FIFA World Cup 2026 : ಜರ್ಮನಿಗೆ ಆಘಾತ ನೀಡಿ 32ರ ಹಂತ ತಲುಪಿದ ಈಕ್ವೆಡಾರ್

ನ್ಯೂಜೆರ್ಸಿ: ಗೋಝ್ಸಾಲೊ ಪ್ಲಾಟಾ ಅವರ ನಿರ್ಣಾಯಕ ಗೋಲಿನ ನೆರವಿನಿಂದ ಬಲಿಷ್ಠ ಜರ್ಮನಿ ತಂಡವನ್ನು 2-1 ಗೋಲುಗಳ ಅಂತರದಿಂದ ಸೋಲಿಸಿದ ಈಕ್ವೆಡಾರ್ ತಂಡ ಫಿಫಾ ವಿಶ್ವಕಪ್‌ನಲ್ಲಿ 32ರ ಘಟ್ಟಕ್ಕೆ ಮುನ್ನಡೆದಿದೆ.

ಪಂದ್ಯದ ಆರಂಭದಲ್ಲಿ ಲೆರಾಯ್ ಸಾನೆ ಅವರ ಗೋಲಿನಿಂದ ಜರ್ಮನಿ ಮುನ್ನಡೆ ಗಳಿಸಿತು. ಆದರೆ ನಿಕೋಲಸ್ ಅಂಗ್ಯುಲಾ ಅವರು ಈಕ್ವೆಡಾರ್ ಪರ ಟೂರ್ನಿಯಲ್ಲಿ ಮೊದಲ ಗೋಲು ಬಾರಿಸುವ ಮೂಲಕ ಸಮಬಲ ಸಾಧಿಸಲು ನೆರವಾದರು. ಪಂದ್ಯ ಇನ್ನೇನು ಡ್ರಾನಲ್ಲಿ ಮುಕ್ತಾಯವಾಗುತ್ತದೆ ಎಂಬ ನಿರೀಕ್ಷೆಯಲ್ಲಿದ್ದಾಗ ಕಾರ್ನರ್‌ನಿಂದ ಪ್ಲಾಟಾ ಹೊಡೆದ ಗೋಲು ಈ ಐತಿಹಾಸಿಕ ವಿಜಯಕ್ಕೆ ಕಾರಣವಾಯಿತು. ಗುಂಪಿನಲ್ಲಿ 4 ಅಂಕಗಳೊಂದಿಗೆ ಮೂರನೇ ಸ್ಥಾನ ಪಡೆದ ಈಕ್ವೆಡಾರ್ 32ರ ಹಂತಕ್ಕೆ ಅರ್ಹತೆ ಪಡೆಯಿತು.

ಪಂದ್ಯದ 77ನೇ ನಿಮಿಷದಲ್ಲಿ ಮ್ಯಾನ್ಯುಯೆಲ್ ನೆಯೂರ್ ಅವರನ್ನು ವಂಚಿಸಿ ಚೆಂಡನ್ನು ಗೋಲುಪೆಟ್ಟಿಗೆಯೊಳಕ್ಕೆ ಚಿಮ್ಮಿಸಿದ ಪ್ಲಾಟೊ ವಿಶ್ವಕಪ್‌ನಲ್ಲಿ ತಮ್ಮ ತಂಡ ಮುಂದಿನ ಹಂತಕ್ಕೆ ಮುನ್ನಡೆಯುವಲ್ಲಿ ಮಹತ್ವದ ಪಾತ್ರ ವಹಿಸಿದರು. ಎರಡು ಗೆಲುವುಗಳೊಂದಿಗೆ ಇ ಗುಂಪಿನಲ್ಲಿ ಅಗ್ರಸ್ಥಾನ ಗಳಿಸಿರುವ ಜರ್ಮನಿ ಪಂದ್ಯದ ಎರಡನೇ ನಿಮಿಷದಲ್ಲೇ ಲೆರಾಯ್ ಗೋಲಿನಿಂದ ಮುನ್ನಡೆ ಪಡೆಯಿತು. ಇದಕ್ಕೆ ಪ್ರತಿಯಾಗಿ ಒಂಬತ್ತನೇ ನಿಮಿಷದಲ್ಲಿ ನಿಲ್ಸನ್ ಆಂಗುಲೊ ಟೂರ್ನಿಯಲ್ಲಿ ಈಕ್ವೆಡಾರ್ ಪರ ಮೊದಲ ಗೋಲು ಬಾರಿಸಿದರು.