ಮಹಿಳೆ ಸಂಶಯಾಸ್ಪದ ಸಾವು: ಪ್ರಕರಣ ದಾಖಲು

ಹೆಬ್ರಿ, ಫೆ.5: ಮಹಿಳೆಯೊಬ್ಬರು ಅಡುಗೆ ಕೋಣೆಯಲ್ಲಿ ಸಂಶಯಾಸ್ಪದವಾಗಿ ಮೃತಪಟ್ಟ ಘಟನೆ ಶಿವಪುರ ಪಾಂಡುಕಲ್ಲು ರಸ್ತೆ ಎಂಬಲ್ಲಿ ಫೆ.5ರಂದು ಬೆಳಗ್ಗೆ ನಡೆದಿದೆ.

ಮೃತರನ್ನು ಪಾಂಡುಕಲ್ಲು ರಸ್ತೆ ನಿವಾಸಿ ಸರಸ್ವತಿ(65) ಎಂದು ಗುರುತಿಸಲಾಗಿದೆ. ಅವಿವಾಹಿತರಾಗಿದ್ದ ಇವರು, ಚಿಕ್ಕವರಿ ದ್ದಾಗಲೇ ಮನೆಯಲ್ಲಿ ಗಲಾಟೆ ಮಾಡಿಕೊಂಡು ಮನೆಯನ್ನು ಬಿಟ್ಟು ಬಂದು ಪಾಂಡುಕಲ್ಲು ರಸ್ತೆ ಎಂಬಲ್ಲಿ ಒಬ್ಬರೇ ವಾಸ ಮಾಡಿ ಕೊಂಡಿದ್ದರು. ಇವರು ಮನೆಯ ಅಡುಗೆ ಕೋಣೆಯ ಮಂಚದ ಮೇಲೆ ಮಲಗಿ ಮೃತಪಟ್ಟಿರುವುದು ಕಂಡುಬಂದಿದೆ.

ಮೃತರ ಹೆಬ್ಬೆರಳಿನಲ್ಲಿ ಮತ್ತು ಎಡಮೊಣಕೈಯಲ್ಲಿ ತರಚಿದ ಗಾಯಗಳು ಇದ್ದು, ಇವರ ಮರಣದಲ್ಲಿ ಸಂಶಯ ಇರುವುದಾಗಿ ಮೃತರ ಸಹೋದರ ವೆಂಕಟಾಚಲ ನೀಡಿದ ದೂರಿನಂತೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.