Asian Games | ಶ್ರೀಲಂಕಾವನ್ನು 124 ರನ್ ಗಳಿಂದ ಮಣಿಸಿ ಫೈನಲ್ ಗೇರಿದ ಭಾರತ
ಪಾಕಿಸ್ತಾನದ ವಿರುದ್ಧ ಚಿನ್ನಕ್ಕೆ ಹಣಾಹಣಿಗೆ ವೇದಿಕೆ ಸಜ್ಜು
ಇಶಾನ್ ಕಿಶನ್ (Photo: Cricinfo)
ನಿಶಿನ್: ಏಷ್ಯನ್ ಗೇಮ್ಸ್‌ ನ ಪುರುಷರ ಕ್ರಿಕೆಟ್‌ ನಲ್ಲಿ ಭಾರತ ತಂಡ ಫೈನಲ್ ಗೆ ಪ್ರವೇಶಿಸಿದೆ. ಸೆಮಿಫೈನಲ್‌ ನಲ್ಲಿ ಶ್ರೀಲಂಕಾವನ್ನು 124 ರನ್ ಗಳಿಂದ ಸೋಲಿಸಿದ ಭಾರತ, ಚಿನ್ನದ ಪದಕಕ್ಕಾಗಿ ಪಾಕಿಸ್ತಾನವನ್ನು ಎದುರಿಸಲಿದೆ.
ಮಳೆಯಿಂದಾಗಿ ಪಂದ್ಯ ಸಂಕ್ಷಿಪ್ತಗೊಂಡಿದ್ದ ಸೆಮಿಫೈನಲ್‌ ನಲ್ಲಿ ಪಾಕಿಸ್ತಾನವು ಬಾಂಗ್ಲಾದೇಶವನ್ನು ಆರು ವಿಕೆಟ್‌ ಗಳಿಂದ ಸೋಲಿಸಿ ಫೈನಲ್ ಗೆ ಬಂದಿತ್ತು. ನಂತರ ನಿಶಿನ್ ನ ಕೊರೋಗಿ ಸ್ಪೋರ್ಟ್ಸ್ ಕ್ಲಬ್‌ ನಲ್ಲಿ ನಡೆದ ಮತ್ತೊಂದು ಸೆಮಿಫೈನಲ್‌ ನಲ್ಲಿ ಭಾರತ ಮತ್ತು ಶ್ರೀಲಂಕಾ ಮುಖಾಮುಖಿಯಾದವು.
ಬ್ಯಾಟಿಂಗ್ ಗೆ ಕಠಿಣವಾಗಿದ್ದ ಪಿಚ್‌ ನಲ್ಲಿ ಇಶಾನ್ ಕಿಶನ್ 80 ರನ್ ಗಳಿಸಿದರು. ಅವರ ಉತ್ತಮ ಬ್ಯಾಟಿಂಗ್ ನೆರವಿನಿಂದ ಭಾರತ ಎದುರಾಳಿಗೆ ಸವಾಲಿನ ಮೊತ್ತ ನೀಡಿತು.
ಗೆಲುವಿಗಾಗಿ ಬ್ಯಾಟಿಂಗ್ ಆರಂಭಿಸಿದ ಶ್ರೀಲಂಕಾ ಭಾರತದ ಬೌಲರ್‌ಗಳ ದಾಳಿಗೆ ತತ್ತರಿಸಿತು. ಕೇವಲ 9.5 ಓವರ್‌ ಗಳಲ್ಲಿ 45 ರನ್ ಗಳಿಗೆ ಶ್ರೀಲಂಕಾ ತಂಡ ಆಲೌಟ್ ಆಯಿತು. ಹೀಗಾಗಿ ಭಾರತ 124 ರನ್ ಗಳ ಭರ್ಜರಿ ಜಯ ದಾಖಲಿಸಿತು.
ಇದರೊಂದಿಗೆ ಪಾಕಿಸ್ತಾನ ಮತ್ತು ಭಾರತ ಚಿನ್ನದ ಪದಕಕ್ಕಾಗಿ ಫೈನಲ್ ನಲ್ಲಿ ಮುಖಾಮುಖಿಯಾಗಲಿವೆ.
