ದೇಶೀಯ ವಿಮಾನ ಪ್ರಯಾಣದ ಸಂದರ್ಭ ಮಾವು ಕೊಂಡೊಯ್ಯಬಹುದೆ?

ಮಾವು ಜೊತೆಗೆ ಪ್ರಯಾಣದ ಬಗ್ಗೆ ವೈಮಾನಿಕ ಪ್ರಯಾಣದ ನಿಯಮ ಏನು ಹೇಳುತ್ತದೆ?

ಭಾರತದಲ್ಲಿ ಮಾವಿನ ಸೀಸನ್ ಬಂದಿರುವ ಕಾರಣ ಅನೇಕ ಪ್ರಯಾಣಿಕರು ನೆಚ್ಚಿನ ಹಣ್ಣುಗಳ ಒಂದು ಅಥವಾ ಎರಡು ಪೆಟ್ಟಿಗೆಗಳೊಂದಿಗೆ ವಿಮಾನದಲ್ಲಿ ಪ್ರಯಾಣಿಸಲು ಬಯಸುವುದು ಸಾಮಾನ್ಯವಾಗಿದೆ. ಹಾಗಿದ್ದರೆ, ಮಾವು ಜೊತೆಗೆ ಪ್ರಯಾಣದ ಬಗ್ಗೆ ವೈಮಾನಿಕ ಪ್ರಯಾಣದ ನಿಯಮ ಏನು ಹೇಳುತ್ತದೆ?

ಏರ್ ಇಂಡಿಯಾದ ನಿವೃತ್ತ ಹಿರಿಯ ಎಜಿಎಂ, ವಾಯುಯಾನ ತಜ್ಞೆಯಾಗಿರುವ ಕೆ ಅನುರಾಧಾ ಸುರೇಶ್ ಪ್ರಕಾರ, ದೇಶೀಯ ಪ್ರಯಾಣದಲ್ಲಿ ವಿಮಾನಗಳನ್ನು ಸಾಮಾನ್ಯವಾಗಿ ಅನುಮತಿಸಲಾಗಿದೆ. ಮಾವು ವಿಮಾನ ಪ್ರಯಾಣದಲ್ಲಿ ನಿಷೇಧಿತ ವಸ್ತುವಲ್ಲ. ಆದರೆ ಪ್ರಯಾಣಕ್ಕೆ ಭದ್ರತಾ ಕ್ಲಿಯರೆನ್ಸ್ ಪಡೆಯುವುದು ಬಹಳ ಮುಖ್ಯವಾಗುತ್ತದೆ. ಅಂತರರಾಷ್ಟ್ರೀಯ ಸಾಗಣೆಯಲ್ಲಿ ಕಸ್ಟಮ್ಸ್ ಮತ್ತು ಕೃಷಿ ಕ್ವಾರಂಟೈನ್ ನಿಯಮಗಳನ್ನು ಅನುಸರಿಸಬೇಕಾಗುತ್ತದೆ. ಅಂದರೆ ಕೀಟಗಳು ಅಥವಾ ರೋಗ ಹರಡುವುದನ್ನು ತಡೆಯಲು ಸಹಾಯ ಮಾಡುವ ಜೈವಿಕ ಭದ್ರತಾ ಕಾನೂನುಗಳನ್ನು ಅನುಸರಿಸಬೇಕಾಗುತ್ತದೆ.

