ʼಡಿಜಿಟಲ್ ವಿಲ್ʼ: ಮರಣದ ನಂತರ ನಿಮ್ಮ ಫೇಸ್ಬುಕ್, ಇನ್ಸ್ಟಾಗ್ರಾಂ ಮತ್ತು ಕ್ರಿಪ್ಟೊ ಖಾತೆಗಳು ಏನಾಗಲಿವೆ?

ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು “ಡಿಜಿಟಲ್ ಕಾನೂನು ಉತ್ತರಾಧಿಕಾರಿ” ಸುತ್ತ ಹೊಸ ನಿಯಮಗಳನ್ನು ಅನ್ವೇಷಿಸುತ್ತಿದೆ.

ಮನೆ ಅಥವಾ ಕಾರು ಕೊಂಡುಕೊಂಡರೆ ನಿಮ್ಮ ನಂತರ ಅದು ಯಾರಿಗೆ ಸೇರುತ್ತದೆ ಎಂದು ನೀವು ಸಹಜವಾಗಿಯೇ ಯೋಚಿಸಿಬಿಡುತ್ತೀರಿ. ನಿಮ್ಮ ಇನ್ಸ್ಟಾಗ್ರಾಂ ನೆನಪುಗಳು, ಇಮೇಲ್ ಆರ್ಕೈವ್ಗಳು ಅಥವಾ ಕ್ರಿಪ್ಟೋ ಹೂಡಿಕೆಗಳ ಬಗ್ಗೆ? 2026ರಲ್ಲಿ ನಮ್ಮ ಜೀವನದ ಬಹುಪಾಲು ಭಾಗ ಆನ್ಲೈನ್ನಲ್ಲೇ ಇದೆ. ಆದರೆ ಈ ಡಿಜಿಟಲ್ ಆಸ್ತಿಯನ್ನು ಏನು ಮಾಡಬೇಕು ಎನ್ನುವ ಬಗ್ಗೆ ಕೆಲವೇ ಮಂದಿ ಯೋಜಿಸುತ್ತಾರೆ. ಇದೀಗ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು “ಡಿಜಿಟಲ್ ಕಾನೂನು ಉತ್ತರಾಧಿಕಾರಿ” (digital legal heir) ಸುತ್ತ ಹೊಸ ನಿಯಮಗಳನ್ನು ಅನ್ವೇಷಿಸುತ್ತಿದೆ. ಇದು ನಮ್ಮ ಆನ್ಲೈನ್ ಸ್ವತ್ತುಗಳನ್ನು ಭೌತಿಕ ಆಸ್ತಿಯಂತೆಯೇ ಕಾನೂನು ಬದ್ಧವಾಗಿ ವರ್ಗಾಯಿಸಲು ಅನುವು ಮಾಡಿಕೊಡುವ ಚೌಕಟ್ಟಾಗಿರುತ್ತದೆ.

ಡಿಜಿಟಲ್ ವಿಲ್ ಎಂದರೇನು?

