2024ನೇ ಸಾಲಿಗೆ 21 ಸಾರ್ವತ್ರಿಕ ರಜೆಗಳ ಪಟ್ಟಿ ಪ್ರಸ್ತಾವ

ಬೆಂಗಳೂರು, ನ.23: ರಾಜ್ಯ ಸರಕಾರವು 2024ನೇ ಸಾಲಿಗೆ ಸಂಬಂಧಿಸಿದಂತೆ ಒಟ್ಟು 21 ಸಾರ್ವತ್ರಿಕ ರಜೆಗಳ ಪಟ್ಟಿಯನ್ನು ಶೀಘ್ರದಲ್ಲೇ ಘೋಷಿಸಲಿದೆ. ಈ ಸಂಬಂಧ ಧಾರ್ಮಿಕ ದತ್ತಿ ಇಲಾಖೆಯ ಆಯುಕ್ತರು ನೀಡಿರುವ ಪಟ್ಟಿಯನ್ನಾಧರಿಸಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆಯು ಸಚಿವ ಸಂಪುಟದ ಅನುಮೋದನೆಗೆ ಪ್ರಸ್ತಾವ ಸಲ್ಲಿಸಿದೆ.

ಸಚಿವ ಸಂಪುಟಕ್ಕೆ ಮಂಡಿಸಿರುವ ಪ್ರಸ್ತಾವನೆಯು (ಸಿಆಸುಇ 16 ಎಚ್ ಎಚ್ ಎಲ್ 2023, ವಿಷಯ ಸಂಖ್ಯೆ 539/2023) "the-file.in'ಗೆ ಲಭ್ಯವಾಗಿದೆ.

'ಧಾರ್ಮಿಕ ದತ್ತಿ ಇಲಾಖೆಯ ಆಯುಕ್ತರು ಆಗಮ ಪಂಡಿತರೊಂದಿಗೆ ಸಮಾಲೋಚಿಸಿ 2024ನೇ ಸಾಲಿನಲ್ಲಿ ಸಾರ್ವತ್ರಿಕ ರಜೆ ಮತ್ತು ಪರಿಮಿತ ರಜೆಗಳ ಪಟ್ಟಿಯನ್ನು ಸಿದ್ಧಪಡಿಸಿದ್ದಾರೆ. ಈ ಪಟ್ಟಿಯನ್ನು ಘೋಷಿಸುವ ಬಗ್ಗೆ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆಯು ಸಚಿವ ಸಂಪುಟಕ್ಕೆ ಮಂಡಿಸಿರುವುದು ಗೊತ್ತಾಗಿದೆ.

'ಧಾರ್ಮಿಕ ದತ್ತಿ ಆಯುಕ್ತರು ಪ್ರಸ್ತಾವಿಸಿರುವ ಪ್ರಕಾರ 2024ನೇ ಸಾಲಿನ ಸಾರ್ವತ್ರಿಕ ರಜಾ ದಿನಗಳ ಪಟ್ಟಿಯು ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಹಾಗೂ ರವಿವಾರಗಳನ್ನು ಹೊರತುಪಡಿಸಿ 21 ಸಾರ್ವತ್ರಿಕ ರಜಾ ದಿನಗಳನ್ನು ಒಳಗೊಂಡಿದೆ.

ಹಾಗೂ ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಹಾಗೂ ಭಾನುವಾರ ಮತ್ತು ಸಾರ್ವತ್ರಿಕ ರಜಾ ದಿನಗಳಂದು ಇರುವ ಹಬ್ಬಗಳನ್ನು ಹೊರತುಪಡಿಸಿ 15 ಪರಿಮಿತ ರಜೆ ದಿನಗಳ ಪ್ರಸ್ತಾವವನ್ನು ಒಳಗೊಂಡಿದೆ. ಇವುಗಳಲ್ಲಿ ಒಬ್ಬ ಸರಕಾರಿ ನೌಕರ/ಅಧಿಕಾರಿಯು ಪ್ರಸಕ್ತ ವರ್ಷದಲ್ಲಿ 02 ಪರಿಮಿತ ರಜೆಗಳನ್ನು ಉಪಯೋಗಿಸಿಕೊಳ್ಳಬಹುದು ಎಂದು ಪ್ರಸ್ತಾವದಲ್ಲಿ ತಿಳಿಸಿದೆ.