ಭಾರತದ ಮಹಾರಾಷ್ಟ್ರದ ರತ್ನಗಿರಿ ಜಿಲ್ಲೆಯಲ್ಲಿ ಬೆಳೆಯುವ ಮಾವುಗಳ ರಾಜ ಎಂದೇ ಕರೆಯಲಾಗುವ ʼಅಲ್ಫೋನ್ಸೋʼ ಮಾವಿನ ಹಣ್ಣುಗಳ ಮಾರಾಟಗಾರರಾದ ರತ್ನಗಿರಿ ಹಾಪಸ್ನ ಅಧಿಕೃತ ಸೈಟ್ ಪ್ರಕಾರ, “ಅಮೆರಿಕ, ಯುಕೆ, ಆಸ್ಟ್ರೇಲಿಯ ಅಥವಾ ನ್ಯೂಜಿಲ್ಯಾಂಡ್ನಂತಹ ದೇಶಗಳಿಗೆ ಮಾವು ಸಾಗಿಸುತ್ತಿದ್ದಲ್ಲಿ, ಮಾವಿನ ಹಣ್ಣುಗಳು ವಿಕಿರಣ ಚಿಕಿತ್ಸೆಗೆ (ಕೀಟ ಮತ್ತು ಬ್ಯಾಕ್ಟೀರಿಯ ಕೊಲ್ಲುವ ವಿಧಾನ) ಒಳಪಟ್ಟಿರಬೇಕು. ಭಾರತದ APEDA (ಕೃಷಿ ಮತ್ತು ಸಂಸ್ಕರಿಸಿದ ಆಹಾರ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರ) ನೀಡಿದ ಫೈಟೋಸಾನಿಟರಿ ಪ್ರಮಾಣಪತ್ರ ಹೊಂದಿರಬೇಕು.”

ಗಮನಾರ್ಹವಾಗಿ CISF (ಕೇಂದ್ರೀಯ ಔದ್ಯಮಿಕ ಭದ್ರತಾ ಪಡೆ) ಫೋರ್ಟಲ್ ಮೂಲಕ ಅಥವಾ 100 ಮಿಲಿಗಿಂತ ಹೆಚ್ಚಿನ ಶಸ್ತ್ರಾಸ್ತ್ರಗಳು, ಸ್ಫೋಟಕಗಳು ಅಥವಾ ದ್ರವಗಳನ್ನು ಸಾಗಿಸುವುದನ್ನು ನಿಷೇಧಿಸುವ ದೆಹಲಿ ವಿಮಾನ ನಿಲ್ದಾಣದ ಭದ್ರತಾ ಮಾರ್ಗಸೂಚಿಗಳ ಮೂಲಕ ಅಧಿಕೃತ BCAS (ನಾಗರಿಕ ವಿಮಾನಯಾನ ಪ್ರಾಧಿಕಾರ ಮಂಡಳಿ) ನಿಷೇಧಿತ ವಸ್ತುಗಳ ಪಟ್ಟಿಯಲ್ಲಿ ತಾಜಾ ಹಣ್ಣುಗಳು ಅಥವಾ ಮಾವಿನ ಹಣ್ಣುಗಳನ್ನು ಉಲ್ಲೇಖಿಸುವುದಿಲ್ಲ. ಹೀಗಾಗಿ ಕಾನೂನುಬದ್ಧವಾಗಿ ಸ್ಪಷ್ಟವಾಗಿ ನಿಷೇಧಿಸದೆ ಅಥವಾ ಭದ್ರತಾ ಅಪಾಯವೆಂದು ಹೇಳದೆ ಇದ್ದಲ್ಲಿ ಮಾವಿನ ಹಣ್ಣುಗಳನ್ನು ಸಾಗಿಸಬಹುದು.

ಒಂದು ಬಾರಿ ಇಂಡಿಗೋ ತನ್ನ ಅಧಿಕೃತ ಎಕ್ಸ್ ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಪೋಸ್ಟ್ ಮಾಡಿ ಮಾವು ಸಾಗಿಸಬಹುದು ಎಂದು ದೃಡಪಡಿಸಿದೆ. “ಸೀಮಿತ ಪ್ರಯಾಣದಲ್ಲಿ ಮಾವಿನ ಹಣ್ಣುಗಳನ್ನು ಕ್ಯಾಬೀನ್ ಬ್ಯಾಗೇಜ್ನಲ್ಲಿ ಸಾಗಿಸಬಹುದು. ಚೆಕ್ಇನ್ ಬ್ಯಾಗೇಜ್ ಮಿತಿಯೊಳಗೆ ನೀವು ನಿಮ್ಮ ಚೆಕ್ ಇನ್ ಬ್ಯಾಗೇಜ್ನಲ್ಲಿ ಮಾವಿನ ಪೆಟ್ಟಿಗೆ ಒಯ್ಯಬಹುದು” ಎಂದು ಪೋಸ್ಟ್ ನಲ್ಲಿ ಹೇಳಲಾಗಿದೆ.