ಡಿಜಿಟಲ್ ವಿಲ್ ಎನ್ನುವುದು ನಮ್ಮ ಮರಣದ ನಂತರ ನಮ್ಮ ಆನ್ಲೈನ್ ಖಾತೆಗಳು, ಡೇಟಾ ಮತ್ತು ಡಿಜಿಟಲ್ ಹೂಡಿಕೆಗಳಿಗೆ ಏನಾಗಬೇಕು ಎಂದು ನಿರ್ಧರಿಸುವ ದಾಖಲೆ ಅಥವಾ ವ್ಯವಸ್ಥೆಯಾಗಿದೆ. ಇದು ಸಾಮಾಜಿಕ ಮಾಧ್ಯಮ ಪ್ರೊಫೈಲ್ಗಳು ಮತ್ತು ಇಮೇಲ್ಗಳಿಂದ ಆರಂಭಿಸಿ ಕ್ಲೌಡ್ ಸ್ಟೋರೇಜ್ ಮತ್ತು ಕ್ರಿಪ್ಟೋಕರೆನ್ಸಿ ವ್ಯಾಲೆಟ್ಗಳವರೆಗೆ ಎಲ್ಲವನ್ನೂ ಒಳಗೊಂಡಿದೆ. ಸಾಂಪ್ರದಾಯಿಕ ವಿಲ್ಗಳಿಗಿಂತ ಭಿನ್ನವಾಗಿ ಡಿಜಿಟಲ್ ವಿಲ್ ಗಳಲ್ಲಿ ಪಾಸ್ವರ್ಡ್ ಗಳು, ಪ್ರವೇಶ ಹಕ್ಕುಗಳು ಮತ್ತು ಗೌಪ್ಯತೆ ಮೊದಲಾಗಿ ಬಹಳ ಸಂಕೀರ್ಣವಾಗಿರಬಹುದು.

ಇಂದು ಡಿಜಿಟಲ್ ಆಸ್ತಿ ಎಂದರೇನು?

ಇಂದಿನ ಜಗತ್ತಿನಲ್ಲಿ ನಿಮ್ಮ ಆಸ್ತಿ ಕೇವಲ ಭೌತಿಕವಾಗಿ ಮಾತ್ರ ಇರುವುದಿಲ್ಲ, ವರ್ಚುವಲ್ ಆಗಿಯೂ ಇರುತ್ತದೆ. ಡಿಜಿಟಲ್ ಆಸ್ತಿಗಳೆಂದರೆ,

* ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಂತಹ ಸಾಮಾಜಿಕ ಮಾಧ್ಯಮ ಖಾತೆಗಳು

* ಜಿಮೇಲ್ ಮತ್ತು ಔಟ್ ಲುಕ್ ನಂತಹ ಇಮೇಲ್ಗಳು

* ಗೂಗಲ್ ಡ್ರೈವ್ ಮತ್ತು ಐಕ್ಲೌಡ್ ನಂತಹ ಕ್ಲೌಡ್ ಸ್ಟೋರೇಜ್ ಗಳು

* ಯುಟ್ಯೂಬ್ ಚಾನೆಲ್ಗಳು ಮತ್ತು ವೆಬ್ತಾಣಗಳಂತಹ ಡಿಜಿಟಲ್ ಉದ್ಯಮಗಳು

* ಕ್ರಿಪ್ಟೊಕರೆನ್ಸಿಗಳು ಮತ್ತು ಎನ್ಎಫ್ಟಿಗಳು

ಬಹುತೇಕರಿಗೆ ಈ ಆಸ್ತಿಗಳು ಭಾವನಾತ್ಮಕ ಮೌಲ್ಯ ಮಾತ್ರವಲ್ಲ, ಗಮನಾರ್ಹ ಆರ್ಥಿಕ ಮೌಲ್ಯವೂ ಆಗಿರುತ್ತದೆ.

► ಇದೇಕೆ ಗಂಭೀರ ಸಮಸ್ಯೆ?

