ಅತ್ಯಂತ ಶಕ್ತಿಶಾಲಿ Qwen3.8-Max ಎನ್ನುವ AI ಮಾಡೆಲ್ ಅನಾವರಣಗೊಳಿಸಿದ Alibaba

ಜಾಗತಿಕವಾಗಿ ಓಪನ್ ವೇಟ್ AI ಮಾದರಿಗಳಲ್ಲಿ ಬೃಹತ್ ಶಕ್ತಿಯಾಗಿರುವ ಚೀನೀ ತಂತ್ರಜ್ಞಾನ ಕಂಪನಿಗಳು ಚಾಲನೆಯಲ್ಲಿ ಅಗ್ಗವಾಗಿರುವಂತೆ ಹೆಚ್ಚು ಶಕ್ತಿಶಾಲಿ ಸಿಸ್ಟಂಗಳನ್ನು ನಿರ್ಮಿಸಲು ಸ್ಪರ್ಧೆಯಲ್ಲಿ ತೊಡಗಿಸಿಕೊಂಡಿವೆ.

ಚೀನಾ ಕಂಪನಿಯಾಗಿರುವ Alibaba ಸೋಮವಾರದಂದು ತನ್ನ ಅತಿದೊಡ್ಡ ಮತ್ತು ಅತ್ಯಂತ ಸಮರ್ಥ ಕೃತಕ-ಬುದ್ಧಿಮತ್ತೆ (AI) ಮಾದರಿಯಾದ Qwen3.8-Max ಅನ್ನು ಅನಾವರಣಗೊಳಿಸಿದೆ. ಇದು ಕಳೆದ ತಿಂಗಳು ಬಿಡುಗಡೆಯಾದ ದೇಶೀಯ ಪ್ರತಿಸ್ಪರ್ಧಿ Moonshot AI ನ ಕೊಡುಗೆಗೆ ಹೋಲಿಸಿದಲ್ಲಿ ಗಾತ್ರದಲ್ಲಿ ಹೆಚ್ಚು ಹಿಂದುಳಿದಿಲ್ಲ. ಜಾಗತಿಕವಾಗಿ ಓಪನ್ ವೇಟ್ AI ಮಾದರಿಗಳಲ್ಲಿ ಬೃಹತ್ ಶಕ್ತಿಯಾಗಿರುವ ಚೀನೀ ತಂತ್ರಜ್ಞಾನ ಕಂಪನಿಗಳು ಚಾಲನೆಯಲ್ಲಿ ಅಗ್ಗವಾಗಿರುವಂತೆ ಹೆಚ್ಚು ಶಕ್ತಿಶಾಲಿ ಸಿಸ್ಟಂಗಳನ್ನು ನಿರ್ಮಿಸಲು ತೀವ್ರ ಮತ್ತು ವೇಗವಾದ ಸ್ಪರ್ಧೆಯಲ್ಲಿ ತೊಡಗಿಸಿಕೊಂಡಿವೆ.

Qwen3.8-Max ಬಹುತೇಕ 2.4 ಟ್ರಿಲಿಯನ್ ಪ್ಯಾರಾಮೀಟರ್ ಗಳನ್ನು ಹೊಂದಿದೆ. AI ಮಾಡೆಲ್‌ಗಳಲ್ಲಿ ‘ಪ್ಯಾರಾಮೀಟರ್‌ಗಳು’ ಎಂದರೆ ಮಾಡೆಲ್ ತನ್ನ ಇನ್‌ಪುಟ್‌ಗಳನ್ನು ಔಟ್‌ಪುಟ್‌ಗಳಿಗೆ ನಕ್ಷೆ ಮಾಡಲು ತರಬೇತಿಯ ಸಮಯದಲ್ಲಿ ಕಲಿಯುವ ಆಂತರಿಕ ಮೌಲ್ಯಗಳು. ಮಾಡೆಲ್ ಡೇಟಾವನ್ನು ಹೇಗೆ ಪ್ರಕ್ರಿಯೆಗೊಳಿಸುತ್ತದೆ ಮತ್ತು ಅದರ ನಿಖರತೆ, ನಡವಳಿಕೆ ಮತ್ತು ಕಾರ್ಯಕ್ಷಮತೆಯ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಎನ್ನುವುದನ್ನು ಅವು ನಿರ್ಧರಿಸುತ್ತವೆ.

