9 ರನ್ ಗೆ 6 ವಿಕೆಟ್: ನೂರನೇ ಪಂದ್ಯದಲ್ಲಿ ಸ್ಟಾರ್ಕ್ ಅಮೋಘ ಸಾಧನೆ
ಮಿಚೆಲ್ ಸ್ಟಾರ್ಕ್ | PC : PTI
ಜಮೈಕಾ: ಆಸ್ಟ್ರೇಲಿಯದ ಹಿರಿಯ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ ವಿಂಡೀಸ್ ವಿರುದ್ಧ ಆಡಿರುವ ತನ್ನ 100ನೇ ಪಂದ್ಯವನ್ನು ಸ್ಮರಣೀಯವಾಗಿಸಿಕೊಂಡರು.
ಸಬೀನಾ ಪಾರ್ಕ್ ನಲ್ಲಿ ಸೋಮವಾರ ನಡೆದ 3ನೇ ಟೆಸ್ಟ್ನ 3ನೇ ದಿನದಾಟದಲ್ಲಿ ತನ್ನ ಮೊದಲ ಓವರ್ ನಲ್ಲಿ ಒಂದೂ ರನ್ ನೀಡದೆ 3 ವಿಕೆಟ್ ಗಳನ್ನು ಪಡೆದ ಸ್ಟಾರ್ಕ್ ಅವರು ಟೆಸ್ಟ್ ಇತಿಹಾಸದಲ್ಲಿ ವೇಗವಾಗಿ ಐದು ವಿಕೆಟ್ ಗೊಂಚಲು ಕಬಳಿಸಿದರು. ಮಾತ್ರವಲ್ಲ ತನ್ನ 400ನೇ ವಿಕೆಟನ್ನು ಪೂರೈಸಿದರು.
ಸ್ಟಾರ್ಕ್ 2002ರ ನಂತರ ಇನಿಂಗ್ಸ್ ನಲ್ಲಿ ಮೊದಲ ಓವರ್ ನಲ್ಲಿ 3 ವಿಕೆಟ್ ಗಳನ್ನು ಪಡೆದ 2ನೇ ಬೌಲರ್ ಆಗಿದ್ದಾರೆ. ಇರ್ಫಾನ್ ಪಠಾಣ್ 2006ರಲ್ಲಿ ಕರಾಚಿ ಟೆಸ್ಟ್ನಲ್ಲಿ ಆರಂಭಿಕ ಓವರ್ ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದರು.
ಸ್ಟಾರ್ಕ್ ಕೇವಲ 9 ರನ್ ನೀಡಿ 6 ವಿಕೆಟ್ ಗಳನ್ನು ಪಡೆದು ಜೀವನಶ್ರೇಷ್ಠ ಸಾಧನೆ ಮಾಡಿದರು.
ಕೇವಲ 15 ಎಸೆತಗಳಲ್ಲಿ 5 ವಿಕೆಟ್ ಗಳನ್ನು ಪೂರೈಸಿ ಹೊಸ ದಾಖಲೆ ಬರೆದರು.
►ಟೆಸ್ಟ್ ಕ್ರಿಕೆಟ್ ನಲ್ಲಿ ಕಡಿಮೆ ಎಸೆತಗಳಲ್ಲಿ 5 ವಿಕೆಟ್ ಪಡೆದ ಬೌಲರ್ ಗಳು
ಎಸೆತ ಬೌಲರ್ ಎದುರಾಳಿ ಸ್ಥಳ ವರ್ಷ
15 ಮಿಚೆಲ್ ಸ್ಟಾರ್ಕ್ ವೆಸ್ಟ್ ಇಂಡೀಸ್ ಕಿಂಗ್ಸ್ಟನ್ 2025
19 ಎರ್ನಿ ಟೊಶಾಕ್ ಭಾರತ ಬ್ರಿಸ್ಬೇನ್ 1947
19 ಸ್ಟುವರ್ಟ್ ಬ್ರಾಡ್ ಆಸ್ಟ್ರೇಲಿಯ ನಾಟಿಂಗ್ಹ್ಯಾಮ್ 2015
19 ಬೋಲ್ಯಾಂಡ್ ಇಂಗ್ಲೆಂಡ್ ಮೆಲ್ಬರ್ನ್ 2021
