ಇಂಡೊನೇಷ್ಯಾದಲ್ಲಿ ಜ್ವಾಲಾಮುಖಿ ಸ್ಫೋಟ ; ಚಿಮ್ಮುತ್ತಿರುವ ಲಾವಾರಸದ ಬೂದಿ

ಜಕಾರ್ತ: ಇಂಡೊನೇಷ್ಯಾದ ಐಬು ಜ್ವಾಲಾಮುಖಿ ಸೋಮವಾರ ಬೆಳಿಗ್ಗೆ ಸ್ಫೋಟಗೊಂಡಿದ್ದು, ಆಗಸದಲ್ಲಿ ಹಲವಾರು ಕಿಲೋಮೀಟರ್‌ ದೂರದ ತನಕ ಲಾವಾರಸದಿಂದ ಉತ್ಪತ್ತಿಯಾದ ಬೂದಿ ಚಿಮ್ಮುತ್ತಿದೆ ಎಂದು ವರದಿಯಾಗಿದೆ.

ಹಲ್ಮಹೇರ ಎಂಬ ದ್ವೀಪದಲ್ಲಿರುವ ಈ ಜ್ವಾಲಾಮುಖಿ ಬೆಳಿಗ್ಗೆ 9.12ಕ್ಕೆ ಸ್ಫೋಟಗೊಂಡಿದ್ದು ಸುಮಾರು ಐದು ನಿಮಿಷಗಳ ಕಾಲ ಆಗಸದಲ್ಲಿ 5 ಕಿಮೀಗೂ ಹೆಚ್ಚು ದೂರದ ತನಕ ಲಾವಾರಸದ ಬೂದಿ ಚಿಮ್ಮಿದೆ ಎನ್ನಲಾಗಿದೆ.

ಕಳೆದ ಶುಕ್ರವಾರ ಕೂಡ ಈ ಜ್ವಾಲಾಮುಖಿ ಸಣ್ಣ ಮಟ್ಟದಲ್ಲಿ ಸ್ಫೋಟಿಸಿತ್ತು. ಈ ಜ್ವಾಲಾಮುಖಿಯಿರುವ ಐದು ಕಿಮೀ ವ್ಯಾಪ್ತಿ ಪ್ರದೇಶದಲ್ಲಿ ಎಲ್ಲಾ ಚಟುವಟಿಕೆ ನಿಷೇಧಿಸಲಾಗಿದೆ. ಜ್ವಾಲಾಮುಖಿ ಸ್ಫೋಟಗೊಳ್ಳುವಾಗ ದೊಡ್ಡ ಸದ್ದು ಕೂಡ ಕೇಳಿಸಿದೆ ಎಂದು ತಿಳಿದು ಬಂದಿದೆ.