FIFA World Cup 2026 Final | ಹೆಚ್ಚುವರಿ ವೇಳೆಯಲ್ಲಿ ಟೊರೆಸ್ ಗೋಲು; ಸ್ಪೇನ್‌ಗೆ 1–0 ಮುನ್ನಡೆ

ನ್ಯೂಯಾರ್ಕ್‌: ಫಿಫಾ ವಿಶ್ವಕಪ್ ಫೈನಲ್‌ನಲ್ಲಿ ಫೆರಾನ್ ಟೊರೆಸ್ ಗಳಿಸಿದ ಗೋಲಿನ ನೆರವಿನಿಂದ ಸ್ಪೇನ್, ಅರ್ಜೆಂಟೀನಾ ವಿರುದ್ಧ 1–0 ಅಂತರದ ಮುನ್ನಡೆ ಸಾಧಿಸಿದೆ.

ಹೆಚ್ಚುವರಿ ವೇಳೆಯ ದ್ವಿತೀಯಾರ್ಧ ಆರಂಭವಾದ ಕೇವಲ 37 ಸೆಕೆಂಡುಗಳಲ್ಲೇ ಸ್ಪೇನ್ ಗೋಲು ದಾಖಲಿಸಿತು. ಪೆಡ್ರೊ ಪೊರೊ ಬಲಭಾಗದಿಂದ ನೀಡಿದ ಆಳವಾದ ಕ್ರಾಸ್ ಅನ್ನು ನಿಕೊ ವಿಲಿಯಮ್ಸ್ ಹೆಡರ್ ಮೂಲಕ ಗೋಲುಮುಂಭಾಗಕ್ಕೆ ತಳ್ಳಿದರು. ಆಗ ಅಲ್ಲೇ ಇದ್ದ ಫೆರಾನ್ ಟೊರೆಸ್ ಚೆಂಡನ್ನು ಪ್ರಬಲವಾಗಿ ಹೊಡೆದು ಗೋಲಿನ ಮೇಲ್ಭಾಗದ ಮೂಲೆಗೆ ಸೇರಿಸಿದರು.

106ನೇ ನಿಮಿಷದಲ್ಲಿ ಬಂದ ಈ ಗೋಲು ಪಂದ್ಯದಲ್ಲಿ ಮೊದಲ ಗೋಲಾಗಿದ್ದು, ಸ್ಪೇನ್‌ಗೆ ಅಮೂಲ್ಯ ಮುನ್ನಡೆ ತಂದುಕೊಟ್ಟಿದೆ. ವಿಶ್ವಕಪ್ ಕಿರೀಟದ ಕನಸನ್ನು ಜೀವಂತವಾಗಿರಿಸಿಕೊಳ್ಳಲು ಅರ್ಜೆಂಟೀನಾ ಉಳಿದ ಸಮಯದಲ್ಲಿ ಸಮಬಲದ ಗೋಲು ದಾಖಲಿಸಬೇಕಾದ ಒತ್ತಡಕ್ಕೆ ಸಿಲುಕಿದೆ.