ಬೆಂಗಳೂರಿನ ರಸ್ತೆಗುಂಡಿಗಳಿಗೆ AI ಪರಿಹಾರ; ಅಪ್ಲಿಕೇಶನ್ ಮೂಲಕ ಗುಂಡಿ ಪತ್ತೆ ಮಾಡಿ ದೂರು ಸಲ್ಲಿಸುವ ಸಿಸ್ಟಂ ಸಿದ್ಧಪಡಿಸಿದ ಟೆಕ್ಕಿ
Screengrab : instagram.com \ gkcs__
ಒಬ್ಬ ಇಂಜಿನಿಯರ್ ತಮ್ಮ ಪ್ರಯಾಣದಲ್ಲಿ ಉಬ್ಬು-ತಗ್ಗುಗಳನ್ನು ಎದುರಿಸುವ ಪ್ರಯತ್ನವಾಗಿ ತಯಾರಿಸಿದ ಅಪ್ಲಿಕೇಶನ್ ಇದೀಗ ಪೌರಾಡಳಿತಗಳಿಗೆ ದೂರು ನಿರ್ಲಕ್ಷಿಸಲು ಕಷ್ಟವಾಗಿರುವ AI ಬಳಸಿದ ಪ್ರಯೋಗವಾಗಿ ಮಾರ್ಪಟ್ಟಿದೆ.
ರಸ್ತೆಗುಂಡಿ ಎಂದರೆ ಸಾಮಾನ್ಯವಾಗಿ ಸರಕಾರಕ್ಕೆ ಶಾಪ ಹಾಕುತ್ತಾ ಸಾಗುವುದು ಮತ್ತು ವಾಹನ ಹಾನಿಗೊಳಗಾಗುವ ಕೆಟ್ಟ ಪ್ರಯಾಣ. ಆದರೆ ಬೆಂಗಳೂರು ಮೂಲದ ಈ ಇಂಜಿನಿಯರ್ಗೆ ರಸ್ತೆಗುಂಡಿ ಎಂದರೆ ಡ್ಯಾಶ್ಕ್ಯಾಮ್, AI ಮತ್ತು ಸರ್ಕಾರಿ ಗುತ್ತಿಗೆಗಳ ಡೇಟಾಬೇಸ್ ಜೊತೆಗೆ ಅವರು ಪರಿಹರಿಸಬಹುದಾದ ಸಮಸ್ಯೆಯಾಗಿದೆ!
ChatGPT India ಸಹಯೋಗದೊಂದಿಗೆ ಗೌರವ್ ಸೇನ್ ರಚಿಸಿದ ಅಪ್ಲಿಕೇಶನ್ನಲ್ಲಿ ಪರಿಚಿತ ನಾಗರಿಕ ಸಮಸ್ಯೆಯಾದ ರಸ್ತೆಗುಂಡಿಗಳು ಡೇಟಾವಾಗಿ ಪರಿವರ್ತನೆಯಾಗಿವೆ. ಈ ಕುರಿತ ವೀಡಿಯೊವನ್ನು ಇನ್ಸ್ಟಾಗ್ರಾಮ್ನಲ್ಲಿ ಅವರು ಹಂಚಿಕೊಂಡ ಮೇಲೆ ಬಳಕೆದಾರರು ‘ಎಕ್ಸ್’ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ.
ಗೌರವ್ ಸೇನ್ ವಿನ್ಯಾಸಗೊಳಿಸಿದ ವ್ಯವಸ್ಥೆ ಅವರು ಚಾಲನೆ ಮಾಡುವಾಗ ರಸ್ತೆಗುಂಡಿಗಳ ಮಾಹಿತಿಯನ್ನು ಸಂಗ್ರಹಿಸುತ್ತದೆ. ಅದಕ್ಕಾಗಿ ಡ್ಯಾಶ್ಕ್ಯಾಮ್, GPS ಮತ್ತು ಅವರ ಕಾರಿನಲ್ಲಿ ಅಳವಡಿಸಲಾದ ಅಕ್ಸೆಲೆರೋಮೀಟರ್ ಅನ್ನು ಬಳಸಲಾಗುತ್ತದೆ. ಈ ದೃಶ್ಯಗಳನ್ನು ನಂತರ AI ವಿಶನ್ ಮಾಡೆಲ್ಗಳನ್ನು ಬಳಸಿಕೊಂಡು ಪ್ರಕ್ರಿಯೆಗೊಳಿಸಿ ವಿಭಿನ್ನ ಗಾತ್ರದ ರಸ್ತೆಗುಂಡಿಗಳನ್ನು ಗುರುತಿಸಬಹುದು.
ಪ್ರಸ್ತುತವೆನಿಸುವ ಡೇಟಾವನ್ನು ದಾಖಲಿಸಿಕೊಳ್ಳುವ ಮತ್ತು OpenAIಗೆ ಕಳುಹಿಸುವ ಅಪ್ಲಿಕೇಶನ್ ರಚಿಸಲು ಅವರು Codex ಅನ್ನು ಬಳಸಿಕೊಂಡಿದ್ದಾರೆ. ದೂರದಿಂದ ಗುರುತಿಸಲು ಕಷ್ಟವಾಗುವ ರಸ್ತೆಗುಂಡಿಗಳನ್ನೂ ಸಿಸ್ಟಂ ಗುರುತಿಸುತ್ತದೆ. ಏಕೆಂದರೆ ಅವು ಸ್ಪೀಡ್ ಬ್ರೇಕರ್ಗಳ ರೀತಿಯಲ್ಲಿ ಕಾಣಿಸುತ್ತವೆ. ಆದರೆ ರಸ್ತೆಗುಂಡಿ ಗುರುತಿಸುವುದು ಮೊದಲ ಹಂತ. ಅದನ್ನು ಸರಿಪಡಿಸುವ ಜವಾಬ್ದಾರಿ ಯಾರದು ಎನ್ನುವ ಪ್ರಶ್ನೆಗೆ ಉತ್ತರ ಹೇಳುವ ವ್ಯವಸ್ಥೆಯನ್ನು ಅವರು ಬಯಸಿದ್ದರು.
