ರವಿವಾರದಂದು ಲಾಲ್‍ಬಾಗ್‍ನ ಫಲಪುಷ್ಪ ಪ್ರದರ್ಶನಕ್ಕೆ ಹರಿದು ಬಂದ ಜನಸಾಗರ

ಬೆಂಗಳೂರು, ಆ.6: ಮೋಡ ಕವಿದ ವಾತಾವರಣ, ಮಳೆಯ ನಡುವೆಯೂ ರವಿವಾರದಂದು ಫಲಪುಷ್ಪ ಪ್ರದರ್ಶನ ವೀಕ್ಷಣೆಗೆ 67,549 ಮಂದಿ ಆಗಮಿಸಿದ್ದರು.

ಇದರಲ್ಲಿ 55,204 ವಯಸ್ಕರು, 9,345 ಮಕ್ಕಳ, 500 ಮಂದಿ ಶಾಲಾ ಮಕ್ಕಳಾಗಿದ್ದಾರೆ. 2500 ಮಂದಿ ಪಾಸುಗಳನ್ನು ಹೊಂದಿದವರೂ ಪ್ರದರ್ಶನ ಬಂದಿದ್ದು, ಒಟ್ಟು 47 ಲಕ್ಷ ರೂ.ಗಳು ರವಿವಾರ ಒಂದೇ ದಿನ ಸಂಗ್ರಹವಾಗಿದೆ.

ರವಿವಾರ ರಜಾದಿನವಾಗಿರುವುದರಿಂದ ಐಟಿ ಉದ್ಯೋಗಿಗಳು, ಶಾಲೆ-ಕಾಲೇಜು ವಿದ್ಯಾರ್ಥಿಗಳು ಸೇರಿದಂತೆ ಕಿಕ್ಕಿರಿದು ಸೇರಿದ್ದ ಜನರು ಗಾಜಿನ ಮನೆ ಒಳಗೆ ಹಾಗೂ ಹೊರಗೆ ನಿರ್ಮಿಸಲಾದ ಹೂಗಳ ಕಲಾಕೃತಿಗಳನ್ನು ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಮೊದಲ ದಿನವಾದ ಶನಿವಾರ 28 ಸಾವಿರಕ್ಕೂ ಹೆಚ್ಚು ಮಂದಿ ಆಗಮಿಸಿದ್ದು, 18.5 ಲಕ್ಷ ಸಂಗ್ರಹವಾಗಿತ್ತು.