ಪ್ರತ್ಯೇಕ ಪ್ರಕರಣ: ಎರಡು ದ್ವಿಚಕ್ರ ವಾಹನ ಕಳವು

ಶಿರ್ವ, ಫೆ.10: ಬಂಟಕಲ್ಲು ಎಂಬಲ್ಲಿರುವ ಆಶಾ ಕಾಂಪ್ಲೆಕ್ಸ್ ಎದುರು ಅಲೆವೂರು ಗ್ರಾಮದ ವಿಜಯ ಎಂಬವರು ಫೆ.8ರಂದು ರಾತ್ರಿ ವೇಳೆ ನಿಲ್ಲಿಸಿದ್ದ 90ಸಾವಿರ ರೂ. ಮೌಲ್ಯದ ಕೆಎ20 ಎಚ್‌ಸಿ 1654 ನಂಬರಿನ ಟಿವಿಎಸ್ ಕಂಪೆನಿಯ ಸ್ಕೂಟರ್ ಕಳವಾಗಿರುವ ಬಗ್ಗೆ ಶಿರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರ್ಕಳ: ಕಾರ್ಕಳ ಮಾರಿಗುಡಿ ಬಳಿ ಫೆ.7ರಂದು ಮಧ್ಯಾಹ್ನ ವೇಳೆ ನಿಲ್ಲಿಸಿದ್ದ ಇರ್ವತ್ತೂರು ಗ್ರಾಮದ ಅಕ್ಷಿತ್ ಎಂಬವರ ಕೆಎ 20 ಇಎಂ 8126 ನಂಬರಿನ 75ಸಾವಿರ ರೂ. ಮೌಲ್ಯದ ಯಮಹಾ ಕಂಪೆನಿಯ ಎಫ್ ಝಡ್ ಬೈಕ್ ಕಳವಾಗಿರುವ ಬಗ್ಗೆ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.