ವ್ಯಕ್ತಿಯೊಬ್ಬರು ಅನಿರೀಕ್ಷಿತವಾಗಿ ನಿಧನ ಹೊಂದಿದಲ್ಲಿ ಕುಟುಂಬದವರು ತಮ್ಮ ಪ್ರೀತಿಪಾತ್ರರ ಡಿಜಿಟಲ್ ವೇದಿಕೆಗಳಿಗೆ ಪ್ರವೇಶ ಕಳೆದುಕೊಳ್ಳುತ್ತಾರೆ. ಫೋನ್ಗಳು ಲಾಕ್ ಆಗಿರುತ್ತವೆ, ಒಟಿಪಿ ಪರಿಶೀಲನೆ ಆಗುವುದಿಲ್ಲ ಮತ್ತು ಕಠಿಣವಾದ ಗೌಪ್ಯತಾ ನಿಯಮಗಳು ಪ್ರಮುಖ ಡಾಟಾವನ್ನು ಮರುಪಡೆಯುವುದು ಅಸಾಧ್ಯವನ್ನಾಗಿಸುತ್ತದೆ. ಬಳಕೆದಾರರ ಗೌಪ್ಯತೆಯನ್ನು ಮುಂದಿಟ್ಟು ತಂತ್ರಜ್ಞಾನ ಕಂಪನಿಗಳು ಪ್ರವೇಶವನ್ನು ನಿರಾಕರಿಸುತ್ತವೆ. ಅದೇ ಸಂದರ್ಭದಲ್ಲಿ ಭಾರತೀಯ ಕಾನೂನಿನಲ್ಲಿ ಸ್ಪಷ್ಟವಾಗಿ ವ್ಯಾಖ್ಯಾನಿಸಿದ ಡಿಜಿಟಲ್ ವಾರಸುದಾರಿಕೆ ಇಲ್ಲದೆ ಇರುವುದು ಕಾನೂನು ಅಸ್ಪಷ್ಟತೆಗೆ ಕಾರಣವಾಗಿದೆ.

► ಸರ್ಕಾರದ ಹೊಸ ಯೋಜನೆ: ಡಿಜಿಟಲ್ ಕಾನೂನು ವಾರಸುದಾರ

ಭಾರತ ಸರ್ಕಾರವು ಇದೀಗ ಡಿಜಿಟಲ್ ಕಾನೂನು ವಾರಸುದಾರ ಕಲ್ಪನೆಯನ್ನು ಪರಿಚಯಿಸಲು ಮಾರ್ಗದರ್ಶಿ ಸೂತ್ರಗಳನ್ನು ಸಿದ್ಧಪಡಿಸುತ್ತಿದೆ. ಪ್ರಸ್ತಾಪಿತ ವ್ಯವಸ್ಥೆಯಲ್ಲಿ:

* ಬಳಕೆದಾರರು ತಮ್ಮ ಖಾತೆಗಳಿಗೆ ಡಿಜಿಟಲ್ ವಾರಸುದಾರರನ್ನು ನಾಮನಿರ್ದೇಶನಗೊಳಿಸಬಹುದು.

* ವೇದಿಕೆಗಳು ಪರಿಶೀಲನೆ ನಂತರ ಪ್ರವೇಶ ನೀಡಬೇಕಾಗುತ್ತದೆ.

* ಆಧಾರ್ ಮತ್ತು ಡಿಜಿಲಾಕರ್ನಂತಹ ವ್ಯವಸ್ಥೆಯನ್ನು ಸಂಯೋಜಿಸುವುದನ್ನು ಯೋಜಿಸಲಾಗಿದೆ

* ಸುರಕ್ಷಿತ ಡಿಜಿಟಲ್ ವಾಲ್ಟ್ ಗಳು ಪ್ರವೇಶದ ಸೂಚನೆಗಳನ್ನು ಸಂಗ್ರಹಿಸಿಡಬಹುದು.

ಉದ್ದೇಶ ಸರಳ: ಕಾನೂನು ಸಂಕಷ್ಟ ಕಡಿಮೆಗೊಳಿಸುವುದು ಮತ್ತು ಗೌಪ್ಯತೆಯನ್ನು ರಕ್ಷಿಸಿ ಕುಟುಂಬಗಳಿಗೆ ಹಕ್ಕಿನ ಪ್ರವೇಶವನ್ನು ನೀಡುವುದು.

