾರೆ.
ಭಾರತೀಯ ಜೋಡಿಯು ಶುಕ್ರವಾರ ದಕ್ಷಿಣ ಕೊರಿಯಾದ ಪಾರ್ಕ್ ಗಾಂಘಿಯೊನ್ ಹಾಗೂ ಲೀ ಡಾಯುನ್‌ರನ್ನು ಕ್ವಾರ್ಟರ್ ಫೈನಲ್‌ನಲ್ಲಿ 3-2 ಅಂತರದಿಂದ ಸೋಲಿಸಿದ್ದಾರೆ. ಸೆಮಿ ಫೈನಲ್‌ಗೆ ತಲುಪಿ ಪದಕ ಖಚಿತಪಡಿಸಿರುವ ಭಾರತವು ಟೇಬಲ್ ಟೆನಿಸ್‌ನಲ್ಲಿ ಮಹತ್ವದ ಮೈಲಿಗಲ್ಲು ತಲುಪಿದೆ. ಏಶ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ 72 ವರ್ಷಗಳ ನಂತರ ಮೊದಲ ಬಾರಿ ಮಿಕ್ಸೆಡ್ ಡಬಲ್ಸ್‌ನಲ್ಲಿ ಪದಕ ಖಚಿತಪಡಿಸಿದೆ. ಭಾರತವು 1954ರಲ್ಲಿ ಕೊನೆಯ ಬಾರಿ ಪದಕ ಜಯಿಸಿತ್ತು.
Next Story