ಏರ್ ಇಂಡಿಯಾದಲ್ಲಿ ನೈರ್ಮಲ್ಯ ಸಮಸ್ಯೆಗಳಿಲ್ಲದೆ ಇದ್ದಲ್ಲಿ ಪ್ರಮಾಣಿತ ತೂಕದ ಮಿತಿ ಪಾಲಿಸುವವರೆಗೆ ಒಣ ಆಹಾರ ಮತ್ತು ತಾಜಾ ಉತ್ಪನ್ನಗಳನ್ನು ಅನುಮತಿಸಲಾಗುತ್ತದೆ.

ಕುತೂಹಲವೆಂದರೆ ತಾಜಾ ಹಣ್ಣುಗಳನ್ನು ಅನುಮತಿಸಲಾಗಿದ್ದರೂ, ಭಾರತೀಯ ವಾಯುಯಾನ ಭದ್ರತೆಯಿಂದ ಸ್ಪಷ್ಟವಾಗಿ ನಿಷೇಧಿಸಲಾದ ಏಕೈಕ ಹಣ್ಣು ಎಂದರೆ ಒಣ ತೆಂಗಿನಕಾಯಿ.

ಮಾವು ಸಾಗಿಸಬೇಕು ಎಂದುಕೊಂಡಿದ್ದಲ್ಲಿ ಚೆನ್ನಾಗಿ ಮುಚ್ಚಿದ, ವಾಣಿಜ್ಯ ಕಾರ್ಡ್ಬೋರ್ಡ್ ಪೆಟ್ಟಿಗೆಯಲ್ಲಿ ಅಚ್ಚುಕಟ್ಟಾಗಿ ಪ್ಯಾಕ್ ಮಾಡಬೇಕು. ಹೀಗೆ ಪ್ಯಾಕ್ ಆದಲ್ಲಿ ಭದ್ರತಾ ಸಿಬ್ಬಂದಿ ತ್ವರಿತವಾಗಿ ತಪಾಸಣೆ ಮಾಡಲು ಸಾಧ್ಯವಾಗುತ್ತದೆ. ರತ್ನಗಿರಿ ಹ್ಯಾಪಸ್ ವೆಬ್ತಾಣದ ಪ್ರಕಾರ ವಿಮಾನ ಪ್ರಯಾಣದಲ್ಲಿ ಮಾವು ಕೊಂಡೊಯ್ಯಬೇಕೆಂದರೆ ಪ್ರಯಾಣಿಕರು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬೇಕು:

• ಮಾವಿನ ಹಣ್ಣುಗಳನ್ನು ಸಡಿಲವಾಗಿ ಬ್ಯಾಗ್ನಲ್ಲಿಟ್ಟು ಕೊಂಡೊಯ್ಯಬಾರದು.

• ಗಮ್ಯಸ್ಥಾನದ ದೇಶದ ಆಮದು ಕಾನೂನುಗಳನ್ನು ಪರಿಶೀಲಿಸಬೇಕು.

• ಅನುಮತಿ ಇದ್ದರೆ ದಾಖಲೆಗಳೊಂದಿಗೆ ಮುಚ್ಚಿದ, ಸೋರಿಕೆ ಇಲ್ಲದ ಪೆಟ್ಟಿಗೆಗಳಲ್ಲಿ ಮಾವು ಪ್ಯಾಕ್ ಮಾಡಬೇಕು.

• ಕಸ್ಟಮ್ಸ್ನಲ್ಲಿ ವಿವರ ನೀಡಿ ಮತ್ತು ಅಧಿಕಾರಿಗಳೊಂದಿಗೆ ಸಹಕರಿಸಬೇಕು.

ಮಾಹಿತಿ ಕೃಪೆ: indianexpress.com