ಕ್ರಿಪ್ಟೋ ಮತ್ತು ಬ್ಲಾಕ್ ಚೈನ್: ಅತಿದೊಡ್ಡ ಅಪಾಯ

ಸಾಮಾಜಿಕ ಮಾಧ್ಯಮವನ್ನು ಇನ್ನೂ ನಿರ್ವಹಿಸಬಹುದಾದರೂ, ಕ್ರಿಪ್ಟೋಕರೆನ್ಸಿಗಳೇ ಅತಿದೊಡ್ಡ ಸವಾಲು. ನೀವು ಬಿಟ್ಕಾಯ್ನ್ ಅಥವಾ ಈಥರಿಯಮ್ನಲ್ಲಿದ್ದು, ಪ್ರೈವೇಟ್ ಕೀಗಳನ್ನು ಕಳೆದುಕೊಂಡರೆ ನಿಮ್ಮ ಹಣಕಾಸು ಶಾಶ್ವತವಾಗಿ ನಷ್ಟವಾಗಿಬಿಡುತ್ತದೆ. ಯಾವುದೇ ಸರ್ಕಾರ ಅಥವಾ ಕಂಪನಿ ಅವುಗಳನ್ನು ಮರಳಿ ತರಲು ಸಾಧ್ಯವಾಗುವುದಿಲ್ಲ.

ತಜ್ಞರ ಸಲಹೆ ಏನೆಂದರೆ,

* ರಿಕವರಿ ಫ್ರೇಸ್ಗಳನ್ನು ಸ್ಪಷ್ಟವಾಗಿ ದಾಖಲಿಸಿಡುವುದು

* ವಿಶ್ವಾಸಾರ್ಹ ವ್ಯಕ್ತಿಗೆ ಮಾಹಿತಿ ನೀಡುವುದು

* ಕ್ರಿಪ್ಟೋ ವಿವರಗಳನ್ನೂ ನಿಮ್ಮ ವಿಲ್ನಲ್ಲಿ ಸೇರಿಸುವುದು

* ಇದರ ಹೊರತಾಗಿ ಡಿಜಿಟಲ್ ಆಸ್ತಿ ಶಾಶ್ವತವಾಗಿ ನಾಶವಾಗಿಬಿಡಬಹುದು

► ಸತ್ತ ನಂತರ ಸಾಮಾಜಿಕ ಮಾಧ್ಯಮ: ಸ್ಮರಣೆ ಅಥವಾ ಹೊರೆ

ಬಳಕೆದಾರ ನಿಧನರಾದ ನಂತರ ಅವರ ಸಾಮಾಜಿಕ ಮಾಧ್ಯಮ ಖಾತೆಗಳು ಡಿಜಿಟಲ್ ಸ್ಮರಣೆಗಳಾಗಿ ಸಕ್ರಿಯವಾಗಿರುತ್ತವೆ. ಫೇಸ್ಬುಕ್ನಂತಹ ವೇದಿಕೆಗಳು “ಮೆಮೊರಿಯಲ್ ಅಕೌಂಟ್ಸ್” ಅವಕಾಶ ಕೊಡುತ್ತವೆ. ಆದರೆ ಆ ಬಗ್ಗೆ ಹೆಚ್ಚು ಜಾಗೃತಿ ಇಲ್ಲ. ನಿಭಾಯಿಸದೆ ಇರುವ ಖಾತೆಗಳನ್ನು ಹ್ಯಾಕ್ ಮಾಡುವುದು ಅಥವಾ ದುರ್ಬಳಕೆ ಮಾಡಬಹುದು. ಅದರಿಂದ ಕುಟುಂಬಕ್ಕೆ ತೊಂದರೆಯಾಗಬಹುದು. ಒಂದು ಡಿಜಿಟಲ್ ವಿಲ್ ನೀವು ಖಾತೆಯನ್ನು ರದ್ದು ಮಾಡಲು ಬಯಸಿದ್ದೀರಿ ಅಥವಾ ದಾಖಲಿಸಿಕೊಳ್ಳಲು ಬಯಸುವಿರಾ ಅಥವಾ ಮೆಮೊರಿಯಲ್ ಆಗಿ ಬದಲಿಸುವಿರಾ ಎನ್ನುವುದನ್ನು ನಿರ್ದಿಷ್ಟಪಡಿಸುತ್ತದೆ.