ಚೀನಾದ AI ಕಂಪೆನಿಯಾದ Moonshot AI ತನ್ನ Kimi K3 ಮಾಡೆಲ್ 2.8 ಟ್ರಿಲಿಯನ್ ಪ್ಯಾರಾಮೀಟರ್‌ಗಳನ್ನು ತಲುಪಿದ ಮೊದಲ ಓಪನ್ ಸೋರ್ಸ್ ಮಾಡೆಲ್ ಎಂದು ಹೇಳಿದೆ. Kimi K3 ಮಾಡೆಲ್ 1 ಮಿಲಿಯನ್ ಟೋಕನ್ ಕಂಟೆಕ್ಸ್ಟ್ ವಿಂಡೋವನ್ನು ಸಹ ಹೊಂದಿದ್ದು, Kimi K2 ಮಾಡೆಲ್‌ಗೆ ಹೋಲಿಸಿದರೆ Kimi K3 ಮಾಡೆಲ್ ಒಟ್ಟು ಸ್ಕೇಲಿಂಗ್ ದಕ್ಷತೆಯಲ್ಲಿ 2.5× ಸುಧಾರಣೆ ನೀಡಿದೆ ಎಂದು ಕಂಪೆನಿ ಹೇಳಿದೆ.

ಹಾಗೆಂದು ಪ್ಯಾರಾಮೀಟರ್ನಲ್ಲಿ ದೊಡ್ಡ ಸಂಖ್ಯೆ ಎಂದಾ ಕ್ಷಣ ಸ್ವಯಂಚಾಲಿತವಾಗಿ ಉತ್ತಮ ಮಾಡೆಲ್ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಮುಂದುವರಿದ AI ವ್ಯವಸ್ಥೆಗಳ ಹಿಂದಿನ ಕಂಪ್ಯೂಟಿಂಗ್ ಮತ್ತು ಡೇಟಾದ ಪ್ರಮಾಣದ ನಿಕಟವಾಗಿ ವೀಕ್ಷಿಸಲ್ಪಟ್ಟ ಅಳತೆಯಾಗಿದೆ.

ಚೀನೀ ತಂತ್ರಜ್ಞಾನ ಕಂಪನಿಗಳು ತಮ್ಮ ಮಾಡೆಲ್ಗಳು ಡೆವಲಪರ್ ಸಮುದಾಯದಲ್ಲಿ ಆಕರ್ಷಣೆ ಪಡೆಯಲು ಸಹಾಯ ಮಾಡಲು ಪ್ಯಾರಾಮೀಟರ್ ಎಣಿಕೆಯನ್ನು ಪ್ರಕಟಿಸಲು ಉತ್ಸುಕವಾಗಿವೆ. ಅವರ ಮಾಡೆಲ್ಗಳು ಓಪನ್ ವೇಟ್ ಆಗಿರುತ್ತವೆ, ಅಂದರೆ ಡೆವಲಪರ್ಗಳು ಸಿಸ್ಟಂ ಅನ್ನು ಚಲಾಯಿಸಲು ಅಥವಾ ಹೊಂದಿಕೊಳ್ಳಲು ಅನುಮತಿಸುವ ಮೂಲಭೂತ ಲರ್ನ್ಡ್ ಸೆಟ್ಟಿಂಗ್ಗಳಿದ್ದು, ಡೌನ್ಲೋಡ್ಗೆ ಲಭ್ಯವಿರುತ್ತವೆ. ಇದಕ್ಕೆ ವಿರುದ್ಧವಾಗಿ ಅಮೆರಿಕದ ಕಂಪನಿಗಳಾದ OpenAI, Anthropic ಮತ್ತು Google ತಮ್ಮ ಕ್ಲೋಸ್ಡ್ ಸೋರ್ಸ್ ಮಾಡೆಲ್ಗಳ ಪ್ಯಾರಾಮೀಟರ್ ಎಣಿಕೆಗಳನ್ನು ಪ್ರಕಟಿಸುತ್ತಿಲ್ಲ.

Qwen3.8-Max ಅನ್ನು ಕ್ರೌಡ್ ಸೋರ್ಸ್ಡ್ ಆಗಿರುವ ಮಾಡೆಲ್ ಹೋಲಿಕೆ ಪ್ಲಾಟ್ಫಾರ್ಮ್ Arena.AI ನಲ್ಲಿ ಅನಾವರಣಗೊಳಿಸಲಾಗಿದೆ. ಅಲ್ಲಿ ಅದು ಟೆಕ್ಸ್ಟ್ ಮಾಡೆಲ್ಗಳ ವಿಷಯದಲ್ಲಿ ಅತ್ಯುನ್ನತ ಶ್ರೇಣಿಯ ಚೀನೀ ಮಾಡೆಲ್ ಎಂಬ ಹೆಗ್ಗಳಿಕೆ ಗಳಿಸಿದೆ. ಹಾಗಿದ್ದರೂ ಅದು Claude Fable 5 ಮತ್ತು Anthropic ನಿಂದ ಬಂದಿರುವ ಮೂರು ಓಪಸ್ ವೇರಿಯಂಟ್ಗಳಿಗಿಂತ ಹಿಂದುಳಿದಿದೆ.