ಮುಸ್ಲಿಮರ ಹಬ್ಬಗಳ ಆಚರಣೆ ಕುರಿತು ಧಾರ್ಮಿಕ ದತ್ತಿ ಇಲಾಖೆ ಆಯುಕ್ತರು ಇದೇ ಪ್ರಸ್ತಾವನೆಯಲ್ಲಿ ವಿವರಿಸಿದ್ದಾರೆ. ರಜೆ ದಿನಾಂಕಗಳ ಬಗ್ಗೆ ಕರ್ನಾಟಕ ವಕ್ಫ್ ಮಂಡಳಿಯೊಂದಿಗೆ ಆಯುಕ್ತರು ಸಮಾಲೋಚಿಸಿದ್ದಾರೆ. ಆದರೆ, ಪರಿಮಿತ ರಜೆಗಳಲ್ಲಿ 2024ರ ಫೆ.26ರಂದು ನಿಗದಿಯಾಗಿದ್ದ ಶಬ್-ಎ ಬರಾತ್ ಹಬ್ಬವನ್ನು 2024ರ ಫೆ.25 ಮತ್ತು 2024ರ ಎಪ್ರಿಲ್ 7ರಂದು ನಿಗದಿಯಾಗಿದ್ದ ಶಬ್-ಎ-ಖದರ್ ಹಬ್ಬವನ್ನು 2024ರ ಎಪ್ರಿಲ್ 6ರಂದು ವಕ್ಫ್ ಮಂಡಳಿಯು ನಿಗದಿ ಮಾಡಿರುವುದು ಗೊತ್ತಾಗಿದೆ.

► ಪರಿಮಿತ ರಜಾ ದಿನಗಳ ಪಟ್ಟಿ

2024ರ ಜನವರಿ 1ರಂದು ನೂತನ ವರ್ಷಾರಂಭ

2024ರ ಮಾರ್ಚ್ 25ರ ಸೋಮವಾರದಂದು ಹೋಳಿ ಹಬ್ಬ

2024ರ ಮಾರ್ಚ್ 30 ಶನಿವಾರ ಹೋಲಿ ಸ್ಯಾಟರ್ ಡೇ

2024ರ ಎಪ್ರಿಲ್ 5ರ ಶುಕ್ರವಾರ ಜುಮತ್-ಉಲ್-ವಿದಾ

2024ರ ಎಪ್ರಿಲ್ 6ರ ಶನಿವಾರ ಶಬ್-ಎ-ಖದ್ರ್

2024ರ ಎಪ್ರಿಲ್ 17ರ ಬುಧವಾರ ಶ್ರೀ ರಾಮನವಮಿ

2024ರ ಮೇ 23ರ ಗುರುವಾರ ಬುದ್ಧ ಪೂರ್ಣಿಮೆ

2024ರ ಆಗಸ್ಟ್ 16ರ ಶುಕ್ರವಾರ ವರ ಮಹಾಲಕ್ಷ್ಮೀ ಹಬ್ಬ

2024ರ ಆಗಸ್ಟ್ 19ರ ಸೋಮವಾರ ಋಗ್ ಉಪರ್ಕ, ಯಜುರ್ ಉಪ ಕರ್ಮ

2024ರ ಆಗಸ್ಟ್ 20ರ ಮಂಗಳವಾರ ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ

2024ರ ಆಗಸ್ಟ್ 26ರ ಸೋಮವಾರ ಶ್ರೀ ಕೃಷ್ಣ ಜನ್ಮಾಷ್ಟಮಿ

2024ರ ಸೆಪ್ಟಂಬರ್ 6ರ ಶುಕ್ರವಾರ ಸ್ವರ್ಣ ಗೌರಿ ವ್ರತ

2024ರ ಸೆಪ್ಟಂಬರ್ 17ರ ಮಂಗಳವಾರ ವಿಶ್ವಕರ್ಮ ಜಯಂತಿ

2024ರ ನವೆಂಬರ್ 15ರ ಶುಕ್ರವಾರ ಗುರು ನಾನಕ್ ಜಯಂತಿ

2024ರ ಡಿಸೆಂಬರ್ 24 ರ ಮಂಗಳವಾರ ಕ್ರಿಸ್ಮಸ್ ಈವ್