ಕರ್ನಾಟಕದ ಪ್ರಥಮ ಅಧಿಕೃತ ಪಿಕಲ್ ಬಾಲ್ ಲೀಗ್ ‘KPPL’ಗೆ ಚಾಲನೆ: ಶ್ರೀಮುರಳಿ ರಾಯಭಾರಿ
ಶ್ರೀಮುರಳಿ | Photo Credit : Roaring Star Sri Murali \ facebook
ಬೆಂಗಳೂರು: ಕರ್ನಾಟಕ ರಾಜ್ಯ ಪಿಕಲ್ ಬಾಲ್ ಸಂಸ್ಥೆ (KSPA) ಹಾಗೂ ಎಂಟ್ರೋಪಿ ಸ್ಪೋರ್ಟ್ಸ್ ಅಂಡ್ ಈವೆಂಟ್ಸ್ ಸಹಯೋಗದಲ್ಲಿ ರಾಜ್ಯದ ಚೊಚ್ಚಲ ಅಧಿಕೃತ ಪಿಕಲ್ ಬಾಲ್ ಲೀಗ್ ‘ಕರ್ನಾಟಕ ಪಿಕಲ್ ಬಾಲ್ ಪ್ರೀಮಿಯರ್ ಲೀಗ್’ (KPPL) ಆವೃತ್ತಿ-1ರ ತಂಡಗಳ ಅನಾವರಣ ಹಾಗೂ ಪತ್ರಿಕಾಗೋಷ್ಠಿ ಬೆಂಗಳೂರಿನಲ್ಲಿ ನಡೆಯಿತು.
ಈ ಕೂಟಕ್ಕೆ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅವರನ್ನು ಬ್ರ್ಯಾಂಡ್ ರಾಯಭಾರಿಯಾಗಿ ಘೋಷಿಸಲಾಗಿದ್ದು, ಲೀಗ್ ನ ಮೊದಲ ಆವೃತ್ತಿಯು ಅಕ್ಟೋಬರ್ 9ರಿಂದ 11ರವರೆಗೆ ನಡೆಯಲಿದೆ.
►ಲೀಗ್ ನಲ್ಲಿ ಸೆಣಸಲಿರುವ 7 ತಂಡಗಳು:
• ಬೆಂಗಳೂರು ಸ್ಮ್ಯಾಷರ್ಸ್
• ಕೂರ್ಗ್ ಒರಿಜಿನಲ್ಸ್
• ಮಂಗಳೂರು ರೋರರ್ಸ್
• ಮೈಸೂರು ರಾಯಲ್ಸ್
• ಶಿವಮೊಗ್ಗ ಮಾಸ್ಟರ್ ಬ್ಲಿಸ್
• ತುಮಕೂರು ಟೈಟಾನ್ಸ್
• ಬಳ್ಳಾರಿ ಬ್ಲಾಸ್ಟರ್ಸ್
ರಾಜ್ಯದಲ್ಲಿ ಪಿಕಲ್ ಬಾಲ್ ಕ್ರೀಡೆಯನ್ನು ತಳಮಟ್ಟದಿಂದ ಬೆಳೆಸಲು ಮತ್ತು ಕ್ರೀಡಾಪಟುಗಳಿಗೆ ವೃತ್ತಿಪರ ವೇದಿಕೆ ಕಲ್ಪಿಸಲು ಈ ಲೀಗ್ ನೆರವಾಗಲಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ಪಿಕಲ್ ಬಾಲ್ ಅಸೋಸಿಯೇಷನ್ ಅಧ್ಯಕ್ಷ ಎ.ಜಿ. ಶಿವಶಂಕರ್, ಉಪಾಧ್ಯಕ್ಷ ಕೆ.ವಿ. ಶ್ರೀನಿವಾಸಮೂರ್ತಿ, ಅನಿಲ್ ಶಾ, ಆಶಿಶ್ ಸ್ವರ್ಣಕರ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