► ಗೌಪ್ಯತೆ ವರ್ಸಸ್ ವಾರಸುದಾರಿಕೆ: ಕಾನೂನು ಸಮತೋಲನದ ಕಾಯ್ದೆ

ವಾರಸುದಾರಿಕೆ ಸಂದರ್ಭದಲ್ಲಿ ಗೌಪ್ಯತೆಯನ್ನು ಸಮತೋಲನಗೊಳಿಸುವುದು ಅತಿ ದೊಡ್ಡ ಸಮಸ್ಯೆಯಾಗಿರುತ್ತದೆ. ಮರಣದ ನಂತರವೂ ಬಳಕೆದಾರರ ಖಾಸಗಿ ಹಕ್ಕು ಕಳವಳಕಾರಿಯಾಗಿಯೇ ಉಳಿಯುತ್ತದೆ. ಭಾರತದ ಡಿಜಿಟಲ್ ವೈಯಕ್ತಿಕ ದತ್ತಾಂಶ ಸಂರಕ್ಷಣಾ ಕಾಯ್ದೆಯಂತಹ ಕಾನೂನುಗಳು ದತ್ತಾಂಶ ರಕ್ಷಣೆಗೆ ಒತ್ತು ನೀಡುತ್ತವೆ. ಆದರೆ ವಾರಸುದಾರಿಕೆ ಕಾನೂನುಗಳು ಪ್ರವೇಶ ನೀಡಲು ಕೋರುತ್ತವೆ.

ಭವಿಷ್ಯದ ನಿಯಮಗಳು ಆಯ್ದ ಪ್ರವೇಶವನ್ನು ನೀಡಲು ಪ್ರಯತ್ನಿಸಬಹುದು, ಅಲ್ಲಿ:

* ಹಣಕಾಸು ದತ್ತಾಂಶವನ್ನು ಹಂಚಿಕೊಳ್ಳಬಹುದು

* ವೈಯಕ್ತಿಕ ಚಾಟ್ಗಳು ಖಾಸಗಿಯಾಗಿಯೇ ಉಳಿಯಬಹುದು

ಈ ರೀತಿಯ ಸಮತೋಲನವು ಭಾರತದಲ್ಲಿ ಡಿಜಿಟಲ್ ವಾರಸುದಾರಿಕೆಯನ್ನು ವ್ಯಾಖ್ಯಾನಿಸಬಹುದು.

► ಇಂದು ನೀವೇನು ಮಾಡಬಹುದು?

ಕಾನೂನಿಗೆ ಕಾಯುವ ಅಗತ್ಯವಿಲ್ಲ. ಅನೇಕ ವೇದಿಕೆಗಳು ಸಾಧನಗಳನ್ನು ಒದಗಿಸುತ್ತಿವೆ.

* ಗೂಗಲ್ ನ ನಿಷ್ಕ್ರಿಯ ಖಾತೆ ನಿರ್ವಹಣೆಯು ಯಾರು ನಿಮ್ಮ ಖಾತೆಗೆ ಪ್ರವೇಶ ಪಡೆಯಬಹುದು ಎನ್ನುವುದಕ್ಕೆ ಅವಕಾಶ ಕೊಡುತ್ತದೆ.

* ಫೇಸ್ಬುಕ್ ನಿಮಗೆ ಲೆಗಸಿ ಕಾಂಟಾಕ್ಟ್ ನಿಯೋಜಿಸಲು ಅನುಮತಿಸುತ್ತದೆ.

* ಆ್ಯಪಲ್ ಡಿಜಿಟಲ್ ಲೆಗಸಿ ಫೀಚರ್ ಒದಗಿಸುತ್ತದೆ.

