ರಾಜ್ಯಮಟ್ಟದ ದೇಹದಾರ್ಢ್ಯ ಸ್ಪರ್ಧೆ : ಉಡುಪಿಯ ವಿಘ್ನೇಶ್‌ಗೆ ‘ಮಿಸ್ಟರ್ ಉಚ್ಚಿಲ ದಸರಾ-2026’ ಕಿರೀಟ
ಉಚ್ಚಿಲ (ಪಡುಬಿದ್ರಿ) : ಉಚ್ಚಿಲ ಶ್ರೀಮಹಾಲಕ್ಷ್ಮೀ ದೇವಸ್ಥಾನ ದಲ್ಲಿ ನಡೆಯುತ್ತಿರುವ ಉಡುಪಿ ಉಚ್ಚಿಲ ದಸರಾ ಮಹೋತ್ಸವದ ಅಂಗವಾಗಿ ಶನಿವಾರ ಸಂಜೆ ನಡೆದ ರಾಜ್ಯಮಟ್ಟದ ದೇಹದಾರ್ಢ್ಯ ಸ್ಪರ್ಧೆಯಲ್ಲಿ ಉಡುಪಿ ಜಿಲ್ಲೆಯ ವಿಘ್ನೇಶ್ ಅವರು ಚಾಂಪಿಯನ್ ಆಗಿ ಹೊರಹೊಮ್ಮುವ ಮೂಲಕ ‘ಮಿಸ್ಟರ್ ಉಚ್ಚಿಲ ದಸರಾ-2026’ ಕಿರೀಟವನ್ನು ಮುಡಿಗೇರಿಸಿಕೊಂಡರು.
ದೇಹದಾರ್ಢ್ಯ ಸ್ಪರ್ಧೆಯಲ್ಲಿ ಚಾಂಪಿಯನ್ ಆಗಿರುವ ವಿಘ್ನೇಶ್ ಅವರು ಪ್ರಶಸ್ತಿಯೊಂದಿಗೆ 1,11,111 ರೂ. ನಗದು ಬಹುಮಾನ ಪಡೆದುಕೊಂಡರು. ದಕ್ಷಿಣ ಕನ್ನಡ ಜಿಲ್ಲೆಯ ಧನಂಜಯ್ ‘ಮಿಸ್ಟರ್ ಉಚ್ಚಿಲ ರನ್ನರ್‌ಅಪ್’ ಆಗಿ ಆಯ್ಕೆಯಾಗುವ ಮೂಲಕ 33,333 ರೂ. ನಗದು ಬಹುಮಾನ ಪಡೆದರು. ಸ್ಪರ್ಧೆಯ ‘ಉತ್ತಮ ಪೋಸರ್’ ಆಗಿ ಆಯ್ಕೆಯಾದ ಝಾಕಿರ್ ಹುಲ್ಲೂರು 11,111 ರೂ. ನಗದು ಪಡೆದರು.
ಇದೇ ಸಂದರ್ಭದಲ್ಲಿ ಮಂಜುನಾಥ್ ಮೊಗವೀರ ದಾವಣಗೆರೆ ಅವರನ್ನು ಸನ್ಮಾನಿಸಲಾಯಿತು.
ರಾಜ್ಯಮಟ್ಟದ ಸ್ಪರ್ಧೆಯ ವಿವಿಧ ವಿಭಾಗಗಳ ವಿಜೇತರು :
55 ಕೆಜಿ ವಿಭಾಗ: ಪ್ರಥಮ ರಿತಿಕ್ ಕಾಹೆ ಬೆಳಗಾವಿ, ದ್ವಿತೀಯ ಪ್ರತೀಶ್ ದಕ, ತೃತೀಯ ಜೀವಂತ್ ಬೆಂಗಳೂರು.
60 ಕೆಜಿ ವಿಭಾಗ: ಪ್ರಥಮ ಶಶಿಧರ ನಾಯಕ್, ದ್ವಿತೀಯ ಪ್ರಕಾಶ್ ಕಿಟ್ಟಿ ಧಾರವಾಡ, ತೃತೀಯ ವಿಘ್ನೇಶ್ ಹೆಗ್ಡೆ.
