ಬಾಂಗ್ಲಾದೇಶ ವಿರುದ್ಧ ಟಿ20 ಸರಣಿ | ಯುಎಇ ಕ್ರಿಕೆಟ್ ತಂಡದ ನಾಯಕನಾಗಿ ಮುಹಮ್ಮದ್ ವಸೀಂ ನೇಮಕ

ದುಬೈ: ಬಾಂಗ್ಲಾದೇಶ ವಿರುದ್ಧದ 2 ಪಂದ್ಯಗಳ ಟಿ20 ಸರಣಿಗೆ 15 ಸದಸ್ಯರನ್ನು ಒಳಗೊಂಡ ಯುಎಇ ಕ್ರಿಕೆಟ್ ತಂಡದ ನಾಯಕರಾಗಿ ಆರಂಭಿಕ ಬ್ಯಾಟರ್ ಮುಹಮ್ಮದ್ ವಸೀಂ ನೇಮಕಗೊಂಡಿದ್ದಾರೆ.

ಟಿ20 ಸರಣಿಯ ಪಂದ್ಯಗಳು ಶಾರ್ಜಾ ಕ್ರಿಕೆಟ್ ಸ್ಟೇಡಿಯಮ್‌ನಲ್ಲಿ ಶನಿವಾರ(ಮೇ 17)ಹಾಗೂ ಸೋಮವಾರ(ಮೇ 19)ನಡೆಯಲಿದೆ.

ಇದಕ್ಕೂ ಮೊದಲು ವಿಕೆಟ್‌ಕೀಪರ್-ಬ್ಯಾಟರ್ ಲಿಟನ್ ದಾಸ್‌ರನ್ನು ಯುಎಇ ಹಾಗೂ ಪಾಕಿಸ್ತಾನ ತಂಡದ ವಿರುದ್ಧದ ಸರಣಿಗೆ ಬಾಂಗ್ಲಾದೇಶ ತಂಡದ ನಾಯಕರನ್ನಾಗಿ ನೇಮಿಸಲಾಗಿದೆ. ದಾಸ್ ಅವರು ನಜ್ಮುಲ್ ಹುಸೇನ್ ಶಾಂಟೊ ಬದಲಿಗೆ ಆಡಲಿದ್ದಾರೆ. ಶಾಂಟೊ ಅವರು ಈ ವರ್ಷಾರಂಭದಲ್ಲಿ ಟಿ20 ನಾಯಕತ್ವ ತ್ಯಜಿಸಿದ್ದರು. ಆಫ್ ಸ್ಪಿನ್ನರ್ ಮೆಹದಿ ಹಸನ್ ಉಪ ನಾಯಕನಾಗಿ ಆಯ್ಕೆಯಾಗಿದ್ದಾರೆ.

ಯುಎಇ ಹಾಗೂ ಪಾಕಿಸ್ತಾನ ವಿರುದ್ಧದ ಸರಣಿಗೆ ಬಾಂಗ್ಲಾದೇಶದ 16 ಸದಸ್ಯರ ತಂಡಕ್ಕೆ ತೌಹಿದ್ ಹ್ರಿದೊಯ್, ತನ್ವೀರ್ ಇಸ್ಲಾಮ್, ಮುಸ್ತಫಿಝುರ್ರ ಹ್ಮಾನ್ ಹಾಗೂ ಶರೀಫುಲ್ ಇಸ್ಲಾಮ್ ವಾಪಸಾಗಿದ್ದಾರೆ.