* ಲಾಸ್ಟ್ ಪಾಸ್ ನಂತಹ ಪಾಸ್ವರ್ಡ್ ಮ್ಯಾನೇಜರ್ಗಳು ತುರ್ತು ಪ್ರವೇಶ ಒದಗಿಸುತ್ತವೆ,

ಇಂದಿನ ಸರಳ ಹೆಜ್ಜೆಗಳು ಭವಿಷ್ಯದ ಪ್ರಮುಖ ಸಮಸ್ಯೆಗಳನ್ನು ತಡೆಯಬಹುದು.

► ರಹಸ್ಯ ಅಪಾಯಗಳು: ಗೋಸ್ಟ್ ಖಾತೆಗಳು ಮತ್ತು ಗುರುತು ಕಳವು

* ನಿಷ್ಕ್ರಿಯ ಖಾತೆಗಳು ಸೈಬರ್ಕ್ರಿಮಿನಲ್ಗಳಿಗೆ ಚಿನ್ನದ ಗಣಿಯಾಗಿರುತ್ತವೆ. ಅವುಗಳನ್ನು ಹ್ಯಾಕ್ ಮಾಡಿ ಬಳಸಬಹುದು:

* ಸುಳ್ಳುಮಾಹಿತಿ ಹರಡುವುದು

* ಹಣಕಾಸು ಹಗರಣಗಳು, ಸುಳ್ಳು ನಟನೆ (Impersonation) ಮಾಡಬಹುದು

ನಿಮ್ಮ ಡಿಜಿಟಲ್ ಲೆಗಸಿಯನ್ನು ನಿರ್ವಹಿಸುವುದು ನಿಮ್ಮ ನೆನಪುಗಳನ್ನು ಉಳಿಸುವುದು ಮಾತ್ರವಲ್ಲ, ನಿಮ್ಮ ಗುರುತನ್ನು ರಕ್ಷಿಸಿಕೊಳ್ಳುವುದೂ ಆಗಿರುತ್ತದೆ.

► ನಿಮ್ಮ ಡಿಜಿಟಲ್ ಖರೀದಿಗಳು ನಿಜವಾಗಿಯೂ ನಿಮ್ಮವೆ?

ಅನೇಕ ಡಿಜಿಟಲ್ ಖರೀದಿಗಳು ನಿಮ್ಮ “ಮಾಲೀಕತ್ವ”ದಲ್ಲಿ ಇರುವುದಿಲ್ಲ. ಇ-ಬುಕ್ಗಳು, ಸಂಗೀತ, ಮತ್ತು ಇನ್-ಗೇಮ್ ಆಸ್ತಿಗಳಿಗೆ ಪರವಾನಗಿ ಇರುತ್ತವೆಯೇ ವಿನಾ ಮಾಲೀಕತ್ವ ಇರುವುದಿಲ್ಲ. ಹೀಗಾಗಿ ಅವು ಕಾನೂನಾತ್ಮಕವಾಗಿ ನಿಮ್ಮ ವಾರಸುದಾರರಿಗೆ ವರ್ಗಾವಣೆ ಆಗದೆ ಇರಬಹುದು. ಇಂತಹ ವಿಷಯಗಳು ಇದೀಗ ಡಿಜಿಟಲ್ ವಾರಸುದಾರಿಕೆ ಕಾನೂನುಗಳ ವ್ಯಾಪ್ತಿಯಲ್ಲಿ ಬರಲಿವೆ.