65 ಕೆಜಿ ವಿಭಾಗ: ಶ್ರೀನಿವಾಸ್ ಖಾರ್ವಿ ಉಡುಪಿ, ದ್ವಿತೀಯ ರಾಜು ಚೌದರಿ ಧಾರವಾಡ, ತೃತೀಯ ಮುರಳೀಧರ ಪಟೇಲ್ ಶಿವಮೊಗ್ಗ.
70ಕೆಜಿ ವಿಭಾಗ: ಪ್ರಥಮ ವಿಘ್ನೇಶ್ ಉಡುಪಿ, ದ್ವಿತೀಯ ಸುನಿಲ್ ಬಲ್ಕೊಡೆ ಬೆಳಗಾವಿ, ತೃತೀಯ ಪ್ರತಾಪ್ ಕಲ್ಕುಂದ್ರಿಕಾ ಬೆಳಗಾವಿ.
75 ಕೆಜಿ ವಿಭಾಗ: ಪ್ರಥಮ ಧನಂಜಯ್ ದಕ್ಷಿಣ ಕನ್ನಡ ಜಿಲ್ಲೆ, ದ್ವಿತೀಯ ಪ್ರಥಮ್ ಪೂಜಾರಿ ದಕ, ತೃತೀಯ ರಾಹುಲ್ ಕುಲಾಲ್ ಬೆಳಗಾವಿ.
80 ಕೆಜಿ ವಿಭಾಗ: ಪ್ರಥಮ ಭರತ್ ಉಪಾಧ್ಯ ಉತ್ತರ ಕನ್ನಡ, ದ್ವಿತೀಯ ಹೇಮಂತ್ ಕುಮಾರ್ ಎ ಶಿವಮೊಗ್ಗ, ತೃತೀಯ ವಿಷ್ಣುಕಾಂತ್ ದಕ.
85 ಕೆಜಿ ವಿಭಾಗ: ಪ್ರಥಮ ಪವನ್ ಉಡುಪಿ ಜಿಲ್ಲೆ, ದ್ವಿತೀಯ ಪ್ರಥ್ವಿನ್ ಉಡುಪಿ ಜಿಲ್ಲೆ, ತೃತೀಯ ಸವಿಯೊ ವಾಸ್ ದಕ್ಷಿಣ ಕನ್ನಡ.
85ಕೆಜಿ + ವಿಭಾಗ: ಪ್ರಥಮ ಶ್ರೀವರ್ಧನ್ ರೆಡ್ಡಿ ವಿಜಯನಗರ, ದ್ವಿತೀಯ ಚಿರಾಗ್ ಆರ್. ಉಡುಪಿ, ತೃತೀಯ ಹೌಸ್ಟನ್ ಬಿ. ಬ್ರೀಸಿ ಉಡುಪಿ.
ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಗೌರವ ಸಲಹೆಗಾರರಾದ ಜಿ.ಶಂಕರ್ ಸ್ಪರ್ಧೆಗೆ ಚಾಲನೆ ನೀಡಿದರು. ಅಧ್ಯಕ್ಷ ಜಯ ಸಿ. ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ಶರಣ್ ಮಟ್ಟು, ಮೋಹನ್ ಬೇಂಗ್ರೆ, ಆನಂದ ಸಿ.ಕುಂದರ್, ವಿನಯ ಕರ್ಕೇರ, ಕವಿತಾ ಶರತ್, ಸುಗುಣ ಕರ್ಕೇರ, ಸಂಧ್ಯಾದೀಪ ಸುನಿಲ್, ಗಿರಿಧರ ಸುವರ್ಣ, ರತ್ನಾಕರ ಸಾಲ್ಯಾನ್, ಸುಜಿತ್ ಸಾಲ್ಯಾನ್, ವೇದ ಪ್ರಕಾಶ್ ಶ್ರೀಯಾನ್, ರವೀಶ್ ಕೊರವಡಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