ಆದರೆ Arena.AI ನ AI ಮಾಡೆಲ್ ಗಳ ಲೀಡರ್ ಬೋರ್ಡ್ ನಲ್ಲಿ (ಅತ್ಯುತ್ತಮ ಎನ್ನುವ ಶ್ರೇಯಾಂಕ) Qwen3.8-Max ಜಾಗತಿಕವಾಗಿ ಎರಡನೇ ಸ್ಥಾನದಲ್ಲಿದೆ. ಮೊದಲ ಸ್ಥಾನದಲ್ಲಿ Claude Fable 5 ವೇರಿಯಂಟ್ ಇದೆ. ಎರಡೂ Qwen3.8-Max ಮತ್ತು Kimi K3 ಎರಡೂ ಪಠ್ಯ, ಚಿತ್ರಗಳು ಮತ್ತು ವೀಡಿಯೋಗಳನ್ನು ನಿರ್ವಹಿಸಬಹುದು ಮತ್ತು ಏಕಕಾಲದಲ್ಲಿ 1 ದಶಲಕ್ಷ ಟೋಕನ್ಗಳನ್ನು ಪ್ರಕ್ರಿಯೆಗೊಳಿಸಬಹುದು.

ಟೋಕನುಗಳು ಎಂದರೆ ಡೇಟಾದ ಭಾಗಗಳಾಗಿವೆ. ಸಾಮಾನ್ಯವಾಗಿ ಪದಗಳ ಭಾಗಗಳು ಅಥವಾ ಸಣ್ಣ ಪದಗಳು. ದೊಡ್ಡ ಅಂಕಿ ಎಂದರೆ ಮಾಡೆಲ್ ಒಂದೇ ಸಮಯದಲ್ಲಿ ದೊಡ್ಡ ಪ್ರಮಾಣದ ವಸ್ತುಗಳನ್ನು ತೆಗೆದುಕೊಳ್ಳಬಹುದು ಎಂದರ್ಥ, ಅಂದರೆ ಉದಾಹರಣೆಗೆ ದೀರ್ಘವಾದ ಕಾನೂನು ಕಡತಗಳು, ದೊಡ್ಡ ಸಾಫ್ಟ್ವೇರ್ ಕೋಡ್ ಬೇಸ್ ಅಥವಾ ನೂರಾರು ಪುಟಗಳ ದಾಖಲೆಗಳು.

ಅಲಿಬಾಬಾ ಪ್ರಕಾರ ತನ್ನ ಮಾಡೆಲ್ “mixture-of-experts” ವಿನ್ಯಾಸವನ್ನು ಬಳಸುತ್ತದೆ. ಅಂದರೆ ಪ್ರತಿ ವಿನಂತಿಗೆ ಸಂಪೂರ್ಣ ಮಾದರಿಯನ್ನು ಆನ್ ಮಾಡುವ ಬದಲಾಗಿ ಸಿಸ್ಟಂನ ವಿಶೇಷ ಭಾಗಗಳ ನಡುವೆ ಕೆಲಸವನ್ನು ವಿಭಜಿಸುತ್ತದೆ. ಒಂದು ಸಮಯದಲ್ಲಿ 95 ಶತಕೋಟಿ ಪ್ಯಾರಾಮೀಟರ್ ಗಳನ್ನು ಮಾತ್ರ ಬಳಸಲಾಗುತ್ತದೆ. ಹೀಗಾದಾಗ ವೆಚ್ಚ ಮತ್ತು ಪ್ರತಿಕ್ರಿಯೆ ವಿಳಂಬ ಕಡಿಮೆಯಾಗುತ್ತದೆ.

ಅಲಿಬಾಬದ ಮಾಡೆಲ್ ಸಾಫ್ಟ್ವೇರ್ ಎಂಜಿನಿಯರಿಂಗ್ ಪ್ರಾಜೆಕ್ಟ್ ಅನ್ನು 16 ದಿನಗಳಲ್ಲಿ ಪೂರ್ಣಗೊಳಿಸಿದೆ ಎಂದು ಹೇಳಲಾಗಿದೆ. Qwen3.8-Max ಅನ್ನು ಮುಂದಿನ ವಾರ Alibaba Cloud ನ ಮಾಡೆಲ್ ಸ್ಟುಡಿಯೋ ಪ್ಲಾಟ್ಫಾರ್ಮ್ ಮೂಲಕ ಬಿಡುಗಡೆ ಮಾಡಲಾಗುವುದು.

ಮಾಹಿತಿ ಕೃಪೆ: thehindu.com