► ಜಾಗತಿಕ ಸವಾಲು: ಭಾರತದ ಹೊರಗೆ ಸಂಗ್ರಹಿಸಿದ ಡಾಟಾ

ಬಹುತೇಕ ಡಿಜಿಟಲ್ ಡೇಟಾ ಭಾರತದಿಂದ ಹೊರಗೆ ಸಂಗ್ರಹಿಸಲಾಗುತ್ತದೆ. ಪ್ರಮುಖ ಪ್ರಶ್ನೆಯೊಂದು ಏಳುತ್ತದೆ. ದೈತ್ಯ ತಂತ್ರಜ್ಞಾನ ಕಂಪನಿಗಳು ಭಾರತೀಯ ವಾರಸುದಾರಿಕೆ ಕಾನೂನನ್ನು ಅನುಸರಿಸಲಿವೆಯೆ? ಭಾರತದಲ್ಲಿ ಕಾರ್ಯನಿರ್ವಹಿಸುವ ಕಂಪನಿಗಳ ಸರ್ವರ್ಗಳು ವಿದೇಶದಲ್ಲಿದ್ದರೂ ಸಹ ಸ್ಥಳೀಯ ನಿಯಮಗಳನ್ನು ಅನುಸರಿಸುತ್ತವೆ ಎಂದು ಖಚಿತಪಡಿಸಿಕೊಳ್ಳಲು ಸರ್ಕಾರ ಕೆಲಸ ಮಾಡುತ್ತಿದೆ. ಭವಿಷ್ಯದಲ್ಲಿ ಡಿಜಿಟಲ್ ವಾರಸುದಾರಿಕೆ ಇನ್ನಷ್ಟು ಸಂಕೀರ್ಣವಾಗಲಿದೆ.

* AI ಅವತಾರ್ಗಳು, ಧ್ವನಿ ಕ್ಲೋನ್ಗಳು ಮತ್ತು ವರ್ಚುವಲ್ ಗುರುತುಗಳ ನಡುವೆ ಭವಿಷ್ಯದ ಕಾನೂನನ್ನು ರೂಪಿಸಬೇಕಿದೆ.

* ನಿಮ್ಮ AI-ರಚಿತ ವ್ಯಕ್ತಿತ್ವದ ಮಾಲೀಕ ಯಾರು? ಮರಣದ ನಂತರವೂ ಡಿಜಿಟಲ್ ಗುರುತು ಮುಂದುವರಿಯಲಿದೆಯೆ? 20230ರೊಳಗೆ “AI ವಾರಸುದಾರಿಕೆ” ನಿಜವಾದ ಕಾನೂನು ಕಲ್ಪನೆ ಆಗಿರಬಹುದು. ಡಿಜಿಟಲ್ ವಿಲ್ಗಳು ಭವಿಷ್ಯದಲ್ಲಿ ಆಯ್ಕೆಯ ವಿಷಯವಾಗದು; ಅವು ಅಗತ್ಯವೆನಿಸಬಹುದು.

* ಸ್ಮರಣೆಗಳಿಂದ ತೊಡಗಿ ಹಣಕಾಸು ಆಸ್ತಿಗಳವರೆಗೆ ನಿಮ್ಮ ಡಿಜಿಟಲ್ ಕುರುಹುಗಳು ನಿಮ್ಮ ಲೆಗಸಿಯ ಭಾಗವಾಗಿರಲಿದೆ. ಇಂದೇ ಅವುಗಳನ್ನು ಯೋಜಿಸುವುದರಿಂದ ನಿಮ್ಮ ಪ್ರೀತಿಪಾತ್ರರಿಗೆ ಗೊಂದಲ, ಕಾನೂನು ಹೋರಾಟ ಅಥವಾ ನಷ್ಟ ಬರಲಾರದು.

* ಆನ್ಲೈನ್ನಲ್ಲಿ ಜೀವನವು ಹೆಚ್ಚಾಗುತ್ತಿರುವ ಜಗತ್ತಿನಲ್ಲಿ ಜವಾಬ್ದಾರಿಯುತವಾಗಿರುವುದರಿಂದ ನಿಮ್ಮ ಭೌತಿಕ ಸ್ವತ್ತುಗಳನ್ನು ಮಾತ್ರವಲ್ಲದೆ, ಡಿಜಿಟಲ್ ಸ್ವತ್ತುಗಳನ್ನೂ ಸಹ ಸುರಕ್ಷಿತವಾಗಿಡಬಹುದು.