ಮುಂಬೈ-ಮಂಗಳೂರು ಜಂಕ್ಷನ್ ರೈಲಿಗೆ ಹೆಚ್ಚುವರಿ ಕೋಚ್ ಸೇರ್ಪಡೆ

ಉಡುಪಿ, ಸೆ.21: ಗಣೇಶ ಹಬ್ಬದ ಪ್ರಯುಕ್ತ ಪ್ರಯಾಣಿಕರ ಬೇಡಿಕೆಯಂತೆ ಮುಂಬೈ ಲೋಕಮಾನ್ಯ ತಿಲಕ್ ಹಾಗೂ ಮಂಗಳೂರು ಜಂಕ್ಷನ್ ನಡುವೆ ಸಂಚರಿಸುವ ವಿಶೇಷ ರೈಲಿಗೆ ಒಂದು ಹೆಚ್ಚುವರಿ ಸ್ಲೀಪರ್ ಜನರಲ್ ಕೋಚ್‌ನ್ನು ಅಳವಡಿಸಲಾಗುವುದು ಎಂದು ಕೊಂಕಣ ರೈಲ್ವೆ ಪ್ರಕಟಣೆ.

ರೈಲು ನಂ.01165 ಲೋಕಮಾನ್ಯ ತಿಲಕ್-ಮಂಗಳೂರು ರೈಲು ಸೆ.22, 23, 29 ಹಾಗೂ 30ರಂದು ಹಾಗೂ ರೈಲು ನಂ.01166 ಮಂಗಳೂರು ಜಂಕ್ಷನ್- ಲೋಕಮಾನ್ಯ ತಿಲಕ್ ನಡುವೆ ಸೆ.23, 24, 30 ಹಾಗೂ ಅ.1ರಂದು ಸಂಚರಿಸುವ ವಿಶೇಷ ರೈಲು ಒಂದು ಹೆಚ್ಚುವರಿ ಸ್ಲೀಪರ್ ಕೋಚ್‌ನೊಂದಿಗೆ (ಒಟ್ಟು 24) ಸಂಚರಿಸಲಿದೆ ಎಂದು ಪ್ರಕಟಣೆ ತಿಳಿಸಿದೆ.