ಅದನ್ನು ಮಾಡಲು ಅವರು 2,900 ಸರ್ಕಾರಿ ಗುತ್ತಿಗೆಗಳನ್ನು ಪರಿಶೀಲಿಸಲು ಮತ್ತು ನಿರ್ದಿಷ್ಟ ರಸ್ತೆಗೆ ಜವಾಬ್ದಾರರಾಗಿರುವ ಗುತ್ತಿಗೆದಾರರನ್ನು ಗುರುತಿಸಲು ಅಪ್ಲಿಕೇಶನ್ ಅನ್ನು ಮಾರ್ಪಡಿಸಿದರು. ರಸ್ತೆ ಇನ್ನೂ ವಾರಂಟಿಯಲ್ಲಿರುವಾಗ ಇದು ವಿಶೇಷವಾಗಿ ಉಪಯುಕ್ತವಾಗಿದೆ. ಏಕೆಂದರೆ ಗುತ್ತಿಗೆದಾರರು ಸರಕಾರಕ್ಕೆ ಹೆಚ್ಚುವರಿ ವೆಚ್ಚವಿಲ್ಲದೆ ಗುಂಡಿಗಳನ್ನು ಸರಿಪಡಿಸಿಕೊಡಬೇಕಾಗಿ ಬರುತ್ತದೆ.
ಛಾಯಾಚಿತ್ರ, ನಿಖರವಾದ ಸ್ಥಳ, ಟೆಂಡರ್ ಸಂಖ್ಯೆ ಮತ್ತು ರಸ್ತೆಗೆ ಜವಾಬ್ದಾರರಾಗಿರುವ ಅಧಿಕಾರಿ ಸೇರಿದಂತೆ ನಾಲ್ಕು ಸೆಕೆಂಡ್ಗಳ ಒಳಗೆ ಅಪ್ಲಿಕೇಶನ್ ಮೂಲಕ ರಚನಾತ್ಮಕ ದಾಖಲೆಯನ್ನು ಉತ್ಪಾದಿಸಬಹುದಾಗಿದೆ. ಗೌರವ್ ಸೇನ್ ಅವರು ಕೆಲಸಕ್ಕೆ ಹೋಗುವ ಒಂದು ಡ್ರೈವ್ ಸಮಯದಲ್ಲಿ ತಮ್ಮ ಅಪ್ಲಿಕೇಶನ್ ಅನ್ನು ನಿಜವಾದ ಪರೀಕ್ಷೆಗೆ ಒಡ್ಡಿದರು. ಇದು ಮಾರ್ಗದಲ್ಲಿ 12 ರಸ್ತೆಗುಂಡಿಗಳನ್ನು ಪತ್ತೆ ಮಾಡಿದೆ. ಪೌರಾಡಳಿತಕ್ಕೆ ದೂರು ಸಲ್ಲಿಸಬಹುದಾದ ದಾಖಲೀಕೃತ ಸಾಕ್ಷ್ಯವನ್ನು ಅವರು ಪಡೆದರು.
ಈ ಕಲ್ಪನೆ ಬೆಂಗಳೂರು ಮೀರಿ ಆಚೆಗೂ ಹೋಗಿದೆ. ‘ಎಕ್ಸ್’ ಸಾಮಾಜಿಕ ಜಾಲತಾಣದಲ್ಲಿ ವೀಡಿಯೊ ಹಂಚಿಕೊಳ್ಳಲಾದ ಮೇಲೆ ದೇಶಾದ್ಯಂತ ವಾಹನ ಚಾಲಕರ ಮೇಲೆ ಪರಿಣಾಮ ಬೀರುವ ಸಮಸ್ಯೆಯ ಸುತ್ತ ರಚನಾತ್ಮಕ ಅಪ್ಲಿಕೇಶನ್ ನಿರ್ಮಿಸಿದ್ದಕ್ಕಾಗಿ ಬಳಕೆದಾರರು ಗೌರವ್ ಅವರನ್ನು ಪ್ರಶಂಸಿಸುತ್ತಿದ್ದಾರೆ. ಹಾನಿಗೊಳಗಾದ ರಸ್ತೆಗಳನ್ನು ಗುರುತಿಸಲು ಮತ್ತು ದುರಸ್ತಿ ವೇಗಗೊಳಿಸಲು ಪೌರಾಡಳಿತದ ಅಧಿಕಾರಿಗಳು ಇದೇ ರೀತಿಯ ವ್ಯವಸ್ಥೆ ಬಳಸಬಹುದು ಎಂದು ಕೆಲವರು ಸೂಚಿಸಿದ್ದಾರೆ.
ಒಬ್ಬ ಇಂಜಿನಿಯರ್ ತಮ್ಮ ಪ್ರಯಾಣದಲ್ಲಿ ಉಬ್ಬು-ತಗ್ಗುಗಳನ್ನು ಎದುರಿಸುವ ಪ್ರಯತ್ನವಾಗಿ ತಯಾರಿಸಿದ ಅಪ್ಲಿಕೇಶನ್ ಇದೀಗ ಪೌರಾಡಳಿತಗಳಿಗೆ ದೂರು ನಿರ್ಲಕ್ಷಿಸಲು ಕಷ್ಟವಾಗಿರುವ AI ಬಳಸಿದ ಪ್ರಯೋಗವಾಗಿ ಮಾರ್ಪಟ್ಟಿದೆ.
