ಇಂಡೋನೇಶ್ಯ: ಮೈದಾನದಲ್ಲಿ ಸಿಡಿಲು ಬಡಿದು ಫುಟ್ಬಾಲ್ ಆಟಗಾರ ಸಾವು

ಜಕಾರ್ತ (ಇಂಡೋನೇಶ್ಯ) : ಇಂಡೋನೇಶ್ಯದಲ್ಲಿ ಫುಟ್ಬಾಲ್ ಪಂದ್ಯವೊಂದರ ವೇಳೆ ಸಿಡಿಲು ಬಡಿದು ಆಟಗಾರನೋರ್ವ ಮೃತಪಟ್ಟ ದುರಂತ ಘಟನೆಯೊಂದು ವರದಿಯಾಗಿದೆ.

ಇತ್ತೀಚೆಗೆ ಪಶ್ಚಿಮ ಜಾವಾದ ಸಿಲಿವಾಂಗಿ ಸ್ಟೇಡಿಯಮ್‌ನಲ್ಲಿ ಕ್ಲಬ್ ತಂಡಗಳಾದ 2 ಎಫ್‌ಎಲ್‌ಒ ಎಫ್‌ಸಿ ಬಂಡುಂಗ್ ಮತ್ತು ಎಫ್‌ಬಿಐ ಸುಬಂಗ್ ತಂಡಗಳ ನಡುವೆ ಸ್ನೇಹ ಪಂದ್ಯ ನಡೆಯುತ್ತಿತ್ತು. ಪಂದ್ಯ ನಡೆಯುತ್ತಿರುವಾಗಲೇ 35 ವರ್ಷದ ಆಟಗಾರನಿಗೆ ಸಿಡಿಲು ಬಡಿಯಿತು. ಕೂಡಲೇ ಅವರು ನೆಲಕ್ಕೆ ಕುಸಿದರು. ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಅವರು ಮೃತಪಟ್ಟರು. ಈ ದೃಶ್ಯಗಳು ವೀಡಿಯೊ ಒಂದರಲ್ಲಿ ದಾಖಲಾಗಿವೆ.

ಇಂಥದೇ ಘಟನೆಯೊಂದು ಕಳೆದ ವರ್ಷ ಇಂಡೋನೇಶ್ಯದಲ್ಲೇ ನಡೆದಿತ್ತು. ಸೋಯರಾಟಿನ್ ಅಂಡರ್-13 ಕಪ್ ಪಂದ್ಯಾವಳಿಯಲ್ಲಿ ಆಡುತ್ತಿದ್ದಾಗ ಬಾಲಕನಿಗೆ ಸಿಡಿಲು ಬಡಿಯಿತು. ಬಾಲಕ ಸ್ಥಳದಲ್ಲೇ ಮೃತಪಟ್ಟನು.

ಕಳೆದ ವರ್ಷದ ಬ್ರೆಝಿಲ್‌ನಲ್ಲೂ, 21 ವರ್ಷದ ಯುವ ಫುಟ್ಬಾಲ್ ಆಟಗಾರರೊಬ್ಬರು ಆಟವಾಡುತ್ತಿದ್ದಾಗ ಸಿಡಿಲು ಬಡಿದು ಮೃತಪಟ್ಟಿದ್ದಾರೆ.

⚽️ A lightning strike killed a football player during a friendly match at the Siliwangi Stadium in #Indonesia.

An ambulance was immediately called, but he could not be saved - he died in hospital without regaining consciousness. As a result of a #lightning strike, the… pic.twitter.com/8GFPfeSF0r

— Caliber English (@CaliberEnglish) February 12, 2024